(vovworld) - ພິທີປຸກລະດົມແຫ່ງຊາດຕອບສະຫນອງຂະບວນການເຮັດໃຫ້ໂລກສົດໃສກວ່າໃນປີ 2012 ພາຍໃຕ້ຫົວຂໍ້ວ່າ: ສະຖານທີ່ເພິ່ງພາອາໄສຂອງພວກເຮົາ, ຫນ່ວຍພິພົບຂອງພວກເຮົາ, ຄວາມຮັບຜິດຊອບຂອງພວກເຮົາ ໂດຍແມ່ນກະຊວງຊັບພະຍາກອນ ແລະ ສິ່ງແວດລ້ອມ ສົມທົບກັບສະຫະພັນໃຫຍ່ແຮງງານ ຫວຽດນາມ ແລະ ຄະນະກຳມະການປະຊາຊົນນະຄອນ Da Nang ຈັດຕັ້ງຂຶ້ນໃນຕອນເຊົ້າວັນທີ 15/9 ຢູ່ Da Nang. ຂະບວນການດັ່ງກ່າວໄດ້ຮຽກຮ້ອງໃຫ້ທຸກຄົນໃນວົງຄະນາຍາດຈົ່ງມີການເຄື່ອນໄຫວຢ່າງແທດຈິງເພື່ອປະກອບສ່ວນເຂົ້າໃນການປົກປັກຮັກສາສິ່ງແວດລ້ອມ, ຈາກນັ້ນ ປະກອບສ່ວນໃຫ້ແກ່ຄວາມມານະພະຍາຍາມຂອງທົ່ວໂລກ. ຢູ່ ຫວຽດນາມ ຄວາມເສຍຫາຍຈາກມົນລະພິດສິ່ງແວດລ້ອມກໍ່ຂຶ້ນກວມເອົາແຕ່ 1,5 - 3% GDP, ແລະ ເກືອບ 800 ລ້ານ USDໃນບັນດາຂົງເຂດເບິ່ງແຍງດູແລສຸຂະພາບຂອງວົງຄະນາຍາດ. ທີ່ພິທີປຸກລະດົມ, ທ່ານ Bui Cach Tuyen ລັດຖະມົນຕີຊ່ວຍວ່າການກະຊວງຊັບພະຍາກອນ ແລະ ສິ່ງແວດລ້ອມ ໃຫ້ຮູ້ວ່າ:
“ຕ້ອງມີບັນດາມາດຕະການກ່ຽວກັບລະບອບນະໂຍບາຍ. ທີສອງ ແມ່ນປັບປຸງລະບົບຄຸ້ມຄອງຈາກສູນກາງລົງຮອດທ້ອງຖິ່ນເພື່ອເຂົ້າຮ່ວມວຽກງານຄຸ້ມຄອງສິ່ງແວດລ້ອມ. ທີສາມ ຕ້ອງນຳໃຊ້ບັນດາເຕັກໂນໂລຊີບຳບັດສິ່ງເສດເຫລືອໃຫ້ເໝາະສົມກັບເງື່ອນໄຂຂອງຫວຽດນາມ. ແລະ ພວກເຮົາຕ້ອງເຮັດແນວໃດເພື່ອຍົກສູງຄວາມຮັບຮູ້ຂອງໝົດທຸກຄົນຮ່ວມແຮງຮ່ວມໃຈເຮັດໃຫ້ສິ່ງແວດລ້ອມສົດໃສກວ່າ.”