ອຳນາດການປົກຄອງຮົງກົງ(ປະເທດຈີນ)ແລະນັກສຶກສາແຫ່ຂະບວນປະທ້ວງສິ້ນສຸດການໂອ້ລົມສົນທະນາຄັ້ງທຳອິດ
ຜູ້ແຫ່ຂະບວນປະທ້ວງຢູ່ເມືອງ Admiralty, ຮົງກົງໃນວັນທີ 20/10
(ພາບ: AFP-TTXVN)
(vovworld) – ວັນທີ 21/10, ອຳນາດການປົກຄອງເຂດບໍລິຫານພິເສດ ຮົງກົງ (ປະເທດຈີນ) ໄດ້ໂອ້ລົມສົນທະນາທາງການຄັ້ງທຳອິດກັບສະຫະສະມາຄົມນັກສຶກສາ ຮົງກົງ (HKFS), ເຊິ່ງແມ່ນໜຶ່ງໃນບັນດາອົງການຈັດຕັ້ງຂອງຂະບວນການ “ຢືດຄອງເຂດໃຈກາງ” ເພື່ອແນໃສ່ຊອກຫາບັນດາມາດຕະການຢຸດຕິຂະບວນການແຫ່ຂະບວນປະທ້ວງນີ້ໂດຍສັນຕິ. ກ່າວຄຳເຫັນກັບວົງການນັກຂ່າວພາຍຫຼັງການໂອ້ລົມສົນທະນາ, ຫົວໜ້າກົມບໍລິຫານ ຮົງກົງ ທ່ານນາງ ຫຼິງເຈິງຢູວເອີ້ ໃຫ້ຮູ້ວ່າ: ບັນດາບັນຫາທີ່ໄດ້ວາງອອກທີ່ການໂອ້ລົມສົນທະນາ ລວມມີເລື່ອງລົບລ້າງລະບົບເລືອກຕັ້ງຕາມເຂດກ່ຽວຂ້ອງ ແລະ ພົນລະເມືອງ ແຕ່ງຕັ້ງທີ່… ບໍ່ເໝາະສົມກັບກົດໝາຍພື້ນຖານ, ພ້ອມທັງຍອມຮັບວ່າ 2 ຝ່າຍຍັງຄົງມີຄວາມບໍ່ລົງລອຍກັນໃນບັນດາຫຼັກການສຳຄັນ. ເຖິງຢ່າງໃດກໍ່ຕາມ, ທ່ານນາງ ຫຼິງເຈິງຢູວເອີ້ ກໍ່ສະແດງຄວາມຫວັງຈະມີການໂອ້ລົມສົນທະນາກັບການນຳຜູ້ແຫ່ຂະບວນປະທ້ວງ. ທ່ານນາງກໍ່ໃຫ້ຮູ້ວ່າ: ອຳນາດການປົກຄອງ ຮົງກົງ ຈະສ່ອງແສງຄວາມຮຽກຮ້ອງຕ້ອງການຂອງປະຊາຊົນ ແລະ ຈະຍື່ນສະເໜີຕໍ່ຫ້ອງການປະຕິບັດງານ ຮົງກົງ - ມາເກົາ ທີ່ຂຶ້ນກັບລັດຖະບານ ຈີນ ບົດລາຍງານພິເສດທີ່ກ່ຽວຂ້ອງເຖິງບັນຫາດັ່ງກ່າວ.