ຮອງປະທານສະພາແຫ່ງຊາດຫງວຽນກິມເງິນຕ້ອນຮັບຮອງປະທານສະພາຕຳ່ຈີເລ
ທ່ານນາງຮອງປະທານສະພາແຫ່ງຊາດຫວຽດນາມ ຫງວຽນທິກິມເງິນ
ຕ້ອນຮັບທ່ານນາງຮອງປະທານສະພາຕຳ່ຈີເລ Denise Pascal Allende
(ພາບ: TTXVN)
(vovworld) - ຕອນເຊົ້າວັນທີ 31/3, ຢູ່ສຳນັກງານສະພາແຫ່ງຊາດ, ທ່ານນາງຮອງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ໃຫ້ການຕ້ອນຮັບທ່ານນາງຮອງປະທານສະພາຕຳ່ຈີເລ Denise Pascal Allende ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານນາງຮອງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຢືນຢັນວ່າ: ຫວຽດນາມ ເອົາໃຈໃສ່ເຖິງການພັດທະນາການພົວພັນມິດຕະພາບ ແລະ ຮ່ວມມືກັບບັນດາປະເທດອາເມລິກາລາຕີນ, ໃນນັ້ນຖືເປັນສຳຄັນການປັບປຸງ ແລະ ເພີ່ມທະວີການພົວພັນຮ່ວມມືຫຼາຍດ້ານກັບສາທາລະນະລັດຈີເລ. ທ່ານນາງຮອງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະເໜີໃນໄລຍະຈະມາເຖິງບັນດາອົງການນິຕິບັນຍັດຂອງ 2 ປະເທດຈະສະໜັບສະໜູນ ແລະ ຊຸກຍູ້ຜັນຂະຫຍາຍບັນດາມາດຕະການເພີ່ມທະວີການພົວພັນຄູ່ຮ່ວມມືຮອບດ້ານ ຫວຽດນາມ-ຈີເລ; ຊຸກຍູ້ບັນດາການຢ້ຽມຢາມຊື່ງກັນ ແລະ ກັນຂອງການນຳຂັ້ນສູງທຸກຂັ້ນ, ບັນດາຂະແໜງການ, ໃນນັ້ນມີອົງການນິຕິບັນຍັດ 2 ປະເທດ; ຍົກສູງປະສິດທິຜົນຂອງບັນດາກົນໄກຮ່ວມມື 2 ຝ່າຍ; ເພີ່ມທະວີສົມທົບ ແລະ ສະໜັບສະໜູນຊື່ງກັນ ແລະ ກັນຢູ່ບັນດາກົນໄກຮ່ວມມືຫຼາຍຝ່າຍ, ຄືຢູ່ ສະຫະປະຊາຊາດ, IPU, APEC, TPP… ທ່ານນາງຮອງປະທານສະພາແຫ່ງຊາດຫວຽດນາມ ຫງວຽນທິກິມເງິນ ປາດຖະໜາວ່າ: ຈີເລ ຈະສືບຕໍ່ສະໜັບສະໜູນ ຫວຽດນາມ ຮັບສະໝັກເລືອກຕັ້ງເຂົ້າເປັນສະມາຊິກສະພາຄວາມໝັ້ນຄົງຂອງສະຫະປະຊາຊາດ (2020-2021) ແລະ ສະພາເສດຖະກິດ-ສັງຄົມສະຫະປະຊາຊາດ (2016-2018).