ທ່ານຮອງລັດຖະມົນຕີ ເລແທັ່ງລອງ ພົບປະເຈລະຈາກັບທ່ານຮອງນາຍົກລັດຖະມົນຕີ ຈີນ ຢິງເຊຊຽງ (ພາບ: VGP)

ວັນທີ 19 ພະຈິກ, ທ່ານຮອງລັດຖະມົນຕີ ເລແທັ່ງລອງ ພົບປະເຈລະຈາກັບຮອງນາຍົກລັດຖະມົນຕີ ຈີນ ຢິງເຊຊຽງ, ໃນການພົບປະເຈລະຈາ, ຮອງນາຍົກລັດຖະມົນຕີສອງທ່ານໄດ້ຕີລາຄາສູງທ່ວງທ່າພັດທະນາອັນດີງາມ ແລະ ຄວາມຄືບໜ້າແທດຈິງໃນການພົວພັນມິດຕະພາບ, ການຮ່ວມມື ຕ່າງຝ່າຍຕ່າງມີຜົນປະໂຫຍດລະຫວ່າງ ຫວຽດນາມ ແລະ ຈີນ, ໂດຍສະເພາະແມ່ນການພົວພັນແລກປ່ຽນ, ພົບປະຂັ້ນສູງ ແລະ ທຸກຂັ້ນ ໄດ້ດຳເນີນເປັນປະຈຳ, ການຮ່ວມມືເສດຖະກິດການຄ້າມີຄວາມຟົດຟື້ນຫຼາຍ ດ້ວຍວົງເງິນການຄ້າ 10 ເດືອນຕົ້ນປີນີ້ ບັນລຸ 168,5 ຕື້ USD, ເພີ່ມ 21,1% ເມື່ອທຽບໃສ່ໄລຍະດຽວກັນຂອງປີກາຍ.

        ກ່ຽວກັບທິດທາງການຮ່ວມມືໃນໄລຍະຈະມາເຖິງ, ສອງຝ່າຍເຫັນດີເປັນເອກະພາບຊຸກຍູ້ການພົບປະຂັ້ນສູງ ແລະ ທຸກຂັ້ນ ດ້ວຍຫຼາຍຮູບຫຼາຍແບບ; ຈັດກອງປະຊຸມ ຄັ້ງທີ 16 ຄະນະກຳມະການຊີ້ນຳການຮ່ວມມືສອງຝ່າຍ ຫວຽດນາມ - ຈີນ ໃຫ້ເປັນຢ່າງດີ; ຍົກສູງປະສິດທິຜົນ ແລະ ເຮັດໃຫ້ການຮ່ວມມືໃນບັນດາຂົງເຂດແທດຈິງກວ່າເກົ່າ; ເພີ່ມທະວີການພົວພັນແລກປ່ຽນປະຊາຊົນ, ປັບປຸງພື້ນຖານສັງຄົມອັນໝັ້ນແກ່ນຂອງການພົວພັນສອງປະເທດ; ຈັດ “ປີພົວພັນແລກປ່ຽນວັດທະນະທຳມະນຸດ ຫວຽດນາມ - ຈີນ”  ແລະ ບັນດາການເຄື່ອນໄຫວສະເຫຼີມສະຫຼອງວັນສ້າງຕັ້ງສາຍພົວພັນທາງການທູດຄົບຮອບ 75 ປີ ໃຫ້ເປັນຢ່າງດີ.

ນັກຂ່າວ VOV ປະຈຳ ຈີນ