ເກີດເຫດແຜ່ນດິນໄຫວຢູ່ອິນໂດເນເຊຍ: ມີຄົນຖືກຫາຍສາບສູນໃນເຫດຟອງຍັກ ໜ້ອຍສຸດ 5 ຄົນ
(VOVWORLD) -ຕອນຄໍ່າວັນທີ 28 ກັນຍາ, ທ່ານ Sutopo Purwo Nugroho ໂຄສົກອົງການຄວບຄຸມໄພພິບັດທໍາມະຊາດຂອງ ອິນໂດເນເຊຍ ໃຫ້ຮູ້ວ່າ ຢ່າງໜ້ອຍສຸດມີ 5 ຄົນຖືກຫາຍສາບສູນໃນເຫດຟອງຍັກ ທີ່ພັດຖະຫຼົມເຂົ້ານະຄອນ Palu ຢູ່ເກາະ Sulawesi, ທາງພາກກາງ ອິນໂດເນເຊຍພາຍຫຼັງເກີດເຫດແຜ່ນດິນໄຫວກອ່ນໜ້ານັ້ນ ຢ່າງລຽນຕິດໃນວັນດຽວກັນ.
ຟອງຍັກດັ່ງກ່າວມີຄວາມສູງເຖິງ 2 ແມັດ ເຊິ່ງໄດ້ເກີດຂຶ້ນພາຍຫຼັງ ເກີດເຫດແຜ່ນດິນໄຫວຮຸນແຮງຢ່າງລຽນຕິດ ເຊິ່ງມີຄວາມແຮງສັ່ນສະເທືອນເຖິງ 7,5 Richter ເຮັດໃຫ້ທົ່ວເຂດທາງພາກກາງ ອິນໂດເນເຊຍ ຖືກສັ່ນສະເທືອນ ໃນເວລາ 18 ໂມງ ຂອງວັນທີ 26 ກັນຍາ (ຕາມເວລາທ້ອງຖິ່ນ) ແລະ ຈຸດສູນກາງມີຄວາມເລິກ 10 Km, ຢູ່ໃກ້ກັບເທດສະບານ Donggala ຂຶ້ນກັບແຂວງ Trung Sulwesi, ຫ່າງຈາກນະຄອນ Jakarta ໄປທາງທິດຕາເວັນອອກສ່ຽງເໜືອ 2.500 Km.