(ພາບປະກອບ:baocongthuong.com.vn)
( vovworld ) – ທ່ານນາຍົກລັດຖະມົນຕີຫວຽດນາມ Nguyen Tan Dung ຫາກໍ່ເຊັນອະນຸມັດແຜນການຜະລິດດຳເນີນທຸລະກິດ ແລະ ລົງທຶນພັດທະນາໃນໄລຍະ 5 ປີ 2011-2015 ຂອງກຸ່ມບໍລິສັດນ້ຳມັນເຊື້ອໄຟຫວຽດນາມ. ໜ້າທີ່ລະອຽດຂອງກຸ່ມບໍລິສັດນ້ຳມັນເຊື້ອໄຟຫວຽດນາມ ໃນໄລຍະ 2011-2015 ແມ່ນກໍ່ສ້າງກຸ່ມບໍລິສັດນ້ຳມັນເຊື້ອໄຟຫວຽດນາມ ໃຫ້ກາຍເປັນກຸ່ມບໍລິສັດທີ່ເຂັ້ມແຂງ, ນຳໜ້າໃນການນຳໃຊ້ເຕັກໂນໂລຊີສູງ, ຮັກສາບົດບາດຮັກສາຕະຫຼາດສະໜອງນ້ຳມັນເຊື້ອໄຟ ແລະ ບັນດາຜະລິດຕະພັນເຄມີນ້ຳມັນໃຫ້ປັນປົກກະຕິ… ກຸ່ມບໍລິສັດນ້ຳມັນເຊື້ອໄຟຫວຽດນາມ ຍັງໄດ້ເຂົ້າຮ່ວມວຽກງານຮັກສາລາຄາຕະຫຼາດ, ຕະຫຼາດນ້ຳມັນເຊື້ອໄຟເປັນປົກກະຕິ, ປະກອບສ່ວນຮັບປະກັນຊີວິດສັງຄົມ, ປະຕິບັດການສະສົມ ຈໍລະຈອນຢ່າງເຂັ້ມງວດ ຕາມກຳນົດຂອງກົດໝາຍ…ທ່ານນາຍົກລັດຖະມົນຕີ ຫວຽດນາມ Nguyen Tan Dung ມອບໃຫ້ກະຊວງອຸດສາຫະກຳການຄ້າເປັນປະທານ, ສົມທົບກັບກະຊວງແຜນການ ແລະ ການລົງທຶນ, ກະຊວງການເງິນ ພິຈາລະນະຮັບຮອງເອົາແຜນການຜະລິດດຳເນີນທຸລະກິດ ແລະ ການລົງທຶນພັດທະນາປະຈຳປີ, ຮັບປະກັນໃຫ້ວິສາຫະກິດ ປະຕິບັດຖືກຕ້ອງຕາມແຜນການທີ່ໄດ້ຮັບການເຊັນອະນຸມັດ.