( ທ່ານ ຫວູຈ້ອງກີມ ຮອງປະທານ ເລຂາທິການໃຫຍ່ຄະນະ
ກຳມະການສູນກາງແນວໂຮມປະເທດຊາດ ຫວຽດນາມ )
(vovworld) – ເນື່ອງໃນໂອກາດສະເຫຼີມສະຫຼອງ 85 ປີແຫ່ງວັນມູນເຊື້ອແນວໂຮມປະເທດຊາດ ຫວຽດນາມ. ຕອນເຊົ້າວັນທີ 9/11 ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດ ຫວຽດນາມ, ສະຖາບັນການເມືອງແຫ່ງຊາດໂຮ່ຈີມິນ ແລະ ໜັງສືພິມປະຊາຊົນ ຈັດຕັ້ງກອງປະຊຸມສຳມະນາວິທະຍາສາດ “ເສີມຂະຫຍາຍກຳລັງແຮງມະຫາສາມັກຄີທົ່ວປວງຊົນທັງຊາດ ແລະ ປະຊາທິປະໄຕສັງຄົມນິຍົມໃນໄລຍະປ່ຽນໃໝ່ປະເທດຊາດ, ເຊື່ອມໂຍງເຂົ້າກັບສາກົນ”. ກ່າວຄຳເຫັນທີ່ພິທີໄຂກອງປະຊຸມສຳມະນາ. ທ່ານ ຫວູຈ້ອງກີມ ຮອງປະທານ ເລຂາທິການໃຫຍ່ຄະນະກຳມະການສູນກາງແນວໂຮມປະເທດຊາດ ຫວຽດນາມ ຢັ້ງຢືນວ່າ: 85 ປີຜ່ານມາ ພ້ອມກັບການພັດທະນາຂອງການປະຕິວັດ ຫວຽດນາມ. ແນວໂຮມເອກະພາບແຫ່ງຊາດ ຫວຽດນາມ ໄດ້ສ້າງບັນດາມູນເຊື້ອປະຕິວັດ ທີ່ສະຫງ່າລາສີ ຕິດພັນກັບປະຫວັດສາດຢ່າງສະຫງ່າງາມຂອງພັກກອມມູນິດ ຫວຽດນາມ, ຂອງຊາດ ຫວຽດນາມ. ທີ່ຕັ້ງ, ພາລະບົດບາດຂອງແນວໂຮມນັບມື້ນັບໄດ້ຮັບການຢັ້ງຢືນໃນລະບົບການເມືອງ ແລະ ຊີວິດສັງຄົມໃນປະຈຸບັນ.
ທ່ານ ດຣ ຟ້າມຊວນຮັ່ງ ອາດີດປະທານຄະນະກຳມະການແນວໂຮມປະເທດຊາດນະຄອນຮ່າໂນ້ຍ ປະກອບຄຳເຫັນວ່າ:
“ກຳລັງກຸ່ມກ້ອນມະຫາສາມັກຄີທົ່ວປວງຊົນທັງຊາດ ຈະຕັດສິນບັນຫາກໍ່ສ້າງກຳລັງແຮງພາຍໃນ ປະຈຸບັນ ພັກຄວນສະແດງບົດບາດຂອງຕົນ ຕ້ອງສາມັກຄີ, ກ່ອນອື່ນໝົດ ແມ່ນຈຸດສຸມຂອງກຸ່ມກ້ອນມະຫາສາມັກຄີທົ່ວປວງຊົນ ໃນນັ້ນ ພັກແມ່ນອົງການຈັດຕັ້ງສະມາຊິກພິເສດ”.