ເຫຼົ່າທັບເຮືອຮ່ຳຮຽນແລະປະຕິບັດ ຕາມແບບຢ່າງຄຸນສົມບັດ ປະທານໂຮ່ຈິມິນ
(ພາບ: xaluan.com)
(vovworld)- ໃນ 2 ປີຜ່ານມາ, ຂະບວນການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ ໃນເຫຼົ່າທັບເຮືອຫວຽດນາມ ມີບາດກ້າວພັດທະນາຢ່າງໝັ້ນຄົງ, ກ້າວເຂົ້າສູ່ລວງເລິກ ແລະ ນັບມື້ນັບໄດ້ຮັບການຂະຫຍາຍຢ່າງກ້ວາງຂວາງ. ພົນເຮືອຕີດິງຢາເທີດ, ເລຂາຄະນະພັກ, ກຳມະການການເມືອງເຫຼົ່າທັບເຮືອຫວຽດນາມ ໃຫ້ຮູ້ວ່າ: ໃນ 2 ປີຜ່ານມາ, ຂະບວນການໄດ້ສ້າງສະຕິຕື່ນຕົວ, ນ້ຳໃຈຮັບຜິດຊອບສູງໃຫ້ບັນດາສ່ວນບຸກຄົນ, ກົມກອງໃນເຫຼົ່າທັບ, ທຸກຄົນໄດ້ສູ້ຊົນບື່ນຕົວຂຶ້ນຢ່າງບໍ່ຢຸດຢັ້ງ, ຍົກສູງຄວາມສາມາດໃນການຈັດຕັ້ງຊີ້ນຳກ່ຽວກັບການຝຶກຊ້ອມ, ເປັນເຈົ້າກຳລັງອາວຸດ, ພິເສດແມ່ນກຳລັງອາວຸດໃໝ່. ເພື່ອປະຕິບັດໜ້າທີ່ໄດ້ຮັບການມອບໝາຍໃນສະພາບການໃໝ່ໃຫ້ດີ, ພົນເຮືອຕີດິງຢາເທີດ ຢືນຢັນວ່າ:
“ໜ້າທີ່ອັນໜັກໜ່ວງຂອງເຫຼົ່າທັບເຮືອໃນປະຈຸບັນ ນັ້ນແມ່ນການປົກປັກຮັກສາອະທິປະໄຕເຂດໝູ່ເກາະທະເລ, ໄຫ່ລທະວີບຂອງປະເທດຊາດ, ຮັກສາສະພາບແວດລ້ອມແຫ່ງສັນຕິພາບບົນທະເລຢ່າງໝັ້ນຄົງ ແລະ ກໍ່ສ້າງເຫຼົ່າທັບເຮືອໃຫ້ເປັນກຳລັງຫຼວງ ແລະ ທັນສະໄໝ. ຈາກນັ້ນ, ວາງອອກຄວາມຮຽກຮ້ອງຕ້ອງການສູງສຸດໃນການສືບຕໍ່ຍູ້ແຮງການຮ່ຳຮຽນ ແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ. ສິ່ງດັ່ງກ່າວໄດ້ສະແດງໃຫ້ເຫັນໃນຄຸນນະທາດ, ຄວາມຕັດສິນໃຈຂອງພະນັກງານນັກຮົບແຕ່ລະຄົນໃນທົ່ວເຫຼົ່າທັບ, ພ້ອມແລ້ວທີ່ຈະຮັບທຸກໜ້າທີ່ ແລະ ປະຕິບັດທຸກໜ້າທີ່ໄດ້ຮັບການມອບໝາຍຢ່າງມີໄຊ; ຕ້ອງກຽມພ້ອມສູ້ຮົບ ແລະ ຍອມເສຍສະຫຼະເພື່ອການປົກປັກຮັກສາອະທິປະໄຕເຂດໝູ່ເກາະທະເລ, ໄຫ່ລທະວີບຂອງປະເທດຊາດຢ່າງໝັ້ນຄົງໜັກແໜ້ນ“