ໄຂຊຸມວັນຟິມຮູບເງົາ ລັດເຊຍຢູ່ຫວຽດນາມ
(ພາບ: vietnamplus.vn)
(vovworld)- ໃນຂອບເຂດ “ຊຸມວັນວັດທະນາທຳລັດເຊຍ ຢູ່ຫວຽດນາມ ປີ 2013“, ຕອນຄ່ຳວັນທີ 7/11, ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ, ກະຊວງວັດທະນະທຳສະຫະພັນລັດເຊຍ ໄດ້ໄຂ “ຊຸມວັນຟິມຮູບເງົາລັດເຊຍຢູ່ຫວຽດນາມ“. ກ່າວຄຳເຫັນທີ່ພິທີໄຂ, ທ່ານເວືອງຢຸຍບຽນ, ຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ ຢືນຢັນວ່າ: ຊຸມວັນຟິມຮູບເງົາລັດເຊຍ ຢູ່ຫວຽດນາມ ຄັ້ງນີ້ ແມ່ນເຫດການວັດທະນະທຳທີ່ມີຄວາມໝາຍອັນໃຫ່ຍຫຼວງເພື່ອແນໃສ່ປະຕິບັດໂຄງການຮ່ວມມືດ້ານວັດທະນະທຳສິລະປະລະຫວ່າງສອງປະເທດ. ທ່ານກ່າວວ່າ:
“ບັນດາຟິມຮູບເງົາຂອງລັດເຊຍໄດ້ນຳມາສາຍໃນໂອກາດນີ້ມີເນື້ອໃນອຸດົມສົມບຸນ, ຫຼາຍຮູບຫຼາຍແບບ, ແມ່ນໂອກາດເພື່ອໃຫ້ຜູ້ຊົມຫວຽດນາມ ເຂົ້າໃຈກ່ຽວກັບຊີວິດຂອງ ປຊຊ ລັດເຊຍ ອ້າຍນ້ອງຫຼາຍກ່ວາອີກ. ຂ້າພະເຈົ້າເຊື່ອໝັ້ນວ່າ, ຊຸມວັນຟິມຮູບເງົາລັດເຊຍ ຢູ່ຫວຽດນາມ ຄັ້ງນີ້ ຈະປະກອບສ່ວນຊຸກຍູ້, ພັດທະນາອາລົມຈິດຄວາມຮັກແພງສະໜິດຕິດພັນ, ການພົວພັນຮ່ວມມືດ້ານວັດທະນະທຳ, ສິລະປະລະຫວ່າງສອງປະເທດຍິ່ງກ່ວາອີກ ພ້ອມທັງປະກອບສ່ວນເພີ່ມທະວີນ້ຳໃຈສາມັກຄີມິດຕະພາບຮ່ວມມືທີ່ເປັນມູນເຊື້ອລະຫວ່າງຫວຽດນາມ ແລະ ສະຫະພັນລັດເຊຍ“./.