EU ປຶກສາຫາລືກ່ຽວກັບວິກິດການຢູ່ ມາລີ ແລະ ຊີຣີ
(ພາບປະກອບ)
(vovworld) - ວັນທີ 31/01, ລັດຖະມົນຕີການຕ່າງປະເທດຂອງ 27 ປະເທດສະມາຊິກສະຫະພາບເອີລົບ ໄດ້ຈັດກອງປະຊຸມຢູ່ ບຣຸກແສນ, ປະເທດ ແບບຊິກ, ເພື່ອແນໃສ່ປຶກສາຫາລືກ່ຽວກັບວິກິດການຢູ່ມາລີ ແລະ ຊີຣີ. ກ່າວຄຳເຫັນຕໍ່ວົງການນັກຂ່າວກ່ອນທີ່ຈັດກອງປະຊຸມ, ທ່ານນາງ Catherine Asthon, ເຈົ້າໜ້າທີ່ຂັ້ນສູງສະຫະພາບເອີລົບ, ຜູ້ຮັບຜິດຊອບນະໂຍບາຍປ້ອງກັນຄວາມສະຫງົບ ແລະ ການຕ່າງປະເທດ ໃຫ້ຮູ້ວ່າ ບັນດາລັດຖະມົນຕີຂອງກຸ່ມນີ້ຈະປຶກສາຫາລືການໜູນຊ່ວຍກອງທັບມາລີ ແລະ ຜັນຂະຫຍາຍການເຄື່ອນໄຫວມະນຸດສະທຳຢູ່ປະເທດອາຟະລິກາຕາເວັນຕົກນີ້. ກ່ຽວກັບສະພາບການຢູ່ຊີຣີ, ບັນດາລັດຖະມົນຕີ EU ໄດ້ສຸມໃສ່ປຶກສາຫາລືກ່ຽວກັບມາດຕະການເພື່ອແນໃສ່ຢຸດຕິສົງຄາມກາງເມືອງຢູ່ຊີຣີ, ພ້ອມທັງຢືນຢັນການສະໜັບສະໜູນທີ່ມີຕໍ່ບັນດາຄວາມມານະພະຍາຍາມຂອງທ່ານ Lakhdar Brahimi, ທູດພິເສດລວມຂອງສະຫະປະຊາຊາດ - ສະຫະພັນ ອາຣັບ (AL) ຜູ້ຮັບຜິດຊອບບັນຫາຊີຣີ.