ພິທີລົງມືກໍ່ສ້າງເຂດອະນຸສະຖານປະທານໂຮ່ຈິມີນ
ພາບ:vietnamplus.vn
(vovworld) - ຕອນເຊົ້າວັນທີ 18/4 ຢູ່ ບ້ານຊຽງຫວ່າງ ເມືອງໜອງບົກ ແຂວງຄຳມ່ວນ, ສປປ ລາວ ໄດ້ດຳເນີນພິທີລົງມືກໍ່ສ້າງເຂດອະນຸສະຖານປະທານໂຮ່ຈິມີນ. ກ່າວຄຳເຫັນນະພິທີ, ທ່ານ ສຸວັນດີ ສີສະຫວາດ ຮອງເຈົ້າແຂວງແຂວາງຄຳມ່ວນໄດ້ຢືນຢັນວ່າ: ເຂດອະນຸສະຖານປະທານໂຮ່ຈິມີນ ແມ່ນກິດຈະກຳທີ່ມີຄວາມໝາຍສຳຄັນກ່ຽວກັບປະຫວັດສາດ, ການເມືອງ, ສະແດງໃຫ້ເຫັນຈຸດວັດທະນະທຳທີ່ເປັນເອກະລັກສະເພາະຂອງສອງຊາດ. ທ່ານ ສຸວັນດີ ສີສະຫວາດ ຊີ້ແຈງວ່າ: ເລ່ືອງກໍ່ສ້າງເຂດອະນຸສະຖານປະທານໂຮ່ຈິມີນ ຢູ່ເຂດດິນແດນທີ່ທ່ານປະທານໂຮ່ຈິມີນ ມີໄລຍະເວລາດຳລົງຊີວິດ ແລະ ເຄື່ອນໄຫວປະຕິວັດ ແມ່ນການສະແດງຄວາມຮູ້ບຸນຄຸນຢ່າງເລິກເຊິ່ງທີ່ມີຕໍ່ບັນດາການອຸທິດສ່ວນຂອງປະທານໂຮ່ຈິມີນໃຫ້ແກ່ພາລະກິດປະຕິວັດສອງປະເທດ ລາວ ແລະ ຫວຽດນາມ. ທ່ານ Chu Duc Tinh ຜູ້ອຳນວຍການຫໍພິພິດທະພັນໂຮ່ຈິມີນ ໃຫ້ຮູ້ວ່າ: ກິດຈະກຳດັ່ງກ່າວໄດ້ຮັບການກໍ່ສ້າງດ້ວຍແຫລ່ງທຶນຊ່ວຍເຫລືອລ້າຂອງລັດຖະບານ ຫວຽດນາມ ສະຫງວນໃຫ້ແກ່ລັດຖະບານ ລາວ ແມ່ນສະແດງໃຫ້ເຫັນອາລົມຈິດຢ່າງເລິກເຊິ່ງຂອງປະຊາຊົນສອງປະເທດທີ່ມີຕໍ່ປະທານໂຮ່ຈິມີນ ພ້ອມທັງແມ່ນວຽກງານທີ່ແທດຈິງເພື່ອລະນຶກ 122 ປີແຫ່ງວັນຄ້າຍວັນເກີດຂອງປະທານ ໂຮ່ຈິມີນ ແລະ ບັນດາວັນບຸນໃຫຍ່ໃນປີແຫ່ງຄວາມສາມັກຄີມິດຕະພາບ ຫວຽດນາມ ລາວ 2012. ໂຄງການດັ່ງກ່າວໂດຍແມ່ນຫໍພິພິດທະພັນປະທານໂຮ່ຈິມີນ ເປັນເຈົ້າຂອງການລົງທຶນ ແລະ ກໍ່ສ້າງໃນເນື້ອທີ່ 1,5 ເຮັກຕາ, ດ້ວຍຍອດຈຳນວນທຶນເກືອບ 35 ຕື້ດົ່ງ.