ລາຍການສະແດງຂັບຊວານໃນພິທີໄຂລາຍການທ່ອງທ່ຽວກັບຄືນເມືອກົກເຄົ້າເຫງົ້າກໍ
ພາບ:dantri.com.vn
(vovworld) - ພິທີໄຂ ລາຍການທ່ອງທ່ຽວກັບຄືນເມືອກົກເຄົ້າເຫງົ້າກໍ ແລະ ເຊີດຊູຂັບຊວານ ຟູທໍ້ ໄດ້ດຳເນີນໄປໃນຕອນຄຳ່ວັນທີ 18/2 ຢູ່ ນະຄອນ ຫວຽດຈີ່ ໂດຍມີການເຂົ້າຮ່ວມຂອງປະຊາຊົນແຂວງ ຟູທໍ້ນັບພັນຄົນ. ກ່າວຄຳເຫັນໄຂພິທີ, ທ່ານ ຫງວຽນທ້ຽນເຍີນ ຮອງນາຍົກລັດຖະມົນຕີ ຫວຽດນາມ ໄດ້ຕີລາຄາສູງບັນດາຄວາມມານະພະຍາຍາມຂອງການນຳແຂວງ ຟູທໍ້ ກໍຄືບັນດານັກສິລະປະກອນຂັບຊວານ ຟູທໍ້ ພ້ອມກັບບັນດານັກວິທະຍາສາດ, ນັກຄົ້ນຄວ້າວັດທະນະທຳ ໃນການເຄື່ອນໄຫວອະນຸລັກຮັກສາ ແລະ ເສີມຂະຫຍາຍຄຸນຄ່າຂອງ ມໍລະດົກຂັບຊວານ.
“ດ້ວຍເລື່ອງ ຂັບຊວານ ໄດ້ຮັບການຮັບຮູ້ແມ່ນມໍລະດົກບໍ່ມີຮູບຮ່າງ ຈຳເປັນຕ້ອງມີການຮັກສາຢ່າງຮີບດ່ວນ, ນີ້ແມ່ນຄວາມເປັນກຽດ ຂອງ ແຂວງຟູທໍ້ ແລະ ປະເທດພວກເຮົາ. ພວກຂ້າພະເຈົ້າສະເຫນີໃຫ້ພວກສະຫາຍວ່າ: ໃນໄລຍະຈະມາເຖິງ ຕ້ອງມອບຫນ້າທີ່ໃຫ້ບັນດາອົງການສະເພາະກິດຂອງແຂວງ ເພື່ອຮຽບຮຽງ, ສ້າງບັນດາເນື້ອໃນກ່ຽວຂ້ອງເຖິງຂັບຊວານ ໂດຍໄວ. ພ້ອມກັນນັ້ນ ເຜີຍແຜ່ຂັບຊວານມາສູ່ບັນດາຫົວຫນ່ວຍຂອງແຂວງ ແລະ ຢູ່ບັນດາໂຮງຮຽນ. ພວກຂ້າພະເຈົ້າມີຄວາມເຊື່ອໝັ້ນວ່າ ຮອດປີ 2015 ໂຮງຮຽນມັດທະຍົມທັງໝົດຢູ່ແຂວງ ຟູທໍ້ ລ້ວນແຕ່ມີນັກຮຽນຮູ້ຈັກເຖິງການຂັບຊວານ.”
ໃນຂອບເຂດຂອງລາຍການດັ່ງກ່າວ, ການນຳຄະນະກຳມະການປະຊາຊົນແຂວງ ຟູທໍ້ ໃຫ້ຮູ້ວ່າ: ຈະສືບຕໍ່ປັບປຸງສຳເນົາ “ການເຫລື້ອມໃສໃນການບູຊາ ຮຸຸ່ງເວືອງ ຢູ່ ຟູທໍ້” ເພື່ອຍື່ນສະເຫນີ ຕໍ່ UNESCO ຮັບຮູ້ເປັນມໍລະດົກວັດທະນະທຳບໍ່ມີຮູບຮ່າງຂອງມວນມະນຸດ.