ໄຊຊະນະຂອງການປະຕິວັດເດືອນສິງຫາປີ 1945 ແມ່ນແຫຼ່ງອາລົມຢ່າງມະຫາສານເພື່ອໃຫ້ຊາດຫວຽດນາມດຳເນີນບັນດາການຕໍ່ຕ້ານປົກປັກຮັກສາປະເທດຊາດໃນຫຼາຍປີທີ່ຜ່ານມາ. ບໍ່ພຽງແຕ່ເຊັ່ນນັ້ນ, ບົດຮຽນກ່ຽວກັບການຍາດແຍ່ງກາລະໂອກາດ, ກໍ່ສ້າງ, ປັບປຸງ ແລະ ເສີມຂະຫຍາຍກຳລັງແຮງຂອງກຸ່ມກ້ອນມະຫາສາມັກຄີທົ່ວປວງຊົນ, ເສີມຂະຫຍາຍກຳລັງແຮງແຫ່ງຊາດດ້ວຍກຳລັງແຮງຍຸກສະໄໝຂອງການປະຕິວັດເດືອນສິງຫາປີ 1945 ຍັງຄົງສາມາດຮັກສາຄຸນຄ່າດັ້ງເດີມສຳລັບກິດຈະການສ້າງສາປະເທດຊາດໃນປະຈຸບັນ.
ການລຸກຮື້ຂຶ້ນຂະໜາດໃຫຍ່ເມື່ອເດືອນສິງຫາປີ 1945 |
ໄຊຊະນະ ແລະ ຄວາມໝາຍປະຫວັດສາດຂອງການປະຕິວັດເດືອນສິງຫາປີ 1945 ແມ່ນບົດຮຽນອັນລ້ຳຄ່າທີ່ມີຕໍ່ພັກ ແລະ ປະຊາຊົນຫວຽດນາມບົນເສັ້ນທາງມຸ່ງໄປສູ່ອະນາຄົດ, ຍຶດໝັ້ນຈຸດໝາຍເອກະລາດແຫ່ງຊາດ ຕິດພັນກັບລັດທິສັງຄົມນິຍົມ, ເພື່ອປະເທດຫວຽດນາມເຂັ້ມແຂງ ປະຊາຊົນຮັ່ງມີ.
ຍາດແຍ່ງກາລະໂອກາດທີ່ດີເພື່ອໃຫ້ ການປະຕິວັດປະສົບຜົນສຳເລັດ
ເມື່ອສົງຄາມໂລກຄັ້ງທີ 2 ເລີດຂຶ້ນເມື່ອວັນທີ 3/9/1939, ສະພາບການຢູ່ພາຍປະເທດ ແລະ ສາກົນມີການຫັນປ່ຽນຢ່າງວ່ອງໄວ. ວັນທີ 28/1/1941, ຫງວຽນອ້າຍກ໋ວກ ໝາຍເຖິງທ່ານປະທານໂຮ່ຈິມິນ, ຈາກຕ່າງປະເທດກັບຄືນມາປະເທດ ໄດ້ຈັດກອງປະຊຸມຄະນະບໍລິຫານງານສູນກາງພັກກອມມູນິດຫວຽດນາມຄັ້ງທີ 8 ແຕ່ວັນທີ 10 ຫາວັນທີ 19/5/1941. ກອງປະຊຸມໄດ້ຢືນຢັນວ່າ : “ການປະຕິວັດອິນໂດຈີນໃນໄລຍະປະຈຸບັນ ແມ່ນການປະຕິວັດຊາດປົດປ່ອຍ”. ເພາະສະນັ້ນ, “ໃນຈຸດເວລານີ້, ສິດຜົນປະໂຫຍດຂອງຊົນຊັ້ນແມ່ນຕ້ອງຢູ່ໃຕ້ຄວາມເປັນຕາຍ, ການຄົງຕົວຫຼືຄວາມສູນເສຍຂອງປະເທດຊາດ”
ເພື່ອເສີມຂະຫຍາຍກຳລັງແຮງໃນລະດັບສູງສຸດຂອງລັດທິຮັກຊາດ, ຂອງນ້ຳໃຈແຫ່ງຊາດ, ກະກຽມກຳລັງໃຫ້ການປົດປ່ອຍຕົນເອງ, ພັກກອມມູນິດຫວຽດນາມໄດ້ຕົກລົງສ້າງຕັ້ງແນວໂຮມຫວຽດນາມເອກະລາດ ດົງມິນ ໝາຍເຖິງຫວຽດມິນ. ການສ້າງຕັ້ງ ແລະ ຂະຫຍາຍຕົວຂອງແນວໂຮມຫວຽດມິນບໍ່ພຽງແຕ່ກາຍເປັນແກ່ນສານເຕົ້າໂຮມກຳລັງແຮງສາມັກຄີແຫ່ງຊາດເທົ່ານັ້ນ, ຫາກຍັງເປັນຂີດໝາຍບາດລ້ຽວໃນທິດທາງນຳພາການປະຕິວັດຂອງ ພັກກອມມູນິດຫວຽດນາມ, ເສີມຂະຫຍາຍແຫຼ່ງກຳລັງແຮງພາຍໃນຂອງທັງຊາດໃນລະດັບສູງສຸດໃຫ້ແກ່ການລຸກຮື້ຂຶ້ນຄັ້ງຍິ່ງໃຫຍ່.
ບໍ່ພຽງແຕ່ເທົ່ານັ້ນ, ພັກກອມມູນິດຫວຽດນາມ ໂດຍມີການໄຈ້ແຍກຄວາມຂັດແຍ້ງໃນຖັນແຖວສັດຕູຢ່າງຊັດເຈນ ແລະ ມີວິທະຍາສາດ, ໄດ້ຄາດຄະເນວ່າຈະມີການກໍ່ລັດຖະປະຫານຂອງຍີ່ປຸ່ນຢູ່ອິນໂດຈິນໂດຍໄວ. ວັນທີ 13/8/1945, ຍີປຸ່ນໄດ້ຍອມຈຳນົນຕໍ່ກຳລັງສຳພັນທະມິດ. ທ່ານປະທານໂຮ່ຈິມິນ ໄດ້ສັງເກດວ່າ ກາລະໂອກາດມີພຽງແຕ່ຄັ້ງດຽວບໍ່ມີສອງສຳລັບຊາດຫວຽດນາມໄດ້ເຖິງເວລາແລ້ວ. ເພິ່ນໄດ້ຢືນຢັນຄວາມຕັດສິນໃຈວ່າ : “ເຖິງແມ່ນວ່າ ຕ້ອງຈູດເຜົາທັງສາຍພູຫຼວງກໍຕາມ, ແຕ່ກໍຕ້ອງຍາດເອົາອິດສະຫຼະພາບ, ເອກະລາດໃຫ້ໄດ້”. ການລຸກຮື້ຂຶ້ນຂະໜາດໃຫຍ່ໄດ້ຮັບການປຸກລະດົມໃນຂອບເຂດທົ່ວປະເທດ. ພຽງໃນຮອບເວລາ 2 ອາທິດເທົ່ານັ້ນ, ການປະຕິວັດເດືອນສິງຫາໄດ້ປະສົບຜົນສຳເລັດ.
ໄຊຊະນະຂອງການປະຕິວັດເດືອນສິງຫາແມ່ນໝາກຜົນຂອງທິດທາງການນຳພາຢ່າງຖືກຕ້ອງຂອງ ພັກກອມມູນິດຫວຽດນາມ. ທ່ານສາດສະດາຈານ, ດຣ ແມກກວາງທັ້ງ ສັງກັດສະຖາບັນການເມືອງແຫ່ງຊາດໂຮ່ຈິມິນ ໃຫ້ຮູ້ໃນກອງປະຊຸມສຳມະນາກ່ຽວກັບການປະຕິວັດເດືອນສິງຫາທີ່ຈັດຂຶ້ນຢູ່ແຂວງ ຕວຽນກວາງເມື່ອບໍ່ດົນມານີ້ວ່າ :
“ ພວກເຮົາໄດ້ມີການກະກຽມຢ່າງລອບຄອບຖີ່ຖ້ວນ, ນັບທັງດ້ານແນວທາງ, ການສ້າງຕັ້ງ ພັກກອມມູນິດຫວຽດນາມເມື່ອປີ 1930, ທັງການຝຶກຊ້ອມຄັ້ງໃຫຍ່ປີ 1930-1931, ຂອງຂະບວນການປະຕິວັດໂຊຫວຽດ-ເງະຕິ້ງ, ທັງໄລຍະຟື້ນຟູກຳລັງປີ 1935, ຂອງຂະບວນການຍອດສູງ 1936-1939 ແລະ ພິເສດແມ່ນໃນຊຸມປີ 1939-1945. ການກະກຽມເພື່ອຍາດແຍ່ງກາລະໂອກາດ, ກຳແໜ້ນສະພາບການປະຕິວັດ, ຫັນທິດຊີ້ນຳຍຸດທະສາດ, ການກະກຽມທຸກດ້ານ, ປຸກລະດົມຂະບວນການ, ສົມທົບກຳລັງແຮງຂອງຊາດກັບກຳລັງແຮງສາກົນ.”
ບົດຮຽນມະຫາສາມັກຄີມີຄຸນຄ່າໃນການປ່ຽນແປງໃໝ່
ໄຊຊະນະອັນຍິ່ງໃຫຍ່ຂອງການປະຕິວັດເດືອນສິງຫາປີ 1945 ໄດ້ເປັນບົດຮຽນອັນລ້ຳຄ່າທີ່ສຸດ ນັ້ນແມ່ນການກໍ່ສ້າງ ແລະ ເສີມຂະຫຍາຍກຸ່ມກ້ອນມະຫາສາມັກຄີທົ່ວປວງຊົນທັງຊາດ. ກຸ່ມກ້ອນມະຫາສາມັກຄີທົ່ວປວງຊົນທັງຊາດນັ້ນ ມີແກ່ນ ສານແມ່ນສຳພັນທະມິດກຳມະກອນ, ຊາວນາ, ປັນຍາຊົນ; ບົນພື້ນຖານຜົນປະໂຫຍດ, ຄວາມຕ້ອງການ, ຄວາມມຸ່ງມາດປາດຖະໜາຂອງປະຊາຊົນ ໄດ້ທຳການຕໍ່ສູ້ດ້ວຍການໃຊ້ກຳລັງແຮງຂອງເຮົາເພື່ອປົດປ່ອຍເຮົາ. ປະຊາຊົນໂດຍບໍ່ມີການຈຳແນກຊົນຊາດຊົນເຜົ່າ, ຊົນຊັ້ນ ໄດ້ສ້າງຂະບວນການປະຕິວັດຍອດສູງຢ່າງທົ່ວເຖິງ ແລະ ມີຄວາມເຂັ້ມແຂງຢ່າງບໍ່ເຄີຍມີມາໃນປະຫວັດສາດຂອງຊາດ. ທ່ານດຣ ຍິເລ ຮອງບັນນາທິການໃຫຍ່ວາລະສານກອມມູນິດ ຢືນຢັນວ່າ :
“ ພາກເໜືອ-ພາກກາງ-ພາກໃຕ້, ປະຊາຊົນຢູ່ທັງ 3 ພາກໄດ້ທຳການລຸກຮື້ຂຶ້ນຍາດເອົາອຳນາດການປົກຄອງ . ກຳລັງແຮງແຫ່ງນ້ຳໃຈປະຊາຊົນແມ່ນກຳລັງແຮງຊະນະເລີດ. ກວ່າ 600 ປີຄືນຫຼັງ, ຫງວຽນຈ້າຍ ມີຄຳວ່າ : ເຮັດໃຫ້ເຮືອພິກຂວ້ຳ ຈຶ່ງຮູ້ກຳລັງແຮງຂອງປະຊາຊົນເຂັ້ມແຂງຄືສາຍນ້ຳ. ພາຍຫຼັງກວ່າ 500 ປີ, ປະທານໂຮ່ຈິມິນກໍໄດ້ເວົ້າວ່າ : ໃນທ້ອງຟ້າ, ບໍ່ມີຫຍັງປະເສີດເລີດລ້ຳເທົ່າກັບປະຊາຊົນ. ໃນຈັກກະວານ ບໍ່ມີຫຍັງທຽບເທົ່າກັບກຳລັງແຮງຂອງປະຊາຊົນ. ນີ້ແມ່ນການປະຕິວັດຂອງປະຊາຊົນ, ໂດຍປະຊາຊົນ, ເພື່ອປະຊາຊົນ ແລະ ນັ້ນເອງແມ່ນຕົ້ນກຳເນີດຂອງໄຊຊະນະການປະຕິວັດເດືອນສິງຫາ ”
ບົດຮຽນກ່ຽວກັບມະຫາສາມັກຄີທົ່ວປວງຊົນທັງຊາດໃນ ການປະຕິວັດເດືອນສິງຫາປີ 1945 ບໍ່ພຽງແຕ່ມີຄວາມໝາຍໃນ ການປະຕິວັດກ່ອນນີ້ 70 ປີ, ໃນການຕໍ່ຕ້ານ 2 ຄັ້ງຕ້ານຝະລັ່ງ ແລະ ຈັກກະພັດອາເມລິກາເທົ່ານັ້ນ, ຫາກຍັງມີໃນພາລະກິດສ້າງສາ ແລະ ປັກປັກຮັກສາປະເທດຊາດໃນປະຈຸບັນອີກດ້ວຍ. ໃນສະພາບການພາກພື້ນ ແລະ ໂລກມີການຜັນແປທີ່ສັບສົນຫຼາຍຢ່າງ, ຍິ່ງກວ່າເວລາໃດໝົດ, ກຳລັງແຮງແຫ່ງນ້ຳໃຈປະຊາຊົນຄວນໄດ້ຮັບການລະດົມ, ປຸກລຸກ ແລະ ເສີມຂະຫຍາຍຢ່າງແຂງແຮງ ແລະ ເປັນປະຈຳ. ທ່ານສາດສະດາຈານ, ດຣ ບຸຍດິງຟອງ ສັງກັດສະຖາບັນການເມືອງແຫ່ງຊາດໂຮ່ຈິມິນ ເນັ້ນໜັກວ່າ :
“ຈິດໃຈປະຊາຊົນແມ່ນກຳແພງທີ່ໝັ້ນແກ່ນເພື່ອປົກປັກຮັກສາພັກ, ປົກປັກຮັກສາລະບອບ, ປົກປັກຮັກສາພາລະກິດປ່ຽນແປງໃໝ່. ດັ່ງນັ້ນ, ຢາກປະຕິບັດການ ປ່ຽນແປງໃໝ່ສຳເລັດຜົນນັ້ນ, ກ່ອນອື່ນໝົດ, ຕ້ອງປັບປຸງຄວາມເຊື່ອໝັ້ນຂອງປະຊາຊົນທີ່ມີຕໍ່ພັກ. ທີ 2 ແມ່ນປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ພ້ອມທັງເອົາໃຈໃສ່ເຖິງຜົນປະໂຫຍດອັນຊອບທຳຂອງປະຊາຊົນ. ຖ້າຫາກພວກເຮົາເຮັດໄດ້ສິ່ງດັ່ງກ່າວ, ພວກເຮົາຈະໄດ້ຮັບຄວາມເຊື່ອໝັ້ນຈາກປະຊາຊົນ. ໄດ້ ຮັບຄວາມເຊື່ອໝັ້ນຈາກປະຊາຊົນ, ແມ່ນມີທຸກສິ່ງທຸກຢ່າງ”
ບົດຮຽນກ່ຽວກັບການເສີມຂະຫຍາຍກຳລັງແຮງແຫ່ງຊາດດ້ວຍກຳລັງແຮງຍຸກສະໄໝຂອງການປະຕິວັດເດືອນສິງຫາ, ມາຮອດປະຈຸບັນ ຍັງຄົງສາມາດຮັກສາຄຸນຄ່າດັ້ງເດີມເພື່ອໃຫ້ ພັກກອມມູນິດຫວຽດນາມກຳແໜ້ນກາລະໂອກາດ ແລະ ທ່ວງທ່າ ເພື່ອນຳປະເທດຊາດພັດທະນາແບບຍືນຍົງ.