ປີ 2011 ໃກ້ຈະຜ່ານພົ້ນໄປແລ້ວ, ຫວນຄືນເສັ້ນທາງທີ່ເຕັມໄປດ້ວຍການຜັນແປໃນໄລຍະ1 ປີທີ່ຜ່ານມາ, ອາດເຫັນໄດ້ວ່າການເຄື່ອນໄຫວພົວພັນກັບຕ່າງປະເທດຂອງຫວຽດນາມ ໄດ້ຮັບການຜັນຂະຫຍາຍຢ່າງເລິກເຊີ່ງກ້ວາງຂວາງ ແລະນຳມາເຊິ່ງບັນດາຜົນງານອັນລະອຽດ. ບໍ່ພຽງແຕ່ປະກອບສ່ວນສ້າງສະພາບແວດລ້ອມສາກົນອັນສະດວກສະບາຍໃຫ້ແກ່ການພັດທະນາປະເທດຊາດ, ຍາດແຍ່ງແຫຼ່ງກຳລັງໃຫ້ແກ່ພາລະກິດຫັນເປັນປະເທດອຸດສາຫະກຳ ແລະທັນສະໄໝເທົ່ານັ້ນ, ຫາກຍັງໄດ້ໜູນຊ່ວຍປົກປັກຮັກສາຜົນປະໂຫຍດແຫ່ງຊາດ, ປົກປັກຮັກສາອະທິປະໄຕ ແລະ ຜືນແຜ່ນດິນອັນຄົບຖ້ວນຂອງຫວຽດນາມອີກດ້ວຍ.
ຫວຽດນາມໄດ້ເປັນປະທານ ແລະບໍລິຫານບັນດາການເຄື່ອນໄຫວຂອງອາຊຽນ
(ພາບ: http//mpi.gov.vn)
ປີ 2011, ໂດຍໄດ້ເຊື່ອມໂຍງເຂົ້າກັບສາກົນ ມຸ້ງໄປເຖິງໄລຍະຈະເລີນເຕີບໂຕຢ່າງໝັ້ນຄົງ ຫຼັງວິກິດການເສດຖະກິດທົ່ວໂລກ, ຫວຽດນາມກໍໄດ້ກ້າວເຂົ້າສູ່ການຜັນຂະຫຍາຍຍຸດທະສາດແຫ່ງການຈະເລີນເຕີບໂຕໃໝ່, ເພື່ອແນໃສ່ຈຸດໝາຍພັດທະນາຢ່າງວ່ອງໄວ ແລະໝັ້ນຄົງ, ນຳປະເທດຊາດກາຍເປັນປະເທດອຸດສາຫະກຳຕາມທິດທັນສະໄໝໃນປີ 2020 ໂດຍພື້ນຖານ. ເພື່ອປະຕິບັດຈຸດໝາຍດັ່ງກ່າວ, ປີ 2011, ຂະແໜງພົວພັນກັບຕ່າງປະເທດຫວຽດນາມໄດ້ຜັນຂະຫຍາຍບັນດາການເຄື່ອນໄຫວຢ່າງ ຮອບດ້ານທັງສອງຝ່າຍ ແລະຫຼາຍຝ່າຍ. ທ່ານຟ້າມບິງມິງ ລັດຖະມົນຕີການຕ່າງປະເທດຫວຽດນາມ ຢືນຢັນວ່າ:
“ປີ 2011, ການໄປຢ້ຽມຢາມຂັ້ນສູງຄັ້ງຕ່າງໆຂອງພັກ, ລັດໄປຍັງບັນດາປະເທດບ້ານໃກ້ເຮືອນຄຽງ, ພາກພື້ນ, ບັນດາປະເທດຄູ່ຮ່ວມມືທີ່ສຳຄັນ ໄດ້ເຮັດໃຫ້ສາຍພົວພັນຂອງຫວຽດນາມ ກັບບັນດາປະເທດເພື່ອນມິດ, ຄູ່ຮ່ວມມືສຳຄັນເລິກເຊິ່ງຢ່າງທັນການ. ແລະໃນປີຜ່ານມາ, ເລື່ອງຜັນຂະຫຍາຍການທູດຮອບດ້ານຢ່າງທັນການ ໄດ້ຮັບໝາກຜົນຫຼາຍຢ່າງ”
ໃນສະພາບການທີ່ເສດຖະກິດໂລກກະທົບເຖິງເສດຖະກິດພາຍໃນປະເທດນັ້ນ, ວຽກງານການທູດເສດຖະກິດໃນປີ 2011 ກໍໄດ້ຮັບການຍູ້ແຮງ ເພື່ອແນໃສ່ປະກອບແກ້ໄຂບັນດາຄວາມຫຍຸ້ງຍາກດ້ານເສດຖະກິດຂອງປະເທດຊາດ. ວຽກງານປົກປ້ອງພົນລະເມືອງ, ຊາວຫວຽດນາມອາໄສຢູ່ປະເທດຕ່າງໆໄດ້ຣັບຄວາມເອົາໃຈໃສ່ເປັນພິເສດ. ບັນດາຂົງເຂດຄືການທູດວັດທະນະທຳ, ວຽກງານສຳລັບຊາວຫວຽດນາມອາໄສຢູ່ຕ່າງປະເທດ…ກໍບັນລຸໄດ້ຜົນງານຫຼາຍຢ່າງທີ່ຕັ້ງໜ້າ. ຫວຽດນາມໄດ້ເປັນເຈົ້າພາບຈັດບັນດາເຫດການສາກົນທີ່ມີຂອບຂະໜາດໃຫ່ຍ, ປະກອບສ່ວນຍົກສູງພາບພົດ ແລະອິດທິພົນຊື່ສຽງຂອງປະເທດຊາດ.
ບັນດາການເຄື່ອນໄຫວທາງການທູດຢ່າງຟົດຟື້ນດັ່ງກ່າວໃນປີ 2011ໄດ້ປະກອບສ່ວນເຂົ້າໃນບັນດາຜົນງານລວມຂອງປະເທດຊາດ. ປີນີ້, ມີແຂກທ່ອງທ່ຽວສາກົນເຂົ້າມາທ່ຽວຫວຽດນາມປະມານ 6 ລ້ານຄົນ, ເພີ່ມຂຶ້ນ 18% ເມື່ອທຽບກັບໄລຍະດຽວກັນຂອງປີກາຍ. ບັນດນັກອຸປະຖຳສາກົນສືບຕໍ່ຢັ້ງຢືນໃຫ້ບຸລິມະສິດທຶນ ODA ແກ່ຫວຽດນາມ ດ້ວຍຈຳນວນທຶນ 7,4 ຕື້ໂດລາສະຫະລັດໃຫ້ປີ 2012. ປີ 2011 ການອຸປະຖຳຂອງອົງການບໍ່ຂຶ້ນກັບລັດຖະບານຕ່າງປະເທດບັນລຸກ່ວາ 280 ລ້ານໂດລາສະຫະລັດ, ຊື່ງສຸມໃສ່ຂົງເຂດສາທາລະນະສຸກ, ການພັດທະນາວົງຄະນາຍາດ, ຊົນນະບົດ, ການສຶກສາ, ປົກປັກຮັກສາສິ່ງແວດລ້ອມ….ພິເສດຂະແໜງການທູດໄດ້ເສີມຂະຫຍາຍໄດ້ເສີມຂະຫຍາຍທ່າແຮງຂອງຕົນ, ປະກອບສ່ວນປົກປັກຮັກສາອະທິປະໄຕເຂດທະເລ, ໝູ່ເກາະ ແລະໄຫຼ່ທະວີບຂອງປະເທດຊາດ. ຫວຽດນາມໄດ້ຍຶດໝັ້ນແນວທາງການຕ່າງປະເທດຢ່າງສະເໝີຕົ້ນສະເໝີປາຍ ນັ້ນຄື:ແກ້ໄຂການພິພາດ ໂດຍຜ່ານການໂອ້ລົມສົນທະນາ ແລະການເຈລະຈາໂດຍສັນຕິວິທີ, ບົນພື້ນຖານກົດໝາຍສາກົນ. ສິ່ງດັ່ງກ່າວທັງສ້າງສາຍສຳພັນ, ຮ່ວມມືມິດຕະພາບກັບປະເທດຕ່າງໆໃນພາກພື້ນ, ພ້ອມທັງຊ່ວຍໃຫ້ວົງຄະນາຍາດສາກົນເຂົ້າໃຈ ແລະສະໜັບສະໜູນຫຼັກໝັ້ນອັນຊອບທຳຂອງຫວຽດນາມ. ທ່ານເລຮ່ວາຍຈູງ, ເອກອັກຄະລັດຖະທູດຫວຽດນາມປະຈຳສະຫະປະຊາຊາດໃຫ້ຮູ້ວ່າ:
“ໃນບົດກ່າວປາໄສທີ່ເວທີປາໄສຕ່າງໆ, ຫວຽດນາມໄດ້ຊີ້ແຈ້ງທັດສະນະ, ບັນດາຄວາມມານະພະຍາຍາມຂອງຕົນ ໃນເລື່ອງພ້ອມກັບປະເທດຕ່າງໆ ປະຕິບັດກົດໝາຍສາກົນຢ່າງເຂັ້ມງວດ, ແກ້ໄຂການພິພາດ, ແບ່ງກຳນົດເຂດຊາຍແດນທາງທະເລ, ແບ່ງກຳນົດເຂດຊາຍແດນທັບຊ້ອນກັນ. ຜ່ານນັ້ນ ໄດ້ເປັນການສະແດງໃຫ້ເຫັນນະໂຍບາຍຂອງຫວຽດນາມແມ່ນມີເຈດຕະນາດີ ແລະປະຕິບັດຕາມກົດໝາຍສາກົນ, ສົນທິສັນຍາກົດໝາຍວ່າດ້ວຍທະເລຂອງສະຫະປະຊາຊາດຢ່າງເຂັ້ມງວດ, ປະຕິບັດບັນດາຂໍ້ຕົກລົງທີ່ບັນລຸໄດ້ກັບອາຊຽນ ໃນບັນຫາຮ່ວມມືກໍຄືແກ້ໄຂບັນດາການພິພາດບົນທະເລ, ພ້ອມກັນນັ້ນກໍສະແດງໃຫ້ເຫັນຄວາມປາດຖະໜາຂອງຫວຽດນາມທີ່ຢາກໃຫ້ທຸກໆປະເທດ ພ້ອມກັນແກ້ໄຂບັນດາຄວາມແຕກຕ່າງກັນທີ່ຍັງຄົງຄ້າງ ໂດຍສັນຕິວິທີ, ບົນພື້ນຖານກົດໝາຍສາກົນ, ໃນນັ້ນມີສົນທິສັນຍາກົດໝາຍວ່າດ້ວຍທະເລຂອງສະຫະປະຊາຊາດປີ 1982”
ໃນປີ 2011, ການເຄື່ອນໄຫວດ້ານການຕ່າງປະເທດປະຊາຊົນກໍໄດ້ດຳເນີນໄປຢ່າງຟົດຟື້ນ ດ້ວຍບັນດາການພົບປະແລກປ່ຽນ, ຢື້ຢາມຖາມຂ່າວ…ເພື່ອຊ່ວຍເພີ່ມທະວີນ້ຳໃຈສາມັກຄີມິດຕະພາບ, ຄວາມເຂົ້າອົກເຂົ້າໃຈລະຫວ່າງປະຊາຊົນຫວຽດນາມ ກັບປະຊາຊົນປະເທດຕ່າງໆ. ໂດຍຜ່ານການພົບປະ, ໂອ້ລົມສົນທະນາຄັ້ງຕ່າງໆນີ້, ປະຊາຄົມໂລກໄດ້ຮູ້ຈັກເຖິງພາບພົດແຫ່ງສິດເສລີພາບ, ສາສະໜາ, ສິດທິມະນຸດຂອງຫວຽດນາມ ຫຼາຍກ່ວາອີກ. ທ່ານຫວູ໋ຊວນຮົ່ງ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມຖືວ່າ: ສຽງ
“ບັນດາອິດທິກຳລັງທີ່ເປັນປໍລະປັກຢາກສວຍໃຊ້ບັນຫາສາດສະໜາເພື່ອໃສ່ຮ້າຍປາຍສີ, ຫລຸດຜ່ອນອິດທິພົນຊື່ສຽງ ແລະຕ້ານທຳລາຍຫວຽດນາມ, ວິທີທີ່ດີທີ່ສຸດເພື່ອແກ້ໄຂບັນຫານີ້ ແມ່ນເລື່ອງລາວລະຫວ່າງມະນຸດດ້ວຍກັນ. ບັນບຸກຄົນໄດ້ມາຫວຽດນາມ, ເຫັນໄດ້ມູນເຊື້ອ, ວັດທະນະທຳຫວຽດນາມ, ນ້ຳໃຈ ແລະຄວາມຮັກແພງແຂກຄົນຂອງຊາວຫວຽດນາມ, ເຫັນໂບດໄດ້ຮັບການບູລະນະສ້ອມແປງ, ວັດວາອາຮາມໄດ້ຮັບການເຊີດຊູ, ການດຳເນີນຊີວິດທາງສາສະໜາມີຄວາມສະດວກສະບາຍ ແລະເສລີ…ນັ້ນ, ທຸກໆເລື່ອງລາວທີ່ເສກສັນປັ້ນແຕ່ງຄວາມຈິງຂອງກຳລັງພາຍນອກຄືແນວໃດກໍບໍ່ສາມາດປ່ຽນແປງພາບພົດອັນແທ້ຈິງກ່ຽວກັບສິດເສລີພາບທາງສາສະໜາ, ສິດທິມະນຸດ, ປະຊາທິປະໄຕຂອງຫວຽດນາມໄດ້”
ໃນປີ 2012, ຂະແໜງການທູດຫວຽດນາມສືບຕໍ່ຜັນຂະຫຍາຍການພົວພັນກັບຕ່າງປະເທດສອງຝ່າຍ, ບົນພື້ນຖານກຳນົດບັນດາການໃຫ້ບຸລິມະສິດກ່ຽວກັບພາກພື້ນ, ຄູ່ຮ່ວມມື, ຂົງເຂດ, ມາດຕະການຢ່າງຈະແຈ້ງ. ເສີມຂະຫຍາຍຜົນສຳເລັດຂອງການພົວພັນຕ່າງປະເທດຫລາຍຝ່າຍ. ຫວຽດນາມເພີ່ມທະວີການປະກອບສ່ວນຢ່າງແທ້ຈິງ, ພິເສດແມ່ນ ບັນດາຂໍ້ລິເລີ່ມແກ້ໄຂບັນດາບັນຫາສາກົນ ແລະພາກພື້ນຕາມທິດນຳທີ່ວ່າ: “ເປັນສະມາຊິກມີຄວາມຮັບຜິດຊອບຂອງປະຊາຄົມໂລກ”. ບັນດາຜົນງານການຕ່າງປະເທດໃນປີ 2011 ແມ່ນພື້ນຖານສຳຄັນ ເພື່ອໃຫ້ຫວຽດນາມຍາດແຍ່ງກາລະໂອກາດ, ຜ່ານຜ່າການທ້າທາຍ ແລະ ປະຕິບັດບັນດາໜ້າທີ່ໄດ້ວາງອອກໃຫ້ສຳເລັດຜົນ.