(vovworld)- ຄືດັ່ງແຜນການທີ່ໄດ້ແຈ້ງກ່ອນນີ້, ແຜນການຍົກເລີກຮ່າງກົດໝາຍວ່າດ້ວຍການເບິ່ງແຍງສຸຂະພາບ (ຫລືເອີ້ນວ່າ Obamacare) ໂດຍພັກສາທາລະນະ ປະກາດໃນວັນທີ 9/3 ແລະ ຖືກຍົກອອກມາໂຕ້ວາທີ ຢູ່ ສອງກຳມາທິການຂອງສະພາຕ່ຳ. ແທນໃຫ້ Obamacare ແມ່ນຮ່າງກົດໝາຍທີ່ມີຊື່ວ່າ ກົດໝາຍວ່າດ້ວຍການເບິ່ງແຍງສຸຂະພາບໃຫ້ຊາວອາເມລິກາ (AHCA). ເຖິງຢ່າງໃດກໍຕາມ, ແຜນການນີ້ພວມຖືກກຳລັງດັນຈາກການຕຳຫນິຕິຕຽນນັບມື້ນັບໃຫຍ່ຈາກຫລາຍຝ່າຍ, ບໍ່ພຽງແຕ່ປະຊາຊົນເທົ່ານັ້ນ ຫາກນັບທັງພາຍໃນພັກນີ້ອີກດ້ວຍ.
ພາບປະກອບ
|
ຮ່າງກົດໝາຍດັ່ງກ່າວໄດ້ຍົກເລິກບາງມາດຕາຕົ້ນຕໍຂອງ Obamacare ຄື: ຮຽກຮ້ອງຊາວອາເມລິກາ ທຸກຄົນຊື້ປະກັນສຸຂະພາບ, ຖ້າບໍ່ຊື້ຈະຖືກປັບໄຫມພາສີອາກອນ. ວິສາຫະກິດ ມີຈຳນວນພາລະກອນ 50 ຄົນຂຶ້ນໄປ ຕ້ອງສະຫນອງປະກັນສຸຂະພາບໃຫ້ແກ່ເຂົາເຈົ້າ. ນອກນັ້ນ ຮ່າງກົດໝາຍນີ້ ຈະແທນໃຫ້ບັນດາບ້ວງອຸດຫນູນໂດຍອີງໃສ່ລາຍຮັບຈາກສິນເຊື່ອອາກອນ, ອີງໃສ່ອາຍຸ, ລາຍຮັບ ແລະ ອາດຈະມອບຄືນເພື່ອຊ່ວຍໃຫ້ປະຊາຊົນຊື້ປະກັນສຸຂະພາບ. ພາຍຫລັງຮ່າງກົດໝາຍໄດ້ຍົກອອກມາໂຕ້ວາທີຢູ່ສອງອົງການກຳມາທິການຂອງສະພາຕ່ຳ ອາເມລິກາ, ກະແສຟອງຕຳຫນິຕິຕຽນໄດ້ ເກີດຂຶ້ນຢ່າງແຮງ.
ກຳລັງດັນຈາກຫລາຍຝ່າຍ
ບັນດາສະຫະສະມາຄົມໃຫຍ່ທີ່ຕາງຫນ້າໃຫ້ທ່ານໝໍ, ໂຮງໝໍ, ບໍລິສັດປະກັນໄພ ແລະ ຜູ້ອາຍຸສູງ ຖືວ່າ :ຮ່າງກົດໝາຍສະບັບໃຫມ່ ອາດຈະເຮັດໃຫ້ຄົນເຈັບຫລາຍຄົນບໍ່ໄດ້ຮັບປະກັນສຸຂະພາບ ແລະ ເຮັດໃຫ້ລາຍຈ່າຍເບິ່ງແຍງສຸຂະພາບເພີ່ມຂຶ້ນ. ໃນຂະນະນັ້ນ, ບັນດາບໍລິສັດປະກັນໄພມີຄວາມວິຕົກກັງວົນວ່າ ຈະບໍ່ມີຫລາຍຄົນຊື້ປະກັນສຸຂະພາບ, ພ້ອມທັງສະແດງຄວາມບໍ່ພໍໃຈວ່າ ເຂົາເຈົ້າບໍ່ໄດ້ທາບທາມຄຳເຫັນໃນວິວັດການຮຽບຮຽງຮ່າງກົດໝາຍ.
ໃນຂະນະນັ້ນ, ກະແສຟອງຄັດຄ້ານທີສອງແມ່ນມາຈາກພັກປະຊາທິປະໄຕ. ບັນດາສະມາຊິກສະພາແຫ່ງຊາດຂອງພັກນີ້ ໄດ້ຢືນຢັນວ່າ: ຮ່າງກົດໝາຍສະບັບນີ້ຈະສົ່ງຜົນສະທ້ອນຢ່າງຫຍໍ້ທໍ້ເຖິງງົບປະມານ ແລະ ບັນຫາເບິ່ງແຍງສຸຂະພາບຂອງປະຊາຊົນເວົ້າລວມ. ຄຽງຂ້າງນັ້ນ ບັນດາສະມາຊິກສະພາແຫ່ງຊາດພັກປະຊາທິປະໄຕ ໄດ້ຕຳຫນິຕິຕຽນພັກສາທາລະນະວ່າ ໄດ້ຟ້າວຟັ່ງນຳເອົາຮ່າງກົດໝາຍນີ້ມາໂຕ້ວາທີຢູ່ສອງ ກຳມາທິການຂອງສະພາຕໍ່່າ ແທນທີ່ລໍຖ້າຫ້ອງການງົບປະມານສະພາແຫ່ງຊາດໄຈ້ແຍກກ່ຽວກັບການກະທົບຂອງຮ່າງກົດໝາຍນີ້. ເຖິງຢ່າງໃດກໍຕາມ, ສິ່ງທີ່ເປັນຫນ້າຕ້ອງເວົ້າເຖິງ ນັ້ນແມ່ນ ຮ່າງກົດໝາຍສະບັບນີ້ຍັງຖືກບັນດາສະມາຊິກສະພາແຫ່ງຊາດ ພັກສາທາລະນະ ຄັດຄ້ານຍ້ອນຫລາຍເຫດຜົນແຕກຕ່າງກັນ. ມີສະມາຊິກນິຍົມຮັກສາເດີມຂອງພັກນີ້ຍັງສະແດງຄວາມບໍ່ພໍໃຈວ່າ ຮ່າງກົດໝາຍສະບັບນີ້ຮັກສາເນື້ອໃນ ຂອງ Obamacare ໄວ້ຫລາຍເກີນໄປ. ສ່ວນບັນດາຜູ້ວ່າການລັດ ໄດ້ຕຳຫນິຕິຕຽນຮ່າງກົດໝາຍສະບັບນີ້ອາດຈະເຮັດໃຫ້ປະຊາຊົນຜູ້ມີລາຍຮັບຕ່ຳນັບລ້ານໆຄົນບໍ່ໄດ້ຊື້ປະກັນສຸຂະພາບ ຫລື ບັງຄັບໃຫ້ອຳນາດການປົກຄອງລັດຕ້ອງເສຍເງິນຕື່ມອີກເພື່ອຊ່ວຍໃຫ້ເຂົາເຈົ້າໄດ້ຊົມໃຊ້ປະກັນສຸຂະພາບ. ສາຍເຫດນັ້ນແມ່ນ ຮ່າງກົດໝາຍສະບັບນີ້ຢາກຄອ່ຍໆຍົກເລີກເລື່ອງເປີດກວ້າງລາຍການປະກັນສຸຂະພາບໃຫ້ບັນດາສ່ວນບຸກຄົນ, ຄອບຄົວທີ່ມີລາຍຮັບຕ່ຳ, ຈາກນັ້ນຈະສົ່ງຜົນສະທ້ອນເຖິງປະຊາຊົນປະມານ 11 ລ້ານຄົນ. ເປັນຫນ້າສົນໃຈນັ້ນແມ່ນ, ມີຜູ້ວ່າການລັດຈຳນວນຫນຶ່ງ ໄດ້ອອກສຽງກ່າວເຕືອນຈະຮຽບຮຽງຮ່າງກົດໝາຍສະເພາະໃຫ້ແກ່ລັດຂອງຕົນ.
ເປັນຫຍັງ Obamacare ຈຶ່ງຖືກຍົກເລີກຢ່າງແນ່ນອນ
Obamacare, ບັ້ນສະຫນອງປະກັນສຸຂະພາບໃຫ້ແກ່ປະຊາຊົນອາເມລິກາເປັນສ່ວນໃຫຍ່, ເພື່ອແນໃສ່ເຖິງປະຊາຊົນຜູ້ມີລາຍຮັບຕ່ຳຂອງອະດີດປະທານາທິບໍດີ ອາເມລິກາ B. Obama ອາດຈະຖືວ່າ ແມ່ນຈຸດພົ້ນເດັ່ນທີ່ປະສົບຜົນສຳເລັດ ທີ່ສຸດໃນອາຍຸການຂອງທ່ານ. ຄວາມຈິງ, Obamacare ໄດ້ນຳມາເຊິ່ງຜົນປະໂຫຍດຢ່າງແນ່ນອນໃຫ້ແກ່ຈຳນວນຊາວ ອາເມລິກາ ຈຳນວນບໍ່ແມ່ນຫນ້ອຍ. ສະເພາະໃນຫນຶ່ງປີ ແຕ່ປີ 2013-2014, ມີປະຊາຊົນອາເມລິກາ 8,8 ລ້ານຄົນໄດ້ຮັບປະກັນສຸຂະພາບ. ອັດຕາປະຊາຊົນຍັງບໍ່ທັນມີປະກັນສຸຂະພາບກໍ່ຫລຸດລົງຈາກ 20% ກ່ອນທີ່ Obamacare ມີຜົນສັກສິດລົງເຫລືອພຽງ 10%. Obamacare ຊ່ວຍເປີດກວ້າງຫລາຍລາຍການເບິ່ງແຍງສຸຂະພາບໂດຍບໍ່ເສຍຄ່າໃຫ້ແກ່ຜູ້ມີລາຍຮັບຕ່ຳ. ເຖິງຢ່າງໃດກໍຕາມ ຮ່າງກົດໝາຍນີ້ຍາມໃດກໍຖືກຕຳຫນິຕິຕຽນ ຈາກພັກສາທາລະນະ. ສາຍເຫດຍ້ອນແມ່ນເມື່ອປະຕິບັດຮ່າງກົດໝາຍນີ້ໄດ້ກະທົບເຖິງລາຍຮັບຂອງຜູ້ມີລາຍຮັບສູງຈຳນວນຫນ້ອຍ, ເປັນຕົ້ນແມ່ນນາຍທຶນ ເມື່ອເຂົາເຈົ້າຕ້ອງເສຍພາສີຫລາຍກວ່າເພື່ອອຸປະຖຳໃຫ້ແກ່ຜູ້ມີລາຍຮັບຕ່ຳຈຳນວນຫລາຍສາມາດຊື້ປະກັນສຸຂະພາບ. ສະນັ້ນ ໃນບໍ່ວ່າແຜນນະໂຍບາຍ ນະໂຍບາຍພົວພັນພາຍໃນ ກໍຄືພົວພັນຕ່າງປະເທດ ໃດທີ່ໄຮ້ຜົນປະໂຫຍດເຖິງບັນດານາຍທຶນ, ບັນດາກຸ່ມບໍລີສັດນາຍທຶນ ແລະ ພາກສ່ວນຊົນຊັ້ນຂຸນນາງໃນສັງຄົມ ກໍລ້ວນແຕ່ຖືກພັກສາທາລະນະຄັດຄ້ານ ແລະ Obamacare ກໍ່ນອນໃນກໍລະນີນັ້ນ. ຝ່າຍພັກສາທາລະນະຢູ່ ສະພາແຫ່ງຊາດ ໄດ້ປ່ອນບັດຫລາຍກວ່າທົບ 50 ເທົ່າເພື່ອຍົກເລິກກົດໝາຍນີ້.
ແຜນການປະຕິຮູບສາທາລະນະສຸກຄວນມີຂັ້ນຕອນແລະ ເວລາຕື່ມອີກ
ສຳລັບຮ່າງກົດໝາຍວ່າດ້ວຍການເບິ່ງແຍງສຸຂະພາບຊາວອາເມລິກາ ໂດຍພັກສາທາລະນະຍົກອອກມາພວມກໍ່ຄວາມຖົກຖຽງກັນຫລາຍນັ້ນ ປະຈຸບັນ ພັກສາທາລະນະພວມພ້ອມກັບທຳນຽບຂາວ ພວມເກ້ຍກ່ອມຝ່າຍນິຍົມຮັກສາເດີມສະຫນັບສະຫນູນຮ່າງກົດໝາຍນີ້. ແຕ່ສິ່ງທີ່ຫຍຸ້ງຍາກນັ້ນແມ່ນ ບໍ່ວ່າການປ່ຽນແປງໃດເພື່ອແນໃສ່ເຮັດໃຫ້ບັນດາສະມາຊິກຝ່າຍນິຍົມຮັກສາເດີມບໍ່ພໍໃຈນັ້ນກໍເປັນການນາບຂູ່ເຖິງການສະຫນັບສະຫນູນຂອງສະມາຊິກພັກປະຊາທິປະໄຕ.
ຕາມແຜນການແລ້ວ, ຕ້ອງມີເວລາ 3 ອາທິດອີກເພື່ອໃຫ້ ຮ່າງກົດໝາຍສະບັບນີ້ຈຶ່ງໄດ້ຮັບການໃຫ້ສັດຕະຍາບັນຈາກບັນດາກຳມາທິການໃນສະພາຕ່ຳກ່ອນທີ່ຍື່ນສະເຫນີຕໍ່ສະພາສູງຮັບຮອງເອົາ. ໃນຂະນະນັ້ນ ພັກສາທາລະນະຄວມຄຸນເປັນສ່ວນໃຫຍ່ໃນສະພາຕ່ຳ ແຕ່ກວມ ທີ່ນັ່ງເປັນສ່ວນຫນ້ອຍຢູ່ສະພາສູງ ແລະ ຄາດວ່າ ພັກປະຊາທິປະໄຕຈະເຫັນດີເປັນເອກະພາບ ຄັດຄ້ານການໃຫ້ສັດຕະຍາບັນຮ່າງກົດໝາຍນີ້. ພ້ອມກັນນັ້ນ ແມ່ນການຄັດຄ້ານຈາກປະຊາຊົນດ້ວຍການແຫ່ຂະບວນດຳເນີນເປັນຫລາຍຄັ້ງທີ່ຫລາຍລັດໃນ ອາເມລິກາ. ຕໍ່ຫນ້າການຜັນແປປະຈຸບັນນີ້, ແຜນການປະຕິຮູບສາທາລະນະສຸກຂອງພັກສາທາລະນະ ແນ່ນອນວ່າຈະຕ້ອງເສຍເວລາຫລາຍຕື່ມອີກ.