(vovworld)- ຮ່າງບົດລາຍງານການເມືອງຂອງຄະນະບໍລິຫານງານສູນກາງພັກກອມມູນິດຫວຽດນາມ ຊຸດທີ 11 ຍື່ນສະເຫນີຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກກອມມູນິດຫວຽດນາມ ໄດ້ປະກາດຢ່າງກວ້າງຂວາງເພື່ອຮັບເອົາຄຳເຫັນຂອງປະຊາຊົນທຸກຊັ້ນວັນນະ. ຮອງສາດສະດາຈານ, ດຣ ຫງວຽນຈ້ອງຟຸກ, ອະດີດຫົວຫນ້າສະຖາບັນປະຫວັດສາດພັກ, ສະຖາບັນການເມືອງແຫ່ງຊາດ ໂຮ່ຈິມີນ ໄຈແຍກຫລາຍຈຸດໃຫມ່ຂອງຮ່າງເອກະສານກອງປະຊຸມໃຫຍ່ຄັ້ງທີ 12 ຜ່ານບົດຂຽນທີ່ມີຫົວຂໍ້ວ່າ: ຈຸດໃຫມ່ໃນຮ່າງເອກະສານກອງປະຊຸມໃຫຍ່ຄັ້ງທີ 12 ຂອງພັກກອມມູນິດຫວຽດນາມ
ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກ
ພາບ:dangcongsan.vn
|
ຕາມຮອງສາດສະດາຈານ, ດຣ ຫງວຽນຈ້ອງຟຸກ ແລ້ວ, ຈຸດໃຫມ່ທີ່ສຳຄັນ ນັ້ນແມ່ນຫົວຂໍ້ ແລະ ບັນດາເນື້ອໃນພື້ນຖານຂອງຮ່າງບົດລາຍງານການເມືອງ. ຕາມນັ້ນແລ້ວ, ຫົວຂໍ້ ຮ່າງບົດລາຍງານການເມືອງ ແມ່ນເລີ່ມຕົ້ນດ້ວຍປະໂຫຍກ “ເພີ່ມທະວີການກໍ່ສ້າງພັກໃຫ້ປອດໃສໝັ້ນຄົງເຂັ້ມແຂງ” ແມ່ນເນັ້ນຫນັກເຖິງບົດບາດສຳຄັນຂອງວຽກງານກໍ່ສ້າງພັກ ເພາະວ່າ ການກໍ່ສ້າງພັກໃນວິວັດການປ່ຽນໃຫມ່ ໄດ້ກຳນົດວ່າ ແມ່ນຫລັກແຫລ່ງ, ການພັດທະນາເສດຖະກິດແມ່ນຈຸດສຸມ. ການກໍ່ສ້າງພັກດີ ວິວັດການປ່ຽນໃຫມ່ທັງໝົດຈຶ່ງນຳມາເຊິ່ງຄຸນນະພາບ ແລະ ປະສິດທິຜົນ.
ເນັ້ນຫນັກຢ່າງແຮງເຖິງຄວາມຮຽກຮ້ອງປ່ຽນໃຫມ່ຢ່າງຄົບຊຸດແລະຮອບດ້ານ
ຮ່າງບົດລາຍງານການເມືອງຂອງພັກກອມມູນິດຫວຽດນາມ ຄັ້ງນີ້ ແມ່ນເນັ້ນຫນັກເຖິງການຍູ້ແຮງຮອບດ້ານ ແລະ ຄົບຊຸດກິດຈະການປ່ຽນແປງໃຫມ່, ຖ້າບໍ່ປ່ຽນໃຫມ່ຢ່າງຄົບຊຸດ ຈະບໍ່ພັດທະນາ. ການປ່ຽນໃຫມ່ໄດ້ຮັບການຜັນຂະຫຍາຍຈາກຂັ້ນຍຸດທະສາດຕະຫລອດຮອດຂັ້ນຮາກຖານ ເພື່ອສ້າງກຳລັງແຮງສັງລວມ. ຕາມຮອງສາດສະດາຈານ, ດຣ ຫງວຽນຈ້ອງຟຸກ ແລ້ວ, ກອ່ນດຳເນີນກອງປະຊຸມໃຫຍ່ຜູ້ແທນທົ່ວປະເທດຂອງພັກຊຸດທີ 11, ພັກກອມມູນິດຫວຽດນາມ ໄດ້ກຳນົດຮອດປີ 2020 ນຳຫວຽດນາມ ກາຍເປັນປະເທດອຸດສາຫະກຳຕາມທິດທັນສະໄຫມ ແຕ່ຄວາມຈິງ ຄາດໝາຍນີ້ຄວນໄດ້ຮັບການປັບປຸງຄືນ. ສະນັ້ນ ໃນ ຮ່າງບົດລາຍງານການເມືອງນີ້, ພັກກອມມູນິດຫວຽດນາມ ຊີ້ແຈ້ງຈຸດເວລາ ຮອດປີ 2020, ສ້າງພື້ນຖານເພື່ອນຳຫວຽດນາມ ກາຍເປັນປະເທດອຸດສາຫະກຳຕາມທິດທັນສະໄຫມໂດຍໄວ ແລະ ບັນລຸຄາດໝາຍນັ້ນໃຫ້ໄດ້ຫລັງປີ 2020. ຮອງສາດສະດາຈານ, ດຣ ຫງວຽນຈ້ອງຟຸກ ມີຄວາມເອົາໃຈໃສ່ພິເສດເຖິງເນື້ອໃນພັດທະນາເສດຖະກິດ.
“ຂ້າພະເຈົ້າຖືວ່າ ບັນຫາສຳຄັນໃນປະຈຸບັນ ແມ່ນເສດຖະກິດ. ເມື່ອສະຫລຸບ 30 ປີແຫ່ງການປ່ຽນແປງໃຫມ່, ພວກເຮົາຮັບຮູ້ວ່າ ເສດຖະກິດຫວຽດນາມ ອາດຈະເກີດຄວາມສ່ຽງຈະຊຸດໂຊມ ເມື່ອທຽບໃສ່ບັນດາປະເທດໃນພາກພື້ນ ແລະ ໂລກ.ສະນັ້ນ ປະເທດຊາດພັດທະນາຢ່າງວ່ອງໄວ ຈຸດສຸມແມ່ນດ້ານເສດຖະກິດ. ສິ່ງທີ່ຂ້າພະເຈົ້າສົນໃຈໃນກອງປະຊຸມໃຫຍ່ຄັ້ງນີ້ ນັ້ນແມ່ນເສດຖະກິດພັດທະນາກະໂດດຂັ້ນ, ພັດທະນາຢ່າງວ່ອງໄວ, ໝັ້ນຄົງ. ຢາກໄດ້ຄືແນວນັ້ນ ຕ້ອງຕິດພັນກັບ 3 ບາດກ້າວບຸກທະລຸຊື່ງກອງປະຊຸມໃຫຍ່ຄັ້ງທີ 11 ຂອງພັກ ໄດ້ວາງອອກ ແຕ່ມາຮອດປະຈຸບັນປະຕິບັດບໍ່ທັນບັນລຸປະສິດທິຜົນ ນັ້ນຄື: ສ້າງສຳເລັດລະບອບເສດຖະກິດການຕະຫລາດ, ການກຳນົດທິດສັງຄົມນິຍົມ, ບຳລຸງສ້າງແຫລ່ງຊັບພະຍາກອນມະນຸດ ແລະ ກໍ່ສ້າງພື້ນຖານໂຄງລ່າງທັນສະໄຫມ.”
ຄວາມສາມັກຄີໃນພັກແມ່ນປັດໄຈຫລັກແຫລ່ງ
ຄວາມສາມັກຄີໃນພັກແມ່ນປັດໄຈຫລັກແຫລ່ງ ແລະ ເພີ່ມທະວີການກໍ່ສ້າງພັກກອມມູນິດຫວຽດນາມ ໃຫ້ປອດໃສໝັ້ນຄົງເຂັ້ມແຂງ ກໍແມ່ນເນື້ອໃນສຳຄັນຖືກຍົກອອກໃນຕອນທຳອິດຂອງຮ່າງບົດລາຍງານການເມືອງ. ກ່ຽວກັບສິ່ງດັ່ງກ່າວ, ຮອງສາດສະດາຈານ, ດຣ ຫງວຽນຈ້ອງຟຸກ ຊີ້ແຈ້ງວ່າ:
“ຂ້າພະເຈົ້າຖືວ່າ ຄວາມສາມັກຄີໃນພັກ ແມ່ນຄວາມສາມັກຄີໃນທົ່ວສັງຄົມ ແລະ ຄວາມສາມັກຄີ ສາກົນ. ທັດສະນະສາມັກຄີໃນພັກ, ປະທານໂຮ່ຈິມີນ ໄດ້ ວາງອອກນັບແຕ່ຫົວທີ່. ໃນຄຳພິໄນກຳ, ເພີ່ນເນັ້ນຫນັກຢ່າງແຮງເຖິງການປະຕິບັດປະຊາທິປະໄຕໃນພັກເພື່ອຮັກສາຄວາມສາມັກຄີ. ປະຕິບັດປະຊາທິປະໄຕຈຶ່ງສາມາດສາມັກຄີໃນສັງຄົມເປັນຢ່າງດີໄດ້.”
ຕາມຮອງສາດສະດາຈານ, ດຣ ຫງວຽນຈ້ອງຟຸກ ແລ້ວ, ການຮັບເອົາຄຳເຫັນ ປະກອບ ຂອງປະຊາຊົນ ເພື່ອປັບປຸງຮ່າງບົດລາຍງານການເມືອງທີ່ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ 12 ແມ່ນວຽກງານທີ່ຈຳເປັນ ແລະ ກໍແມ່ນສິ່ງທີ່ເປັນຫນ້າຊື່ນຊົມໃນວິວັດການເສີມຂະຫຍາຍປະຊາທິປະໄຕຢູ່ຫວຽດນມ. ຜ່ານການດຳເນີນຊີວິດການເມືອງຄັ້ງນີ້ ປະຊາຊົນ ໄດ້ເຂົ້າຮ່ວມການປະກອບພູມປັນຍາເຂົ້າໃນວຽກງານຂອງພັກ, ຂອງປະເທດຊາດ. ກົງກັນຂ້າມ, ພັກກອມມູນິດຫວຽດນາມ ກໍຮັບຟັງປະຊາຊົນ, ມີຄວາມເຊື່ອໝັ້ນຕໍ່ປະຊາຊົນ, ຄົ້ນຄ້ວາ, ລວບລວມ ແລະ ຮັບເອົາຄຳເຫັນປະກອບຂອງປະຊາຊົນ. ເປັນທີ່ຈະແຈ້ງແລ້ວວ່າ ເລື່ອງຮັບເອົາຄຳເຫັນຂອງທົ່ວປວງຊົນ ແມ່ນມີຄວາມຈຳເປັນທີ່ສຸດ ແລະ ຕ້ອງໄດ້ຮັບການປະຕິບັດຢ່າງເປັນລະບົບ ເພື່ອໃຫ້ປະຊາຊົນສຳພັດ ພ້ອມກັນຮ່ວມແຮງຮ່ວມໃຈເພື່ອປຶກສາຫາລື, ເປັນເອກະພາບໃນທຸກບັນຫາທີ່ສຳຄັນຂອງປະເທດຊາດ.