ໂດຍຮັບຄຳເຊີນຈາກທ່ານນາຍົກລັດຖະມົນຕີຫວຽດນາມ ຫງວຽນເຕີ້ິ້ນຢຸງ, ທ່່ານນາຍົກລັດຖະມົນຕີແຫ່ງ ສ. ວານົວຕູ Joe Natuman ແລະ ພັນລະຍາພ້ອມດ້ວຍຄະນະໄດ້ມາຢ້ຽມຢາມຫວຽດນາມຢ່າງເປັນທາງການແຕ່ວັນທີ 5 -9/10/2014. ນີ້ແມ່ນຄັ້ງທຳອິດທີ່ ທ່່ານນາຍົກລັດຖະມົນຕີແຫ່ງ ສ. ວານົວຕູ Joe Natuman ມາຢ້ຽມຢາມຫວຽກນາມຂັ້ນນາຍົກລັດຖະມົນຕີ ຄັ້ງທີ 2ຂອງວານົວຕູ. ຜ່ານການຢ້ຽມຢາມຄັ້ງນີ້, ຫວຽດນາມມີໂອກາດຢັ້ງຢືນນະໂຍບາຍການຕ່າງປະເທດທີ່ສະເໝີຕົ້ນສະເໝີປາຍຂອງຕົນແມ່ນຢາກເປີດກ້ວາງການພົວພັນກັບທຸກໆປະເທດໃນໂລກເພື່ອຜົນປະໂຫຍດຂອງແຕ່ລະປະເທດ, ພ້ອມທັງປະກອບສ່ວນເຂົ້າໃນສັນຕິພາບ, ສະຖຽນລະພາບລວມຂອງໂລກ.
ໂດຍຖືກຕັ້ງຢູ່ທາງຕິດຕາເວັນຕົກສ່ຽງໃຕ້ມະຫາສະມຸດປາຊີຝິກ, ວານົວຕູແມ່ນປະເທດໝູ່ເກາະໃກ້ກັບອົດສະຕາລີໄປທາງທິດຕາເວັນອອກ, ໃກ້ກັບຟີຢີ ທາງທິດຕາເວັນຕົກ, ໃກ້ກັບໝູ່ເກາະ ໂຊໂລມົນ ທາງທິດໃຕ້ ແລະ ໃກ້ກັບເກາະ ນິວກາເລໂດເນຍ ໄປທາງທິດເໜືອ. ວານົວຕູ ມີເນື້ອທີເກືອບ 12.000 ຕາລາງກິໂລແມດ ລວມມີ ເກາະໃຫຍ່ນ້ອຍ 83 ແຫ່ງ. ວານົວຕູ ມີພື້ນຖານເສດຖະກິດອາໄສຕົ້ນຕໍດ້ານກະສີກຳຂອບຂະໜາດນ້ອຍ. ການປະມົງ, ການບໍລິການການເງິນຕ່າງປະເທດ, ການກໍ່ສ້າງ ແລະ ທ່ອງທ່ຽວ ກໍແມ່ນບັນດາຂະແໜງຕົ້ນຕໍອື່ນໆຂອງປະເທດ ວານົວຕູ .
.jpg)
ທ່່ານນາຍົກລັດຖະມົນຕີແຫ່ງ ສ. ວານົວຕູ Joe Natuman ປະເທດໝູ່ເກາະພວມດຳເນີນການປະຕິຮູບພື້ນຖານເສດຖະກິດຢ່າງແຂງແຮງ
ວານົວຕູ ມີພື້ນຖານເສດຖະກິດອາໄສຕົ້ນຕໍດ້ານກະສີກຳ, ສ່ວນດ້ານອຸດສາຫະກຳແມ່ນຍັງຖືກຈຳກັດຢູ່. ນອກຈາກນັ້ນ, ຍັງມີຂະແໜງອື່ນໆຄື ຈັບຫາສິນໃນນ້ຳ, ຂຸດຄົ້ນແຮ່ທາດ ແລະ ທ່ອງທ່ຽວ. ລະດັບເພີ່ມ ຈີດີພີ ຄິດສະເລຍແມ່ນປະມານ 2,9%. ວານົວຕູ ນຳເຂົ້າເຄື່ອງຈັກ, ຍານພາຫະນະຂົນສົ່ງ, ອາຫານ, ນ້ຳມັນ, ທາດເຄມີ... ຄູ່ຄ້າ ແລະ ກໍແມ່ນປະເທດສະໜອງໃຫ້ການຊ່ວຍເຫຼືອຕົ້ນຕໍແມ່ນ ອົດສະຕາລີ, ອັງກິດ, ຝະລັ່ງ, ສະຫະພາບເອີລົບ EU , ຍີປຸ່ນ, ນິວຊີແລນ.
ນັບແຕ່ກາງປີ 2002, ລັດຖະບານ ວານົວຕູ ໄດ້ກຳນົດ 2 ກຳລັງຊຸກຍູ້ການເຕີບໂຕຕົ້ນຕໍໃຫ້ແກ່ພື້ນຖານເສດຖະກິດ, ນັ້ນແມ່ນການສ່ົງອອກສັດລ້ຽງ ແລະ ຊຸກຍູ້ການທ່ອງທ່ຽວໂດຍຜ່ານການເພີ່ມທະວີການເຊື່ອມຕໍ່ກັບບໍລິສັດການບິນຕ່າງປະເທດ, ຂະຫຍາຍບັນດາເຂດພັກຜ່ອນລະດັບສູງ ແລະ ເພີ່ມທະວີພາຫະນະເຄື່ອງຈັກກຳປ່ັນທ່ອງທ່ຽວ. ວານົວຕູ ພວມດຳເນີນການປະຕິຮູບເສດຖະກິດຢ່າງຮອບດ້ານດ້ວຍຄວາມປາຖະໜາ ນຳພື້ນຖານເສດຖະກິດພັດທະນາຢ່າງແຂງແຮງກວ່າ .
ກ່ຽວກັບນະໂຍບາຍການຕ່າງປະເທດ, ວານົວຕູ ປະຕິບັດນະໂຍບາຍການຕ່າງປະເທດສັນຕິພາບ, ບໍ່ຮ່ວມສຳພັນ, ຕ້ານອາວຸດນິວເຄຼຍ. ມາຮອດປະຈຸບັນ, ວານົວຕູມີການພົວພັນທາງການທູດກັບເກືອບ 80 ປະເທດ. ວານົວຕູ ມີການພົວພັນຮ່ວມມືດ້ານເສດຖະກິດ ແລະ ວັດທະນະທຳຢ່າງແໜ້ນແຟ້ນກັບອົດສະຕາລີ, ນິວຊີແລນ, EU, ປາຊີຝິກໃຕ້. ປະຈຸບັນ, ວານົວຕູ ກໍພວມເອົາໃຈໃສ່ພັດທະນາການພົວພັນກັບຫຼາຍປະເທດອື່ນໆ, ພິເສດແມ່ນບັນດາປະເທດໃຫຍ່ ທີ່ໃຫ້ການຊ່ວຍເຫຼືອຢ່າງຫຼວງຫຼາຍຄື ຈີນ, ອາເມລິກາ, ບັນດາປະເທດເພື່ອນບ້ານໃກ້ຄຽງໃນພາກພື້ນ. ວານົວຕູ ແມ່ນສະມາຊິກຂອງສະຫະປະຊາຊາດ, ກຸ່ມປະເທດວັດທະນາຖາວອນ, ຂະບວນການບໍ່ຮ່ວມກຸ່ມ, ກຸ່ມປະເທດໃຊ້ພາສາຝະລັ່ງ, WB, IMF, SPF ……
ຫວັງຊຸກຍູ້ການພົວພັນກັບຫວຽດນາມ
ຫວຽດນາມ ແລະ ວານົວຕູ ມີການພົວພັນທີ່ເປັນມູນເຊື້ອ, 2 ປະເທດໄດ້ສ້າງຕັ້ງສາຍພົວພັນທາງການທູດເມື່ອວັນທີ 3/3/1982. ວານົວຕູ ຍາມໃດກໍຖືເປັນສຳຄັນການເພີ່ມທະວີການພົວພັນຮ່ວມມືກັບຫວຽດນາມ. 2 ປະເທດໄດ້ແລກປ່ຽນຄະນະຜູ້ແທນຈຳນວນໜຶ່ງ. ປີ 1997, ທ່ານນາຍົກລັດຖະມົນຕີ ວານົວຕູ Serge Vohor ມາຫວຽດນາມເຂົ້າຮ່ວມກອງປະຊຸມຂັ້ນສູງ ກຸ່ມປະເທດໃຊ້ພາສາຝະລັ່ງຢູ່ຮ່າໂນ້ຍ, ປະກອບສ່ວນເຂົ້າໃນຜົນສຳເລັດຂອງກອງປະຊຸມ. ເດືອນ 4 ປີ 2007, ຄະນະປະຕິບັດງານລະຫວ່າງຂະແໜງກ່ຽວກັບຊາວຫວຽດນາມອາໄສຢູ່ຕ່າງປະເທດໂດຍຮອງລັດຖະມົນຕີການຕ່າງປະເທດຫວຽດນາມ ຫງວຽນຟູ້ບີງ ນຳໜ້າໄດ້ໄປຢ້ຽມຢາມ ແລະ ເຮັດວຽກຢູ່ ວານົວຕູ. ໃນປີດຽວກັນ, ທ່ານ ລັດຖະມົນຕີການຕ່າງປະເທດ ແລະ ການຄ້າຕ່າງປະເທດ ວານົວຕູ George Andre Wells ໄດ້ມາຢ້ຽມຢາມຫວຽດນາມຢ່າງເປັນທາງການ. ເດືອນ 4 / 2014, ທ່ານ Toara Daniel Kala , ຮອງປະທານພັກຂຽວຊຶ່ງແມ່ນພັກກຳອຳນາດຂອງ ວານົວຕູ ໄດ້ມາຫວຽດນາມເຂົ້າຮ່ວມເວທີ່ປາໄສພາກພື້ນ ແລະ ຮ່ວມມືເສດຖະກິດກຸ່ມປະເທດໃຊ້ພາສາຝະລັ່ງ.
ຍ້ອນສະພາບພູມິປະເທດ ແລະ ເສດຖະກິດຂອງວານົວຕູຍັງແມ່ນຂອບຂະໜາດນ້ອຍ, ດັ່ງນັ້ນການຮ່ວມມືລະຫວ່າງ 2 ປະເທດໃນຂົງເຂດເສດຖະກິດ, ການຄ້າ ແລະ ການລົງທຶນຍັງບໍ່ທັນຂະຫຍາຍຕົວ. ວົງເງິນການຄ້າ 2 ສົ້ນປີ 2011 ບັນລຸ 2,058 ລ້ານ USD , ໃນນັ້ນຫວຽດນາມສົ່ງອອກຊີ້ນ, ທັນຍາຫານ, ສິນໃນນ້ຳ, ເຄື່ອງເຄືອບໄປຂາຍໃຫ້ ວານົວຕູ ລວມມູນຄ່າເຖິງເກືອບ 1,9 ລ້ານ USD . 2 ປະເທດມີຫຼາຍຈຸດຄ້າຍຄືກັນ, ມີພື້ນຖານເສດຖະກິດກະສີກຳ, ຈັບຫາສິນໃນນ້ຳ, ດັ່ງນັ້ນ, ວານົວຕູຫວັງຢາກເພີ່ມທະວີການພົວພັນມິດຕະພາບ ແລະ ການຮ່ວມມືກັບຫວຽດນາມ. ປະຊາຄົມຊາວຫວຽດນາມຢູ່ ວານົວຕູໃນປະຈຸບັນມີປະມານ 500 ຄົນໃນຍອດຈຳນວນປະຊາກອນຂອງ ວານົວຕູ ແມ່ນ 267.000 ຄົນ. ນອກຈາກການຮ່ວມມືໃນຂອບເຂດອົງການພາສາຝະລັ່ງສາກົນນັ້ນ, ຫວຽດນາມ ແລະ ວານົວຕູຍັງມີການຮ່ວມມືຢູ່ບັນດາເວທີ່ປາໄສສາກົນຄື ສ.ປ.ຊ. ເດືອນ 6 ທີ່ຜ່ານມາ, ວານົວຕູໄດ້ຮັບຮູ້ຫວຽດນາມມີພື້ນຖານເສດຖະກິດ ການຕະຫຼາດ.
ບົນພື້ນຖານການພົວພັນທີ່ດີງາມດັ່ງກ່າວ, ການຢ້ຽມຢາມຫວຽດນາມຂອງ ທ່່ານນາຍົກລັດຖະມົນຕີແຫ່ງ ສ. ວານົວຕູ Joe Natuman ຄັ້ງນີ້, ແມ່ນເພື່ອແນໃສ່ ຊຸກຍູ້ການພົວພັນຮ່ວມມື 2 ຝ່າຍໃນບັນດາຂົງເຂດຊຶ່ງທັງ 2 ຝ່່າຍມີຄວາມສາມາ ບົ່ງຊ້ອນ ແລະ ແລກປ່ຽນກ່ຽວກັບບາງບັນຫາສາກົນ ແລະ ພາກພື້ນທີ່ຕ່າງ ຝ່າຍຕ່່າງມີຄວາມສົນໃຈ. ໃນສະພາບຫັນເປັນໂລກາພິວັດ, ການຊຸກຍູ້ການພົວພັນແບບຕ່າງຝ່າຍຕ່າງມີຜົນປະໂຫຍດນັ້ນ ແມ່ນສິ່ງທີ່ທັງຫວຽດນາມ ແລະ ວານົວຕູ ພ້ອມກັນມີຄວາມຫວັງມຸ່ງໄປເຖິງ./.