(vovworld)- ຮ່າງກົດໝາຍວ່າດ້ວຍການເຫຼື້ອມໃສ ສາສະໜາພວມຖືກບັນດາສະມາຊິກຄະນະປະຈຳສະພາແຫ່ງຊາດນຳມາປຶກສາຫາລື, ປະກອບຄຳເຫັນໃນກອງປະຊຸມຄັ້ງທີ 3 ຊຶ່ງດຳເນີນແຕ່ວັນທີ 12-22/9. ຮ່າງກົດໝາຍສະບັບນີ້ ຄາດວ່າຈະຍື່ນສະເໜີຕໍ່ສະພາແຫ່ງຊາດຮັບຮອງເອົາໃນກອງປະຊຸມສະໄໝສາມັນຄັ້ງທີຈະມາເຖິງ, ແນໃສ່ສ້າງລະບົບກົດໝາຍທີ່ອຳນວຍຄວາມສະດວກໃຫ້ແກ່ການເຄື່ອນໄຫວ ເຫຼື້ອມໃສ ສາສະໜາຢູ່ຫວຽນດາມ. ຕໍ່ໄປນີ້, ນັກຂ່າວທູຮວາມີບົດທີ່ພາດຫົວຂໍ້ວ່າ : “ບາດກ້າວເດີນໃໝ່ໃນການຮັບປະກັນເສລີພາບໃນການເຫຼື້ອມໃສ ສາສະໜາຂອງປະຊາຊົນ” ເຊີນທ່ານຕິດຕາມຮັບຟັງ.
|
ພິທີປ່ອຍນົກສັນຕິພາບໃນວັນບຸນວິສາຂະບູຊາ
|
ຫວຽດນາມແມ່ນປະເທດທີ່ມີຫຼາຍສາສະໜາ ແລະ ການເຫຼື້ອໃສ. ຕາມການປະເມີນແລ້ວ, ປະມານ 95% ຈຳນວນປະຊາກອນຫວຽດນາມໄດ້ຮ່ວມຊີວິດ ການເຫຼື້ອມໃສ ສາສະໜາ. ໃນນັ້ນມີສາສະນິກກະຊົນປະມານ 20 ລ້ານຄົນ, 40 ອົງການສາສະໜາທີ່ຂຶ້ນກັບ 14 ສາສະໜາ. ທົ່ວປະເທດມີຜູ້ມີຍົດຖາບັນດາສັກເກືອບ 83.000 ອົງ, ສະຖານທີ່ເຄືອ່ນໄຫວທາງສາສະໜາເກືອບ 28.000 ແຫ່ງ.
ຮູບພາບທີ່ມີຫຼາຍຮູບຫຼາຍສີກ່ຽວກັບບັນດາສາສະໜາ
ສາສະນິກກະຊົນທີ່ເຊື່ອຖືສາສະໜາຕ່າງໆນັ້ນ ໄດ້ດຳເນີນຊີວິດທາງສາສະໜາເປັນປົກກະຕິໃນຄອບຄົວ ແລະ ສະຖານທີ່ເຄືອ່ນໄຫວທາງສາສະໜາຕາມພິທີກຳຂອງ ສາສະໜາຕົນ. ມີການດຳເນີນຊີວິດທາງສາສະໜາຫຼາຍຢ່າງ, ເປັນຕົ້ນແມ່ນບັນດາສາສະໜາທີ່ມີການເຄື່ອນໄຫວໃນຂອບເຂດທ້ອງຖິ່ນ, ຫາກໍໄດ້ຮັບການສ້າງຕັ້ງຫຼືຫາກໍຖືກນຳເຂົ້າຫວຽດນາມ, ກໍລ້ວນແຕ່ມີການເຄື່ອນໄຫວນັບມື້ນັບປົກກະຕິຖືກຕາມກົດລະບຽບຂອງອົງການ ແລະ ຮັບປະກັນຖືກຕ້ອງຕາມກົດໝາຍ. ການປ່ອງດອງລະຫວ່າງບັນດາສາສະໜາໄດ້ສະແດງໃຫ້ເຫັນຢ່າງຈະແຈ້ງ. ບັນດາຜູ້ທີ່ມີຍົດຖາບັນດາສັກຂອງສາສະໜານີ້ສາມາດເຂົ້າຮ່ວມພິທີ່ກຳຂອງສາສະໜາອື່ນ, ສະໝັກໃຈປະກອບສ່ວນ, ຊ່ວຍເຫຼືອສາສະນິກກະຊົນສາສະໜາອື່ນໆ ແລະ ບັນດາຜູ້ບໍ່ເຊື່ອຖືສາສະໜາ, ອັນໄດ້ສະແດງໃຫ້ເຫັນຄວາມສາມັກຄີ, ຄວາມຜູກພັນລະຫວ່າງບັນດາສາສະໜາດ້ວຍກັນ ແລະ ລະຫວ່າງສາສະໜາກັບການດຳລົງຊີວິດຂອງປະຊາຊົນ. ອົງການຄຸ້ມຄອງລັດຂັ້ນສູນກາງ ແລະ ທ້ອງຖິ່ນກໍໄດ້ດຳເນີນການຢື້ຢາມຖາມຂ່າວ, ອວຍພວນບັນດາຜູ້ທີ່ມີຍົດຖາບັນດາສັກ, ສາສະນິກກະຊົນທີ່ເຊື່ອຖືສາສະໜາຕ່າງໆເນື່ອງໃນໂອກາດບັນດາວັນບຸນ, ການພົບປະສົນທະນາກັບບັນດາອົງການສາສະໜາຢູ່ທ້ອງຖິ່ນກໍຖືກດຳເນີນເປັນປະຈຳ.
ນັບແຕ່ປະເທດດຳເນີນກິດຈະການປ່ຽນແປງໃໝ່, ບັນດານິກາຍຂອງສາສະໜາຕ່າງໆຢູ່ຫວຽດນາມກໍໄດ້ຮັບການຮັບຮູ້ທາງຖານະນິຕິບຸກຄົນ, ດັ່ງນັ້ນ, ບັນດານັກບວດຫວຽດນາມຍິ່ງມີເງື່ອນໄຂເພີ່ມທະວີການເຄື່ອນໄຫວຂອງ ສາສະໜາຕົນ. ບັນດາສະຖານທີ່ເຄື່ອນໄຫວທາງສາສະໜາເກືອບທັງໝົດ ກໍໄດ້ຮັບການບູລະນະປະຕິສັງຂອນ ແລະ ເປີດກ້ວາງ. ມາຮອດປະຈຸບັນ, ທົ່ວປະເທດມີສະຖາບັນສົງ 4 ແຫ່ງ, ວິທະຍາໄລສົງ 8 ແຫ່ງ, ໂຮງຮຽນສົງຊັ້ນກາງ 32 ແຫ່ງ…..ສຳນັກພິມຈຳໜ່າຍສາສະໜາກໍໄດ້ຮັບການສ້າງຕັ້ງຂຶ້ນດ້ວຍປື້ມຕົ້ນສະບັບປະມານ 4.000 ຫົວຖືກພິມຈຳໜ່າຍນັບສິບລ້ານຫົວ. ບັນດາການເຄື່ອນໄຫວສາກົນຂອງບັນດາອົງການສາສະໜາ ແລະ ສາສະນິກກະຊົນໄດ້ຮັບການເພີ່ມທະວີ. ບັນດາ ສາສະໜາຢູ່ຫວຽດນາມໄດ້ຕັ້ງໜ້າເຂົ້າຮ່ວມບັນດາກອງປະຊຸມ, ເວທີປາໄສທາງສາສະໜາລະດັບພາກພື້ນ ແລະ ສາກົນ. ມີບັນດາການເຄື່ອນໄຫວທາງ ສາສະໜາສາກົນໃຫຍ່ໄດ້ຖືກຈັດຂຶ້ນຢ່າງສົມກຽດ ແລະ ປະສົບຜົນສຳເລັດຢູ່ຫວຽດນາມ.
ທັດສະນະປ່ຽນແປງໃໝ່ກ່ຽວກັບການເຫຼື້ອມໃສ ສາສະໜາ
ມະຕິຂອງຄະນະບໍລິຫານງານສູນກາງພັກກອມມູນິດຫວຽດນາມຊຸດທີ 9 ໄດ້ຢືນຢັນວ່າ ການເຫຼື້ອມໃສ ສາສະໜາແມ່ນຄວາມຕ້ອງການທາງດ້ານຈິດໃຈຂອງປະຊາຊົນພາກສ່ວນໜຶ່ງທີ່ເຊື່ອຖືສາສະໜາຕ່າງໆຊຶ່ງແມ່ນພາກສ່ວນໜຶ່ງໃນກຸ່ມກ້ອນມະຫາສາມັກຄີທົ່ວປວງຊົນທັງຊາດ. ພັກ ແລະ ລັດຫວຽດນາມມີທັດສະນະສະເໝີຕົ້ນສະເໝີປາຍໃນການປະຕິບັດນະໂຍບາຍເຄົາລົບ ແລະ ຮັບປະກັນສິດເສລີພາບໃນການເຫຼື້ອມໃສສາສະໜາຂອງປະຊາຊົນຊຶ່ງອາດຈະເຊື່ອຖືຫຼືບໍ່ເຊື່ອຖືສາສະໜາໃດໜຶ່ງ. ລັດຍັງຮັບປະກັນສິດດຳເນີນຊີວິດທາງສາສະໜາເປັນປົກກະຕິຢ່າງຖືກຕ້ອງຕາມກົດໝາຍ ແລະ ຫ້າມມີການກະທຳລະເມີດສິດເສລີພາບໃນການເຫຼື້ອມໃສສາສະໜາຂອງປະຊາຊົນທຸກໆຄົນ. ນັບແຕ່ປີ 1986 ມາຮອດປະຈຸບັນ, ໄດ້ມີເອກະສານດ້ານກົດໝາຍກວ່າ 100 ສະບັບມີເນື້ອໃນປັບປຸງກ່ຽວກັບການເຫຼື້ອມໃສ ສາສະໜາໄດ້ຮັບການປະກາດໃຊ້, ຊຶ່ງສະແດງໃຫ້ເຫັນຈິດໃຈປ່ຽນແປງໃໝ່ກ່ຽວກັບນະໂຍບາຍການເຫຼື້ອມໃສ ສາສະໜາຂອງຫວຽດນາມ, ສອດຄ່ອງກັບກົດໝາຍສາກົນຊຶ່ງຫວຽດນາມໄດ້ເຂົ້າຮ່ວມ. ສິດເສລີພາບໃນການເຫຼື້ອມໃສສາສະໜາຂອງປະຊາຊົນໄດ້ຖືກລະບຸຢ່າງຈະແຈ້ງທີ່ສຸດໃນມາດຕາ 24 ຂອງລັດຖະທຳມະນູນປີ 2013. ຕາມນັ້ນແລ້ວ, ທຸກໆຄົນມີສິດເສລີພາບໃນການເຫຼື້ອມໃສສາສະໜາຊຶ່ງອາດຈະເຊື່ອຖືຫຼືບໍ່ເຊື່ອຖືສາສະໜາໃດໜຶ່ງ. ບັນດາສາສະໜາມີຄວາມສະເໝີພາບຕໍ່ກົດໝາຍ. ລັດເຄົາລົບ ແລະ ປົກປ້ອງສິດເສລີພາບໃນການເຫຼື້ອມໃສສາສະໜາຂອງປະຊາຊົນ. ບໍ່ວ່າຜູ້ໃດ ເດັດຂາດບໍ່ໄດ້ລ່ວງລະເມີດສິດເສລີພາບໃນການເຫຼື້ອມໃສສາສະໜາຫຼືສວຍໃຊ້ການເຫຼື້ອມໃສສາສະໜາເພື່ອລະເມີດກົດໝາຍ.
ບາດກ້າວໃໝ່ກ່ຽວກັບເສລີພາບໃນການເຫຼື້ອມໃສສາສະໜາ
ເພື່ອສືບຕໍ່ກໍ່ສ້າງແນວທາງນະໂຍບາຍກ່ຽວກັບການເຫຼື້ອມໃສ ສາສະໜາເປັນລະບອບກົດໝາຍ, ຫວຽດນາມພວມຮຽບຮຽງຮ່າງກົດໝາຍວ່າດ້ວຍການເຫຼື້ອມໃສ ສາສະໜາຊຶ່ງຄາດວ່າຈະຍື່ນສະເໜີຕໍ່ສະພາແຫ່ງຊາດຮັບຮອງເອົາໃນເດືອນ 10/2016.
ໝາກຜົນແຫ່ງການປ່ຽນແປງໃໝ່ໃນນະໂຍບາຍ, ກົດໝາຍກ່ຽວກັບການເຫຼື້ອມໃສ ສາສະໜາໄດ້ເຮັດໃຫ້ມີການປ່ຽນແປງໂດຍພື້ນຖານໃນຊີວິດການເຫຼື້ອມໃສ ສາສະໜາຂອງປະຊາຊົນ. ສະພາບການສາສະໜາໄດ້ຄ່ອຍໆເຂົ້າສູ່ຄວາມເປັນປົກກະຕິ, ບັນດາຜູ້ທີ່ມີຍົດຖາບັນດາສັກ, ສາສະນິກກະຊົນ, ນັກບວດເພີີ່ມຄວາມເຊື່ອໝັ້ນເພື່ອເຂົ້າຮ່ວມ, ປະກອບສ່ວນຢ່າງຕັ້ງໜ້າເຂົ້າໃນກິດຈະການສ້າງສາ ແລະ ພັດທະນາປະເທດຊາດ. ຮ່າງກົດໝາຍວ່າດ້ວຍການເຫຼື້ອມໃສ ສາສະໜາ ຊຶ່ງຄາດວ່າຈະຍື່ນສະເໜີຕໍ່ສະພາແຫ່ງຊາດຮັບຮອງເອົາໃນກອງປະຊຸມສະໄໝສາມັນຄັ້ງທີຈະມາເຖິງຈະສ້າງລະບົບກົດໝາຍທີ່ອຳນວຍຄວາມສະດວກໃຫ້ແກ່ການເຄື່ອນໄຫວ ເຫຼື້ອມໃສ ສາສະໜາຢູ່ຫວຽນດາມນັບມື້ນັບພັດທະນາ./.