ປະຈຸບັນ, ໃນທົ່ວປະເທດມີ 13 ລ້ານຄົນພວມເຂົ້າຮ່ວມປະກັນໄພສັງຄົມແບບບັງຄັບ ແລະ 200.000 ຄົນເຂົ້າຮ່ວມປະກັນໄພສັງຄົມໂດຍສະໝັກໃຈ. ສະນັ້ນ, ພຽງແຕ່ມີ 13.200.000 ຄົນເຂົ້າຮ່ວມເທົ່ານັ້ນ. ໃນຂະນະນັ້ນ, ຮອດປີ 2020, ຄາດວ່າກຳລັງຄົນງານຂອງຫວຽດນາມ ແມ່ນ 60 ລ້ານຄົນ, ຖ້າຫາກວາງຄາດໝາຍ ຈຳນວນຜູ້ເຂົ້າຮ່ວມປະກັນໄພສັງຄົມໃນປີ 2020 ແມ່ນ 50% ໝາຍຄວາມວ່າຕ້ອງມີ 30 ລ້ານຄົນເຂົ້າຮ່ວມ. ຈາກຕົວເລກ 13 ລ້ານຄົນຂຶ້ນເຖິງ 30 ລ້ານຄົນ ແມ່ນໄລຍະຫ່າງໃຫຍ່ທີ່ສຸດ. ທ່ານ ຢ້ວານຈິ໋ເມົ້າ, ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ, ໃຫ້ຮູ້ວ່າ.
“ກ່ຽວກັບປະກັນໄພສັງຄົມແບບບັງຄັບ ສຳລັບພາກສ່ວນທີ່ມີການພົວພັນກັບຄົນງານ ເຊິ່ງໃນກົດໝາຍວ່າດ້ວຍປະກັນໄພສັງຄົມ ປີ 2014 ມີຂໍ້ກຳນົດວ່າ ບັນດາຄົນງານໃດມີສັນຍາອອກແຮງງານໄລຍະແຕ່ 1 ເດືອນຂຶ້ນໄປແມ່ນຕ້ອງເຂົ້າຮ່ວມປະກັນໄພສັງຄົມແບບບັງຄັບ. ປະຈຸບັນ, ກຳລັງຄົນງານຫວຽດນາມ 60% ພວມເຮັດວຽກຢູ່ພາກສ່ວນບໍ່ມີການພົວພັນແຮງງານ. ກົດໝາຍວ່າດ້ວຍປະກັນໄພສັງຄົມປີ 2014 ກໍ່ຊີ້ແຈ້ງວ່າຈະສ້າງບັນດານະໂຍບາຍສົ່ງເສີມຄົນງານເຂົ້າຮ່ວມປະກັນໄພສັງຄົມໂດຍສະໝັກໃຈ”.
ໃນໄລຍະຈະມາເຖິງ, ມີບັນດານະໂຍບາຍສົ່ງເສີມບັນດາຄົນງານໃນພາກສ່ວນປອດໂຄງສ້າງ, ບັນດາຜູ້ບໍ່ມີການພົວພັນແຮງງານສາມາດເຂົ້າຮ່ວມປະກັນໄພສັງຄົມໂດຍສະໝັກໃຈ. ສົ່ງເສີມບັນດາຜູ້ສາມາດຫັນປ່ຽນຈາກປະກັນໄພສັງຄົມແບບບັງຄັບ ແລະ ບໍ່ມີສັນຍາແຮງງານ ໄປສູ່ປະກັນໄພສັງຄົມໂດຍສະໝັກໃຈ. ປະກັນໄພສັງຄົມຫວຽດນາມ ກໍ່ເພີ່ມທະວີວຽກງານໂຄສະນາ, ເຜີຍແຜ່ເພື່ອແກ້ໄຂສະພາບບໍ່ເຂົ້າຮ່ວມປະກັນໄພສັງຄົມ. ທ່ານ ຢ້ວານຈິ໋ເມົ້າ, ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ, ໃຫ້ຮູ້ຕື່ມອີກວ່າ.
“ກົດໝາຍວ່າດ້ວຍປະກັນໄພສັງຄົມ ປີ 2014 ອະນຸຍາດໃຫ້ປະກັນໄພສັງຄົມຫວຽດນາມ ສ້າງຕັ້ງ ແລະ ປະຕິບັດໜ້າທີ່ກວດກາເກັບເງິນປະກັນໄພສັງຄົມ. ປະກັນໄພສັງຄົມຫວຽດນາມ ຈະປະຕິບັດບົດບາດກວດກາ ເກັບເງິນປະກັນໄພສັງຄົມ”.
ສະພາບຕົວຈິງສະແດວງໃຫ້ເຫັນວ່າ, ເລື່ອງເປີດກວ້າງປະກັນໄພສັງຄົມໂດຍສະໝັກໃຈມີເງື່ອນໄຂສະດວກ ນັ້ນແມ່ນຈຳນວນ “ລູກຄ້າທີ່ມີຄວາມສາມາດບົ່ມຊ້ອນ” ຫຼາຍພໍສົມຄວນ (ກວ່າ 40 ລ້ານຄົນ). ນະໂຍບາບດັ່ງກ່າວກໍ່ໄດ້ຮັບການປັບປຸງເທື່ອລະກ້າວ ຕາມທິດ “ເປີດ” ກ່ຽວກັບເປົ້າໝາຍເຂົ້າຮ່ວມ, ວິທີປະກອບ, ລະດັບປະກອບ ກໍຄືລະດັບຊົມໃຊ້… ຫວ່າງແລ້ວນີ້, ລັດຖະບານໄດ້ມີຂໍ້ກຳນົດກ່ຽວກັບລະດັບໜູນຊ່ວຍເງິນປະກອບໃຫ້ຜູ້ເຂົ້າຮ່ວມປະກັນໄພສັງຄົມໂດຍສະໝັກໃຈຈາກ 10% ເຖິງ 30% ໂດຍອີງຕາມແຕ່ລະເປົ້າໝາຍ (ນະໂຍບາຍດັ່ງກ່າວຈະໄດ້ຮັບການປະຕິບັດແຕ່ຕົ້ນປີ 2018).
ເພື່ອໃຫ້ນະໂຍບາຍປະກັນໄພສັງຄົມໂດຍສະໝັກໃຈກ້າວເຂົ້າສູ່ຊີວິດຕົວໃຈຢ່າງແຮງກວ່າ, ຄາດໝາຍກຳລັງຄົນງານ 50% ເຂົ້າຮ່ວມປະກັນໄພສັງຄົມໃນປີ 2020 ບໍ່ແມ່ນໜ້າທີ່ “ບໍ່ສາມາດເປັນໄປໄດ້”. ການສົມທົບກັນໃນການຈັດຕັ້ງປະຕິບັດນະໂຍບາຍຊອງທຸກຂັ້ນ, ທຸກຂະແໜງການຢູ່ທ້ອງຖິ່ນກັບອົງການປະກັນໄພສັງຄົມ ເປັນປະຈຳ, ມີປະສິດທິຜົນ ຈະປະກອບສ່ວນປະຕິບັດສຳເລັດຄາດໝາຍດັ່ງກ່າວ.