(vovworld) - ທ່ານເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ສປປ ລາວ ບຸນຍັງ ວໍລະຈິດ ເລີ່ມຕົ້ນການຢ້ຽມຢາມສັນຖະວະໄມຕີ ຫວຽດນາມຢ່າງເປັນທາງການໃນວັນທີ 25/4. ນີ້ແມ່ນການຢ້ຽມຢາມຕ່າງປະເທດຄັ້ງທຳອິດຂອງທ່ານ ບຸນຍັງ ວໍລະຈິດ ໃນຖານະເປັນເລຂາທິການໃຫຍ່, ປະທານປະເທດ ລາວ, ອາຍຸການ 2016-2020, ປະກອບສ່ວນຢືນຢັນແນວທາງການຕ່າງປະເທດສະເໝີຕົ້ນສະເໝີປາຍຂອງສອງປະເທດ, ພິເສດແມ່ນຖືເປັນສຳຄັນ, ຮັກສາ ແລະ ພັດທະນາການພົວພັນມິດຕະພາບ, ນຳ້ໃຈສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວຢ່າງບໍ່ຢຸດຢັ້ງ.
(ທ່ານເລຂາທິການໃຫຍ່ຄະນະບໍລິຫານງານສູນກາງ
ພັກປະຊາຊົນປະຕິວັດລາວ, ປະທານປະເທດ ສປປ ລາວ ບຸນຍັງ ວໍລະຈິດ)
ປະຈຸບັນ, ເຖິງວ່າສະພາບການໂລກ ແລະ ພາກພື້ນມີການປ່ຽນແປງຫຼາຍຢ່າງ, ສະພາບການພາຍໃນປະເທດຍັງປະສົບກັບຄວາມຫຍຸ້ງຍາກຫຼາຍຢ່າງກໍ່ຕາມ, ແຕ່ການຮ່ວມມື, ຄວາມສາມັກຄີແບບພິເສດ ລາວ - ຫວຽດນາມ ຍັງຄົງຮັກສາໄວ້, ສືບຕໍ່ໄດ້ຮັບການພັດທະນາຢ່າງເລິກເຊິ່ງ ແລະ ກວ້າງຂວາງ.
ການພົວພັນຫວຽດນາມ-ລາວໄດ້ຮັບການຍູ້ແຮງຢ່າງບໍ່ຢຸດຢັ້ງ, ນັບມື້ນັບສະໜິດຕິດພັນ ແລະ ໄວ້ເນື້ອເຊື່ອໃຈ
ໃນໄລຍະຜ່ານມາ, ສອງປະເທດໄດ້ຈັດຕັ້ງການຢ້ຽມຢາມ, ການພົບປະຕ່າງໆລະຫວ່າງການນຳຂັ້ນສູງສອງພັກ, ສອງລັດ; ແລກປ່ຽນບົດຮຽນລະຫວ່າງບັນດາຄະນະ, ກະຊວງ, ຂະແໜງການ ແລະ ທ້ອງຖີ່ນຕ່າງໆ.
ການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ ແລະ ການຕ່າງປະເທດນັບມື້ນັບສະໜິດຕິດພັນຢ່າງແໜ້ນແຟ້ນ, ສອງຝ່າຍໄດ້ສົມທົບກັນປະຕິບັດບັນດາອານຸສັນຍາລະຫວ່າງກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບຂອງສອງປະເທດກໍ່ຄືສັນຍາກ່ຽວກັບຂໍ້ກຳນົດຄຸ້ມຄອງຊາຍແດນ. ສອງຝ່າຍໄດ້ສຳເລັດໂຄງການປັກຫຼັກໝາຍຖີ່ ແລະບູລະນະລະບົບຫຼັກໝາຍຊາຍແດນ ຫວຽດນາມ - ລາວ, ສອງຝ່າຍໄດ້ລົງນາມໃນເອກະສານນິຕິກຳທີ່ສຳຄັນແມ່ນ “ອະນຸສັນຍາກ່ຽວກັບເສັ້ນຊາຍແດນທາງບົກລະຫວ່າງລັດຖະບານຫວຽດນາມ ແລະ ລັດຖະບານ ລາວ“. ເລື່ອງສຳເລັດລະບົບຫຼັກໝາຍຊາຍແດນ ໄດ້ປະກອບສ່ວນສຳເລັດເສັ້ນຊາຍແດນ ຫວຽດນາມ - ລາວຢ່າງມີຄຸນນະພາບ, ນັບທັງດ້ານນິຕິກຳ ແລະ ພຶດຕິກຳຕົວຈິງ. ສອງຝ່າຍສືບຕໍ່ສົມທົບກັນຊອກຫາ, ສົ່ງອັດຖິນັກຮົບອາສາສະໝັກ ແລະ ນັກຊ່ຽວຊານ ຫວຽດນາມທີ່ເສຍສະຫຼະຊີວິດຢູ່ລາວກັບເມືອປະເທດ.
(ທ່ານນາງ ສູນທອນ ໄຊຍະຈັກ,
ຫົວໜ້າຄະນະພົວພັນຕ່າງປະເທດສູນກາງພັກ ປະຊາຊົນ ປະຕິວັດລາວ)
ໃນຂົງເຂດຮ່ວມມືທາງດ້ານເສດຖະກິດ, ການຄ້າ ແລະ ການລົງທຶນ, ຫວຽດນາມ ແລະ ລາວໄດ້ເປັນເຈົ້າການ, ຕັ້ງໜ້າຜັນຂະຫຍາຍສັນຍາຮ່ວມມືລະຫວ່າງລັດຖະບານສອງປະເທດຢ່າງມີປະສິດທິຜົນ; ສອງຝ່າຍໄດ້ລົງນາມໃນສັນຍາການຄ້າສອງຝ່າຍສະບັບໃໝ່, ສັນຍາການຄ້າຊາຍແດນ, ຜັນຂະຫຍາຍກົນໄກ “ປະຕູດຽວ, ຢຸດເທື່ອດຽວ“ ຢູ່ຄູ່ດ່ານຊາຍແດນສາກົນ ລາວບາວ - ແດນສະຫວັນ. ການລົງທຶນຂອງວິສາຫະກິດຫວຽດນາມຢູ່ ລາວມີການເຕີບໂຕຫຼາຍຢ່າງ. ປະຈຸບັນ ຫວຽດນາມ ນຳໜ້າໃນບັນຊີລາຍຊື່ບັນດາປະເທດລົງທຶນເຂົ້າລາວ, ດ້ວຍ 15 ໂຄງການລົງທຶນໃນຂົງເຂດເຂື່ອນໄຟຟ້າຢູ່ລາວ ດ້ວຍກຳລັງຕິດຕັ້ງທັງໝົດແມ່ນ 3.000 KW, ແລະຍອດຈຳນວນທຶນປະມານ 1,4 ຕື້ USD, 57 ໂຄງການກ່ຽວກັບຊັບພະຍາກອນໂລຫະ, 18 ໂຄງການປູກຕົ້ນຢາງພາລາ ແລະ ຕົ້ນໄມ້ອຸດສາຫະກຳຢູ່ລາວ. ການຮ່ວມມືທາງດ້ານການເມືອງມີຄວາມແໜ້ນແຟ້ນນັ້ນ, ແມ່ນພື້ນຖານໃຫ້ແກ່ການພັດທະນາການຮ່ວມມືຂອງບັນດາຂະແໜງການອື່ນໆ, ພິເສດແມ່ນຂົງເຂດບຳລຸງສ້າງ. ທ່ານນາງ ສູນທອນ ໄຊຍະຈັກ, ກຳມະການສູນກາງພັກ ປະຊາຊົນ ປະຕິວັດລາວ, ຫົວໜ້າຄະນະພົວພັນຕ່າງປະເທດສູນກາງພັກ ປະຊາຊົນ ປະຕິວັດລາວ, ໃຫ້ຮູ້ວ່າ
(ທ່ານນາງ ສູນທອນ ໄຊຍະຈັກ)
ປັບປຸງຄວາມສາມັກຄີແບບພິເສດຫວຽດນາມ - ລາວໃນສະພາບການໃໝ່ຢ່າງບໍ່ຢຸດຢັ້ງ
ການຢ້ຽມຢາມສັນຖະວະໄມຕີຫວຽດນາມຢ່າງເປັນທາງການຂອງຜູ້ນຳພັກ, ລັດ ສປປ ລາວດຳເນີນໄປໃນສະພາບທີ່ຫວຽດນາມ - ລາວຫາກໍ່ຈັດຕັ້ງກອງປະຊຸມໃຫຍ່ພັກກອມມູນິດ ຫວຽດນາມຄັ້ງທີ 12 ແລະ ກອງປະຊຸມໃຫຍ່ພັກປະຊາຊົນ ປະຕິວັດລາວຄັ້ງທີ 10 ສຳເລັດຜົນ. ພິເສດ, ປະຊາຊົນລາວບັນດາເຜົ່າຫາກໍ່ຈັດຕັ້ງການເລືອກຕັ້ງສະມາຊິກສະພາແຫ່ງຊາດຊຸດທີ 8 ແລະ ສະມາຊິກສະພາປະຊາຊົນຂັ້ນແຂວງ, ນະຄອນສຳເລັດ. ວັນທີ 20/4 ຜ່ານມາ, ທີ່ກອງປະຊຸມຄັ້ງປະຖົມມະເລິີກ, ຂອງສະພາແຫ່ງຊາດ ລາວຊຸດທີ 8, ທ່ານ ບຸນຍັງວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກ ປະຊາຊົນ ປະຕິວັດລາວ ໄດ້ຮັບເລືອກຕັ້ງເປັນປະທານປະເທດ ສປປ ລາວ. ທ່ານນາງ ສູນທອນ ໄຊຍະຈັກ, ກຳມະການສູນກາງພັກ ປະຊາຊົນ ປະຕິວັດລາວ, ຫົວໜ້າຄະນະພົວພັນຕ່າງປະເທດສູນກາງພັກ ປະຊາຊົນ ປະຕິວັດລາວ, ໄດ້ເວົ້າກ່ຽວກັບຄວາມໝາຍການຢ້ຽມຢາມນີ້ວ່າ:
(ທ່ານນາງ ສູນທອນ ໄຊຍະຈັກ)
ໃນການຢ້ຽມຢາມສັນຖະວະໄມຕີ ຫວຽດນາມຢ່າງເປັນທາງການຄັ້ງນີ້, ທ່ານ ບຸນຍັງວໍລະຈິດ, ເລຂາທິການໃຫຍ່, ປະທານປະເທດລາວ ແລະ ບັນດາການນຳ ຫວຽດນາມ ສືບຕໍ່ແລກປ່ຽນ, ຢືນຢັນເຈດຕະນາດີ ແລະ ຄວາມມຸ້ງມາດປາຖະໜາຂອງທັງສອງຝ່າຍ ແມ່ນສືບຕໍ່ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີແບບພິເສດ ລາວ - ຫວຽດນາມທີ່ມີມູນເຊື້ອມາແຕ່ດົນນານ. ການຢ້ຽມຢາມ, ອີກເທື່ອໜຶ່ງໄດ້ເປັນພະຍານຫຼັກຖານແຫ່ງການພົວພັນທີ່ຫາຍາກນີ້, ກຳລັງ ແລະ ຈະໄດ້ຮັບການຍົກຂຶ້ນສູ່ລະດັບສູງໃໝ່.