(VOVWORLD) -ພິທີມອບລາງວັນວິຊາສະເພາະຂອງ ສະຫະພັນ ກະຈາຍສຽງ, ໂທລະພາບ ອາຊີ - ປາຊີຟິກ (ABU) ປີ 2022 ໄດ້ດຳເນີນຢູ່ນະຄອນຫຼວງ New Delhi , ອິນເດຍ.
ຜູ້ຂຽນ ທິອວຽນ ກ່າວຄຳເຫັນພາຍຫຼັງໄດ້ຮັບລາງວັນດີເດັ່ນ(Winner) ໃຫ້ແກ່ຜົນງານ ຮ່ອມນ້ອຍ
ລາງວັນ ABU ແມ່ນລາງວັນວິຊາສະເພາະກະຈາຍສຽງ - ໂທລະພາບ ສາກົນທີ່ມີອິດທິພົນຊື່ສຽງ ໂດຍສະມາຄົມ ກະຈາຍສຽງ, ໂທລະພາບ ອາຊີ - ປາຊີຟິກ (ABU) ຈັດຂຶ້ນທຸກປີ. ລາງວັນ ABU ຍ້ອງຍໍຊົມເຊີຍບັນດາຜົນງານກະຈາຍສຽງ ແລະ ໂທລະພາບດີເດັ່ນຂອງບັນດາສະຖານນີວິທະຍຸກະຈາຍສຽງສະມາຊິກ ABU ໄດ້ສົ່ງເຂົ້າຮ່ວມການເສັງຢູ່ 7 ປະເພດ ຂຶ້ນກັບບັນດາລາຍການກະຈາຍສຽງ, 7 ປະເພດຂຶ້ນກັບລາຍການໂທລະພາບ ແລະ ລາຍການ Media.
ປີນີ້, ສະຖານີວິທະຍຸກະຈາຍສຽງ ຫວຽດນາມ ໄດ້ສ້າງຂີດໝາຍພົ້ນເດັ່ນໃນລາງວັນ ABU ດ້ວຍ 3 ລາງວັນ, ໃນນັ້ນ, ເປັນຄັ້ງທຳອິດຄ້ວາໄດ້ 2 ລາງວັນດີເດັ່ນ (Winner)ຢູ່ລາຍການສະຖານະການ ກະຈາຍສຽງ ແລະ Media.
ນັກຂ່າວ ຮ່ວາງເອິນ ສຳພາດ ລຸ້ງ ຫງວຽນດຶກຝຸກ, ຜົນງານ: ພໍ່ຝຸກ ຂອງຜູ້ຂຽນ ຮ່ວາງເງັນເອິນ, ເຈິ່ນຮຶວຮືງ - ຄະນະສະຖານະການ (VOV1) ຄ້ວາໄດ້ລາງວັນດີເດັ່ນ (Winner), ລາຍການກະຈາຍສຽງ, ປະເພດສາລະຄະດີສະຖານະການ.
ຜົນງານ ຮ່ອມນ້ອຍ ຂອງຜູ້ຂຽນ ຫງວຽນທິອຽນ, ໜັງສືພິມສື່ເອເລັກໂຕນິກ VOV ຄ້ວາໄດ້ລາງວັນດີເດັ່ນ(Winner) ລາຍການ Media
ສະພາບການ ຮ່ອມນ້ອຍ ຢູ່ນະຄອນໂຮ່ຈີມິນ
|
“ບໍ່ຍອມລົ້ມເຫຼວ” - ຜົນງານຂອງຜູ້ຂຽນ ຫງວຽນຊີຮ່ວາ ແລະ ກຸ່ມນັກຂ່າວ, ຄະນະຊົນເຜົ່າ (VOV4) ຄ້ວາໄດ້ລາງວັນສົ່ງເສີມ (Special Commendation), ລາຍການກະຈາຍສຽງ, ປະເພດລາງວັນທັດສະນະກ່ຽວກັບຫົວຂໍ້ປີ 2022 “Resilience”
ກຸ່ມຜູ້ຂຽນ ແລະ ຕົວລະຄົນຂອງຜົນງານ ບໍ່ຍອມລົ້ມ
|
ຕີລາຄາກ່ຽວກັບຜົນງານຄ້ວາໄດ້ລາງວັນຂອງສະຖານີວິທະຍຸກະຈາຍສຽງ ຫວຽດນາມ, ທ່ານນາງ Olya Booyar ຫົວໜ້າກຸ່ມກະຈາຍສຽງ, ຄະນະເນື້ອໃນ ABU ໃຫ້ຮູ້ວ່າ: ຜົນງານຄ້ວາໄດ້ລາງວັນສ້າງຄວາມປະທັບໃຈທີ່ສຸດຕໍ່ຂ້າພະເຈົ້າ, ບໍ່ພຽງແຕ່ຍ້ອນວ່າຂ້າພະເຈົ້າແມ່ນກຳມະກອນເທົ່ານັ້ນ. ຂ້າພະເຈົ້າດີໃຈຫຼາຍເມື່ອໄດ້ຮັບຟັງຜົນງານທີ່ເວົ້າເຖິງການອະນຸລັກຮັກສາທຳມະຊາດ, ພັນລະນານັກວິລະຊົນໃນຊີວິດປະຈຳວັນ. ຜົນງານນີ້ກໍ່ໄດ້ຮັບການສ້າງຕັ້ງຢ່າງພິຖິພິຖັນ.
ຜູ້ຂຽນ ຮ່ວາງເອິນໄດ້ຮັບລາງວັນດີເດັ່ນ, ລາຍການກະຈາຍສຽງ, ປະເພດສາລະຄະດີສະຖານະການໃຫ້ແກ່ຜົນງານ ພໍ່ຝຸກ
ການມີໜ້າຂອງບັນດາຜູ້ຂຽນຂຶ້ນກັບສະຖານີວິທະຍຸກະຈາຍສຽງ ຫວຽດນາມ ຢູ່ພິທີມອບລາງວັນ ABU ປີ 2022 ສະແດງໃຫ້ເຫັນການເຂົ້າຮ່ວມທີ່ເປັນເຈົ້າການ, ມີຄຸນນະພາບຂອງ ສະຖານີວິທະຍຸກະຈາຍສຽງ ຫວຽດນາມຕໍ່ ABU ດ້ວຍການເຂົ້າຮ່ວມທຸກລາຍການຂອງ ABU.
ທ່ານເລຂາທິການໃຫຍ່ ABU Javad Mottagi ເວົ້າວ່າ: “ສະຖານີວິທະຍຸກະຈາຍສຽງ ຫວຽດນາມ ໄດ້ ຕັ້ງໜ້າ ເຂົ້າຮ່ວມບັນດາການເຄື່ອນໄຫວຂອງ ABU ໃນຊຸມປີຜ່ານມາ. ພວກຂ້າພະເຈົ້າຮູ້ສຶກເອກອ້າງທະນົງໃຈທີ່ສຸດຍ້ອນໄດ້ຮ່ວມມື ແລະ ແມ່ນຄູ່ຮ່ວມມືຂອງສະຖານີວິທະຍຸກະຈາຍສຽງ ຫວຽດນາມ. ມີຫຼາຍສະຖານີວິທະຍຸ ສະມາຊິກ ABU ບໍ່ພຽງແຕ່ ສະຖານີວິທະຍຸກະຈາຍສຽງ ຫວຽດນາມ ຕ້ອງປະສົບກັບບັນດາສິ່ງທ້າທາຍ ໃນຂະບວນການເຄື່ອນໄຫວແຕ່ວິທີການເພື່ອໃຫ້ພວກເຮົາກ້າວຂຶ້ນແມ່ນຕ້ອງຮ່ວມມືກັນ. ແຕ່ພວກຂ້າພະເຈົ້າຕີລາຄາການຮ່ວມມື, ໂອ້ລົມສົນທະນາ, ແບ່ງປັນ ກ່ຽວກັບບັນດາສິ່ງທ້າທາຍ ແລະ ວິທີການຫັນສິ່ງທ້າທາຍກາຍເປັນກາລະໂອກາດ”.