ເກາະແຫ່ງຕ່າງໆທີ່ແຂກທ່ອງທ່ຽວບໍ່ຄວນພາດໂອກາດແວ່ຢາມໃນລະດູຮ້ອນປີ 2024
(VOVWORLD) - ຫວຽດນາມ ມີເກາະສວຍງາມຫຼາຍແຫ່ງ ເຊິ່ງບໍ່ວ່າແຂກທ່ອງທ່ຽວຜູ້ໃດກໍຢາກໄປຢາມ.
ເກາະໂກໂຕ
ໂກໂຕແມ່ນເກາະທີ່ສວຍງາມຂອງແຂວງ ກວ໋າງນິງ. ຢູ່ ໂກໂຕ, ທ່ານຈະໄດ້ພົວພັນກັບບັນດາຫາດຊາຍທະເລທີ່ສວຍງາມ, ນ້ຳທະເລສີຟ້າໃສ ພ້ອມທັງໄດ້ສູບເອົາອາກາດອັນປອດໂປ່ງ, ເຢັນສະບາຍອີກດ້ວຍ
ພາບ: ເຈິ່ນນາມ
ເມື່ອມາຢາມ ໂກໂຕ, ແຂກທ່ອງທ່ຽວຈະໄດ້ຄົ້ນຫາທັດສະນີຍະພາບແຫ່ງຕ່າງໆ, ເຊັ່ນ: ປະພາຄານ, ວັດ ຈຸກເລິມ, ເຂດອະນຸສອນສະຖານປະທານ ໂຮ່ຈີມິນ.
|
ຂຶ້ນຈອມປະພາຄານ ທີ່ມີຄວາມສູງ 102 ແມັດ, ທ່ານສາມາດຮັບຊົມທົ່ວເຂດ ໂກໂຕ ໄດ້
|
ພາຍຫຼັງທີ່ມີຕາໜ່າງໄຟຟ້າແຫ່ງຊາດ ເມື່ອປີ 2013, ເກາະ ໂກໂຕ ນັບມື້ນັບພັດທະນາ ດ້ວຍບັນດາກິດຈະກຳປະດັບປະດາຕົວເມືອງ, ຖະໜົນຍ່າງທີ່ເປັນເອກະລັກ, ການບໍລິການອາຫານການກິນກໍນັບມື້ນັບຫຼາກຫຼາຍຂຶ້ນ ເພື່ອຮັບໃຊ້ແຂກທ່ອງທ່ຽວ.
ເກາະ ຫຼີເຊີນ
ຫຼີເຊີນ ແມ່ນເມືອງເກາະຂຶ້ນກັບແຂວງ ກວ໋າງງາຍ ມີຊື່ສຽງຍ້ອນທຳມະຊາດທີ່ຮົກເຮື້ອ ແລະ ມີຈຸດວັດທະນະທຳທີ່ເປັນເອກະລັກ.
|
ດ້ວຍບັນດາຫາດຊາຍທະເລຂາວທີ່ດຶງດູດໃຈ, ນ້ຳທະເລສີຟ້າໃສດັ່ງແກ້ວມະນີ, ຫຼີເຊີນ ເປັນສະຖານທີ່ຕາກອາກາດອັນສຸດຍອດສຳລັບຜູ້ມັກຮັກທະເລ
ປາກພູເຂົາໄຟເກົ່າ ໃນເກາະຫຼີເຊີນ ກໍເປັນສະຖານທີ່ແຫ່ງໜຶ່ງທີ່ດຶງດູດແຂກທ່ອງທ່ຽວ
ກູ່ລາວຈ່າມ
ກູ່ລາວຈ່າມ ແມ່ນເກາະທີ່ມີຊື່ສຽງໃນບໍລິເວນນະຄອນ ໂຮ້ຍອານ, ແຂວງ ກວ໋າງນາມ. ວັນທີ 26 ພຶດສະພາ 2009, ກູ່ລາວຈ່າມ ໄດ້ຮັບການຮັບຮອງຈາກອົງການ UNESCO ວ່າ ເປັນເຂດຊີວະນາໆພັນລະດັບໂລກ.
ພາບ: quangnam.gov.vn
ແຂກທ່ອງທ່ຽວ ມາ ກູ່ລາວຈ່າມ ຈະໄດ້ເຂົ້າຮ່ວມບັນດາກິດຈະກຳຄື: ອາບນ້ຳທະເລ, ດຳນ້ຳຊົມປະກາລັງຢູ່ ແອວຢໍ໊, ບ໊າຍເຊັບ, ບ໊າຍອອງ ຫຼື ຢ້ຽມຊົມນ້ຳສ້າງເກົ່າແກ່ທີ່ມີອາຍຸ 200 ປີ ຂອງຊາວເຜົ່າຈຳ ແລະ ຢ້ຽມຢາມວັດ ຫາຍຕ້າງ.
ເກາະ ນາມຢູ
ເກາະນາມຢູ ຢູ່ກາງຕາແສງ ອານເຊີນ ແລະ ນາມຢູ, ເມືອງ ກຽນຫາຍ, ແຂວງ ກຽນຢາງ
ນ້ຳທະເລຢູ່ເກາະ ນາມຢູ ໃສ ຈົນວ່າ ເຮົາສາມາດຊົມປາກະລັງ ແລະ ປາຝຸງຕ່າງໆທີ່ພວມພາກັນລອຍຫຼີ້ນ
|
|
ພາບ: TTXVN
|
ເກາະ ດຽບເຊີນ
ເມື່ອມາຢາມເກາະ ດຽບເຊີນ, ແຂກທ່ອງທ່ຽວສາມາດຍ່າງຈາກເກາະນີ້ ໄປສູ່ເກາະອື່ນ ຫຼື ເລາະຄົ້ນຫາທັດສະນີຍະພາບຢູ່ໃນເກາະ
|
|
ເກາະດຽບເຊີນແມ່ນໜຶ່ງໃນບັນດາສະຖານທີ່ check-in ທີ່ໄດ້ຮັບຄວາມນິຍົມຊົມຊອບຈາກໄວໜຸ່ມ
ພາບ: laodong.vn