(ພາບປະກອບຈາກ AFP)
|
(vovworld) – ວັນທີ 28/3, ກອງທຶນເງິນຕາສາກົນ (IMF) ໄດ້ຮັບຮອງເອົາບ້ວງເງິນໜູນຊ່ວຍທີ່ມີມູນຄ່າ 6,64 ຕື້ USD ສຳລັບ ປາກິດສະຖານ ໃນເວລາ 3 ປີຈະມາເຖິງ ເພື່ອແນໃສ່ໜູນຊ່ວຍໂຄງການປະຕິຮູບ ແລະ ເຕີບໂຕເສດຖະກິດຂອງປະເທດນີ້. ການກະທຳດັ່ງກ່າວຂອງ IMF ຈະສ້າງເງື່ອນໄຂເພື່ອປ່ອຍບ້ວງເງິນທຳອິດທີ່ມີມູນຄ່າປະມານ 544,5 ລ້ານ USD, ໃນຂະນະນັ້ນ, ຈຳນວນເງິນຍັງເຫຼືອຈະຖືກປ່ອຍບົນພື້ນຖານປະຕິບັດສຳເລັດບົດລາຍງານປະຈຳໄຕມາດກ່ຽວກັບໂຄງການປະຕິຮູບເສດຖະກິດຂອງປາກິດສະຖານ: IMF ໄດ້ຮັບຮອງເອົາໂຄງການປະຕິຮູບເສດຖະກິດຂອງລັດຖະບານປາກິດສະຖານ ແລະ ຫວັງວ່າໂຄງການນີ້ຈະຊ່ວຍໃຫ້ Islamabad ຟື້ນຟູເສດຖະກິດ, ສະກັດກັ້ນວິກິດການດຸ່ນຊຳລະ, ຫລຸດຜ່ອນການຂາດດຸນການເງິນ, ຊຸກຍູ້ການລົງທຶນ ແລະ ການເຕີບໂຕ. IMF ຕີລາຄາວ່າ: ເຖິງວ່າຕ້ອງປະເຊີນໜ້າກັບບັນດາການທ້າທາຍກໍ່ຕາມ, ແຕ່ປາກິດສະຖານ ແມ່ນປະເທດມີຄວາມສາມາດບົ່ມຊ້ອນຢ່າງອຸດົມສົມບຸນ, ພ້ອມທັງເນັ້ນໜັກວ່າ: ເລື່ອງອຳນາດການປົກຄອງ Islamabad ເຄົາລົບໂຄງການປະຕິຮູບຈະຊ່ວຍປະເທດນີ້ລະດົມບັນດາແຫຼ່ງອຸປະຖຳອື່ນໆໄດ້.