ກອງປະຊຸມສຳມະນາຕີລາຄາກົດໝາຍວ່າດ້ວຍການປົກປ້ອງ,ເບິ່ງແຍງດູແລແລະສຶກສາເດັກນ້ອຍ
(ພາບປະກອບຈາກ Mạnh Linh/TTXVN)
(vovworld) – ຕອນເຊົ້າວັນທີ 10/12, ຢູ່ ຮ່າໂນ້ຍ, ກະຊວງແຮງງານ ທະຫານເສຍອົງຄະ ແລະ ສັງຄົມສົມທົບກັບກອງທຶນເຍົາວະຊົນ ສະຫະປະຊາຊາດ ຈັດຕັ້ງກອງປະຊຸມສຳມະນາຕີລາຄາກົດໝາຍວ່າດ້ວຍການປົກປ້ອງເດັກ, ເບິ່ງແຍງດູແລ ແລະ ສຶກສາເດັກນ້ອຍປີ 2004. ກົດໝາຍວ່າດ້ວຍການປົກປ້ອງເດັກ, ເບິ່ງແຍງດູແລ ແລະ ສຶກສາເດັກນ້ອຍໄດ້ຮັບຮອງເອົາເປັນຄັ້ງທຳອິດໃນປີ 1991 ຈາກສະພາແຫ່ງຊາດ ປະເທດ ສສ ຫວຽດນາມ ແລະ ໄດ້ຮັບການປັບປຸງ, ເພີ່ມເຕີມໃນປີ 2004. ກົດໝາຍສະບັບນີ້ໄດ້ສ້າງພື້ນຖານດ້ານນິຕິກຳໃຫ້ແກ່ການປົກປ້ອງ, ເບິ່ງແຍງດູແລ ແລະ ສຶກສາເດັກ, ຮັບປະກັນການປະຕິບັດສິດຂອງເດັກ, ຍົກສູງຊີວິດທາງດ້ານວັດຖຸ, ຈິດໃຈໃຫ້ແກ່ເດັກ, ປະກອບສ່ວນສຶກສາຊາວ ຫວຽດນາມ ໃຫ້ພັດທະນາຢ່າງຮອບດ້ານ.
ທີ່ກອງປະຊຸມສຳມະນາ, ບັນດາຜູ້ແທນໄດ້ປຶກສາຫາລື ບັນດາບັນຫາຄວນສະເໜີ, ປັບປຸງ, ເພີ່ມເຕີມ ເພື່ອແນໃສ່ເຮັດໃຫ້ກົດໝາຍວ່າດ້ວຍການປົກປ້ອງ, ເບິ່ງແຍງດູແລ ແລະ ສຶກສາເດັກນ້ອຍສົມບູນແບບ, ເໝາະສົມກັບເງື່ອນໄຂພັດທະນາເສດຖະກິດໃນສະພາບການໃໝ່.