(VOVWORLD) - ກອງປະຊຸມໄດ້ໄຈ້ແຍກ, ເຮັດແຈ້ງການສົມທົບກັນຂອງບັນດາບັ້ນຮົບໃນທົ່ວປະເທດກັບ ດຽນບຽນຝູ; ບັນດາກຳລັງປະກອບອາວຸດ ແລະ ປະຊາຊົນ ເຂດໄຕບັກເວົ້າສະເພາະ, ທົ່ວປະເທດເວົ້າລວມ, ບົດບາດ, ການປະກອບສ່ວນຂອງແນວຫຼັງ.
 ກອງປະຊຸມສຳມະນາ ວິທະຍາສາດ ລະດັບຊາດ “ໄຊຊະນະດ້ຽນບຽນຝູ ດ້ວຍພາລະກິດແຫ່ງການສ້າງສາ ແລະ ປົກປັກຮັກສາປະເທດ ສັງຄົມນິຍົມ ຫວຽດນາມ” (ພາບ: VOV) |
ຕອນເຊົ້າວັນທີ 11 ເມສາ, ຢູ່ແຂວງ ດຽນບຽນ, ໄດ້ດຳເນີນກອງປະຊຸມສຳມະນາ ວິທະຍາສາດ ລະດັບຊາດ “ໄຊຊະນະດ້ຽນບຽນຝູ ດ້ວຍພາລະກິດແຫ່ງການສ້າງສາ ແລະ ປົກປັກຮັກສາປະເທດ ສັງຄົມນິຍົມ ຫວຽດນາມ”. ກອງປະຊຸມສຳມະນາໂດຍກະຊວງປ້ອງກັນປະເທດ ເປັນປະທານ, ສົມທົບກັບຄະນະໂຄສະນາສຶກສາສູນກາງ, ກະຊວງຕຳຫຼວດ, ສະຖາບັນການເມືອງແຫ່ງຊາດ ໂຮ່ຈີມິນ ແລະ ແຂວງ ດຽນບຽນຈັດຂຶ້ນ.
ກອງປະຊຸມໄດ້ໄຈ້ແຍກ, ເຮັດແຈ້ງການສົມທົບກັນຂອງບັນດາບັ້ນຮົບໃນທົ່ວປະເທດກັບ ດຽນບຽນຝູ; ບັນດາກຳລັງປະກອບອາວຸດ ແລະ ປະຊາຊົນ ເຂດໄຕບັກເວົ້າສະເພາະ, ທົ່ວປະເທດເວົ້າລວມ, ບົດບາດ, ການປະກອບສ່ວນຂອງແນວຫຼັງ, ຖານທີ່ໝັ້ນປະຕິວັດ ແລະ ຈິດໃຈສະໜັບສະໜູນ, ຊ່ວຍເຫຼືອຂອງເພື່ອນມິດສາກົນ. ກອງປະຊຸມສຳມະນາກໍ່ຢັ້ງຢືນແຜນນະໂຍບາຍຍຸດທະສາດທີ່ຖືກຕ້ອງ, ສະຫຼາດສ່ອງໄສຂອງສູນກາງພັກ, ນຳໜ້າແມ່ນປະທານໂຮ່ຈີມິນ ໃນການຊີ້ນຳນຳພາ ທົ່ວປວງຊົນຕໍ່ສູ້ກູ້ຊາດ.