ການຮ່ວມມືດ້ານການຄ້າ ເອເລັກໂຕນິກຫວຽດນາມ - ຍີ່ປຸ່ນ
ກອງປະຊຸມສຳມະນາຮ່ວມມືດ້ານການຄ້າເອເລັກໂຕນິກຫວຽດນາມ - ຍີ່ປຸ່ນ
(ພາບ: vecom.vn)
(vovworld) – ວັນທີ 29 ຕຸລາ, ຢູ່ຮ່າໂນ້ຍ, ກົມການຄ້າເອເລັກໂຕນິກ ແລະ ເຕັກໂນໂລຊີຂ້ໍມູນຂ່າວສານ (ກະຊວງອຸດສາຫະກຳການຄ້າ) ສົມທົບກັບກົມນະໂຍບາຍການຄ້າ ແລະ ຖະແຫຼງຂ່າວ ສັງກັດກະຊວງເສດຖະກິດ, ການຄ້າ ແລະ ອຸດສາຫະກຳຍີ່ປຸ່ນ ໄດ້ສົມທົບກັນຈັດຕັ້ງກອງປະຊຸມສຳມະນາຮ່ວມມືດ້ານການຄ້າເອເລັກໂຕນິກຫວຽດນາມ - ຍີ່ປຸ່ນ. ທີ່ກອງປະຊຸມສຳມະນາ, ທ່ານຮອງລັດຖະມົນຕີກະຊວງອຸດສາຫະກຳການຄ້າຫວຽດນາມ ເຈີນຕ໋ວນແອງ ເນັ້ນໜັກວ່າ ຍີ່ປຸ່ນ ແມ່ນຄູ່ຮ່ວມມືທີ່ສຳຄັນຂອງຫວຽດນາມ ໃນທຸກຂົງເຂດ. ພິເສດ, ໃນວິວັດການສ້າງກອບນະໂຍບາຍ ແລະ ລະບຽບກົດໝາຍດ້ານການຄ້າ, ພື້ນຖານໂຄງລ່າງເອເລັກໂຕນິກ ຫຼື ການເຈລະຈານະໂຍບາຍກ່ຽວກັບການຄ້າເອເລັກໂຕນິກຫວຽດນາມ - ຍີ່ປຸ່ນ ໄດ້ຊ່ວຍໃຫ້ບັນດານັກຄຸ້ມຄອງ, ນັກຄົ້ນຄວ້າ ແລະ ອົງການກ່ຽວຂ້ອງມີເງື່ອນໄຂສຳພັດກັບສະພາບຕົວຈິງການຄ້າເອເລັກໂຕນິກຂອງຍີ່ປຸ່ນ ກໍ່ຄືຂອງໂລກ.