ທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນ ສູນກາງພັກກອມມູນິດ ຫວຽດນາມ ໄດ້ໄປຢ້ຽມຢາມ, ອວຍພອນສຳນັກສັງຄະລາດ, ເຂດຊາວຄຼິດນະຄອນ ໂຮ່ຈີມິນ (ພາບ:TTXVN)

ເນື່ອງໃນໂອກາດວັນບຸນ ຄຼິດສະມາດ ປີ 2020 ແລະ ປີໃໝ່ສາກົນ 2021, ຕອນເຊົ້າວັນທີ 23 ທັນວາ, ທ່ານນາງ ເຈືອງທິມາຍ, ຫົວໜ້າຄະນະຂົນຂວາຍປະຊາຊົນ ສູນກາງພັກກອມມູນິດ ຫວຽດນາມ ໄດ້ໄປຢ້ຽມຢາມ, ອວຍພອນສຳນັກສັງຄະລາດ, ເຂດຊາວຄຼິດນະຄອນ ໂຮ່ຈີມິນ. ທ່ານນາງ ເຈືອງທິມາຍ ໄດ້ສົ່ງຄຳອວຍພອນມາຍັງຜູ້ມີຍົກສັກຕຳແໜ່ງ, ພໍ່ແມ່ຊາວຄຼິດ ວັນບຸນຄຼິດສະມາດ ປີ 2020 ຈົ່ງມີແດ່ສຸຂະພາບເຂັ້ມແຂງ ແລະ ສັນຕິສຸກ; ພ້ອມທັງສະແດງຄວາມຂອບອົກຂອບໃຈຕໍ່ຄວາມສາມັກຄີ, ການປະກອບສ່ວນຢ່າງຕັ້ງໜ້າຂອງພໍ່ແມ່ຊາວພີ່ນ້ອງຜູ້ຖືສາສະໜາກາໂຕລິກ, ຜູ້ຖືສາສະໜາໂປຼແຕັດຕັງ ເຂົ້າໃນຜົນງານລວມຂອງປະເທດຊາດໃນປີຜ່ານມາ.

        ໃນຕອນເຊົ້າຂອງວັນດຽວກັນ, ການນຳນະຄອນ ເກີ່ນເທີ ພ້ອມດ້ວຍຜູ້ຕາງໜ້າບັນດາພະແນກ, ຂະແໜງການຂອງນະຄອນ ແລະ ເມືອງ ນິງກ່ຽວ ກໍໄດ້ໄປຢ້ຽມຢາມ, ອວຍພອນວັນບຸນຄຼິດສະມາດປີ 2020 ຢູ່ບັນດາສະຖານທີ່ເຄື່ອນໄຫວຂອງສາສະໜາກາໂຕລິກ ແລະ ໂປຼແຕັດຕັງ ໃນບໍລິເວນເມືອງ ນິງກ່ຽວ, ນະຄອນ ເກີ່ນເທີ ເຊັ່ນດຽວກັນ.