ການເຈລະຈາຮອບທີ່ 1 ຫວຽດນາມ-ຈີນ ກ່ຽວກັບ ເຂດທະເລນອກປາກອ່າວພາກເໜືອ
ໝູ່ເກາະຮ່ວາງຊາຂອງຫວຽດນາມນອນຢູ່
ເຂດທະເລນອກປາກອ່າວພາກເໜືອ
|
Vovworld- ແຕ່ວັນທີ 21 ຫາ 22/5 ປີ 2012, ຢູ່ຮ່າໂນ້ຍ, ໄດ້ດຳເນີນການເຈລະຈາຮອບທີ່ 1 ຂັ້ນນັກວິຊາການ ຫວຽດນາມ-ຈີນ ກ່ຽວກັບ ເຂດທະເລນອກປາກອ່າວພາກເໜືອ. ທີ່ການເຈລະຈາ, ແຕ່ລະຝ່າຍໄດ້ສະເໜີທັດສະນະຂອງຕົນຢ່າງຈະແຈ້ງກ່ຽວກັບບັນດາບັນຫາທີ່ກ່ຽວຂ້ອງເຖິງ ເຂດທະເລນອກປາກອ່າວພາກເໜືອ. 2 ຝ່າຍຢືນຢັນຄວາມຕັດສິນໃຈພ້ອມກັນມານະພະຍາຍາມຊຸກຍູ້ການເຈລະຈາແບ່ງກຳນົດ ເຂດທະເລນອກປາກອ່າວພາກເໜືອ ແລະ ປຶກສາຫາລືບັນຫາຮ່ວມມືເພື່ອພ້ອມກັນພັດທະນາທີ່ເຂດນີ້ບົນພື້ນຖານບັນດາຫຼັກການທີ່ໄດ້ກຳນົດໃນສັນຍາກ່ຽວກັບບັນດາຫຼັກການພື້ນຖານຊີ້ນຳການແກ້ໄຂບັນດາບັນຫາບົນທະເລລະຫວ່າງຫວຽດນາມ-ຈີນ ທີ່ໄດ້ລົງນາມເມື່ອເດືອນຕຸລາປີ 2011. 2 ຝ່າຍໄດ້ແລກປ່ຽນບັນດາເນື້ອໃນທີ່ກ່ຽວຂ້ອງເພື່ອເປັນພື້ນຖານແກ່ການດຳເນີນການເຈລະຈາກ່ຽວກັບ ເຂດທະເລນອກປາກອ່າວພາກເໜືອ ທີ່ການເຈລະຈາຮອບຕໍ່ໆໄປ, ເຫັນດີເປັນເອກະສັນກ່ຽວກັບບັນດາຂັ້ນຕອນດຳເນີນການເຈລະຈາ ແລະ ແຜນການດຳເນີນງານສຳລັບການເຈລະຈາແບ່ງກຳນົດ ເຂດທະເລນອກປາກອ່າວພາກເໜືອ ກໍຄືປຶກສາຫາລືບັນດາບັນຫາຮ່ວມມືເພື່ອພ້ອມກັນພັດທະນາຢູ່ເຂດທະເລນີ້.