(vovworld)- ສັນຍາຄູ່ຮ່ວມມືເຂດປາຊີຟີກ ແລະ ກາລະໂອກາດສຳລັບວິສາຫະກິດ ແມ່ນຫົວຂໍ້ຂອງກອງປະຊຸມສຳມະນາ ໂດຍສູນສົ່ງເສີມການຄ້າ ແລະ ການລົງທຶນນະຄອນ ໂຮ່ຈິມິນ ຈັດຕັ້ງຂຶ້ນ ໃນວັນທີ 30/1 ຢູ່ ນະຄອນ ໂຮ່ຈິມິນ. ບັນດາຜູ້ຊ່ຽວຊານຖືວ່າ: ເຂົ້າຮ່ວມສັນຍາ ຄູ່ຮ່ວມມືເຂດປາຊີຟີກ (TPP), ຊ່ວຍເພີ່ມກາລະໂອກາດສຳພັດກັບຕະຫລາດ, ຊຸກຍູ້ການສົ່ງອອກສິນຄ້າຂອງ ຫວຽດນາມ, ພິເສດ ແມ່ນຕະຫລາດອາເມລິກາ ໃຫ້ແກ່ບັນດາຜະລິດຕະພັນທີ່ມີທ່າແຮງຄື: ຕຳແຜ່ນຕັດຫຍິບ, ສິນໃນນ້ຳ, ເກີບຫນັງ, ຜະລິດຕະພັນໄມ້..ຄຽງຄູ່ກັນນັ້ນ, ການຊຸກຍູ້ການລົງທຶນຂອງອາເມລິກາ ເຂົ້າ ຫວຽດນາມ, ຍາດແຍ່ງບັນດາກາລະໂອກາດຈາກວິວັດການສ້າງໂຄງປະກອບເສດຖະກິດຄືນໃຫມ່ກໍຄືທ່າອ່ຽງຮ່ວມສຳພັນເສດຖະກິດພາກພື້ນ. ພ້ອມທັງປະກອບສ່ວນຍົກສູງບົດບາດທີ່ຕັ້ງຂອງ ຫວຽດນາມ ໃນເວທີສາກົນ, ເພີ່ມທະວີການພົວພັນກັບບັນດາຄູ່ຮ່ວມມືສາກົນ. ເຖິງຢ່າງໃດກໍຕາມ, ສັນຍານີ້ຈະສ້າງກຳລັງດັນກ່ຽວກັບການເປີດປະຕູຕະຫລາດ, ຄວາມສາມາດແກ້ງແຍ້ງຂອງ ວິສາຫະກິດ ຫວຽດນາມ ສຳລັບສາກົນ