ຂີດໝາຍຫວຽດນາມ ຢູ່ງານບຸນວັດທະນະທຳ Sakia ອີຢິບ
ຮົ່ງກວນ, ນັກຂ່າວ VOV ປະຈຳອີຢິບ -
(ລາຍການຟ້ອນທີ່ເຂັ້ມຂົ້ນດ້ວຍສີສັນວັດທະນະທຳຫວຽດນາມ)
(vovworld) – ວັນທີ 26/02, ຢູ່ນະຄອນຫຼວງ ກາຍໂຣ, ປະເທດອີຢິບ, ສະຖານທູດຫວຽດນາມ ປະຈຳອີຢິບ ໄດ້ເຂົ້າຮ່ວມງານບຸນວັດທະນະທຳ Sakia ຄັ້ງທີ 12. ນີ້ແມ່ນງານບຸນວັດທະນະທຳນາໆຊາດ ທີ່ໄດ້ຮັບການຈັດຕັ້ງປະຈຳປີຢູ່ອີຢິບ ເພື່ອແນໃສ່ໂຄສະນາຈຸດວັດທະນະທຳທີ່ເປັນເອກະລັກສະເພາະຂອງຫຼາຍປະເທດ ແລະ ເຂດແຄ້ວນໃນທົ່ວໂລກ. ຫວຽດນາມ ເຂົ້າຮ່ວມງານບຸນວັດທະນະທຳ Sakia ດ້ວຍຮ້ານວາງສະແດງບາງວັດຖຸພັນທີ່ເປັນມູນເຊື້ອຂອງປະເທດຄື: ເຄື່ອງສິນລະປະຫັດຖະກຳ, ພາບແຕ້ມບັນດາເຂດພາກ, ກຸບ… ພິເສດ, ລາຍການຟ້ອນທີ່ເຂັ້ມຂົ້ນດ້ວຍສີສັນວັດທະນະທຳຫວຽດນາມ ໂດຍນັກສຶກສາຫວຽດນາມ ພວມຮໍ່າຮຽນຢູ່ອີຢິບ ສະແດງ.
ເຖິງວ່າ, ເປັນຄັ້ງທຳອິດເຂົ້າຮ່ວມງານບຸນດັ່ງກ່າວ, ແຕ່ປະຊາຄົມຊາວຫວຽດນາມ ອາໄສຢູ່ອີຢິບ ໄດ້ສ້າງຄວາມປະທັບໃຈອັນດີງາມກ່ຽວກັບພາບພົດປະເທດຊາດ ແລະ ຊາວຫວຽດນາມ ໃນດວງໃຈເພື່ອນມິດສາກົນຢູ່ປະເທດອີຢິບ.
ຮົ່ງກວນ, ນັກຂ່າວ VOV ປະຈຳອີຢິບ