ປະຊາຊົນໃນທົ່ວປະເທດ,ບັນດາຜູ້ທີ່ຍົດສັກຕຳແໜ່ງທາງສາສະໜາໄດ້ມີຄວາມເອົາໃຈໃສ່ຫຼາຍທີ່ສຸດເຖິງກອງທັບ ແລະ ປະຊາຊົນເມືອງເກາະເຈືອງຊາ |
(vovworld)- ຕອນບ່າຍວັນທີ 5/1, ຢູ່ທ່າກຳປັ່ນກາມແຮງ, ກອງບັນຊາການທະຫານເຮືອເຂດ 4 ໄດ້ຈັດພິທີອອກເດີນທາງໃຫ້ແກ່ກຳປັ່ນ 4 ລຳທີ່ຂົນສົ່ງຂອງຂວັນບຸນເຕັດປີມະແມ 2015 ເພື່ອມອບໃຫ້ພະນັກງານ, ນັກຮົບ ແລະ ປະຊາຊົນທີ່ພວມດຳລົງຊີວິດ ແລະ ເຮັດວຽກຢູ່ເມືອງເກາະເຈືອງຊາ ແຂວງແຄ້ງຮ່ວາ. ກຳປັ່ນເຫຼົ່ານັ້ນໄດ້ບັນທຸກຂອງຂວັນບຸນເຕັດກວ່າ 30 ໂຕນຂອງກະຊວງປ້ອງກັນປະເທດ, ບັນດາອົງການສຳນັກງານ, ທ້ອງຖິ່ນຕ່າງໆໃນທົ່ວປະເທດ. ທ່ານຫງວຽນວຽດທວນ ປະທານຄະນະກຳມະການປະຊາຊົນເມືອງເກາະເຈືອງຊາ ແຂວງແຄ້ງຮ່ວາໃຫ້ຮູ້ວ່າ : (ເທບ)
“ ໃນຊຸມປີທີ່ຜ່ານມາ, ປະຊາຊົນໃນທົ່ວປະເທດ, ຊາວຫວຽດນາມອາໄສຢູ່ຕ່າງປະເທດ, ບັນດາອົງການຈັດຕັ້ງມະຫາຊົນ, ບັນດາຜູ້ທີ່ຍົດສັກຕຳແໜ່ງທາງສາສະໜາໄດ້ມີຄວາມເອົາໃຈໃສ່ຫຼາຍທີ່ສຸດເຖິງກອງທັບ ແລະ ປະຊາຊົນເມືອງເກາະເຈືອງຊາ, ເພາະສະນັ້ນ, ຊີວິດການເປັນຢູ່ຂອງພະນັກງານ, ນັກຮົບນັບມື້ນັບຖືກຍົກສູງຂຶ້ນ. ໃນປີ 2014, ມີຫຼາຍອົງການທັງຢູ່ພາຍໃນ ແລະ ຕ່າງປະເທດໄດ້ມອບຂອງຂວັນ, ຝາກຝັງນ້ຳໃຈຄວາມຮັກແພງເພື່ອໃຫ້ກອງທັບ ແລະ ປະຊາຊົນເມືອງເກາະເຈືອງຊາດຳລົງຊີວິດ ແລະ ປົກປັກຮັກສາດິນດອນຕອນຫຍ້າຂອງປະເທດຊາດ. ”