(vovworld) – ຕອນເຊົ້າວັນທີ 16/7, ຢູ່ແຂວງບັກກ້ານ, ຄະນະຊີ້ນຳເຂດຕາເວັນຕົກສຽງເໜືອ ໄດ້ດຳເນີນກອງປະຊຸມສະຫຼຸບວຽກງານໃນ 6 ເດືອນຕົ້ນປີ 2012 ແລະ ຜັນຂະຫຍາຍໜ້າທີ່ຈຸດສຸມໃນ 6 ເດືອນທ້າຍປີ 2012. ທ່ານຮອງນາຍົກລັດຖະມົນຕີ Nguyen Xuan Phuc, ຫົວໜ້າຄະນະຊີ້ນຳເຂດຕາເວັນຕົກສຽງເໜືອ ໄດ້ຊີ້ນຳກອງປະຊຸມ. ໃນ 6 ເດືອນທີ່ຜ່ານມາ, ສະພາບເສດຖະກິດສັງຄົມຢູ່ບັນດາແຂວງເຂດພູດອຍທາງທິດເໜືອສືບຕໍ່ຮັກສາລະດັບເຕີບໂຕຢ່າງໝັ້ນຄົງ. ຍອດຈຳນວນຜະລິດຕະພັນພາຍໃນເຂດບັນລຸເກືອບ 7,3%. ຂົງເຂດວັດທະນະທຳ, ສັງຄົມສືບຕໍ່ມີການຫັນປ່ຽນຢ່າງຕັ້ງໜ້າ; ສະພາບຄວາມໝັ້ນຄົງດ້ານການເມືອງ ແລະ ຄວາມເປັນລະບຽບຮຽບຮ້ອຍທາງສັງຄົມໄດ້ຮັບການຮັບປະກັນ, ອະທິປະໄຕຊາຍແດນໄດ້ຮັບການຮັກສາໄວ້ຢ່າງໝັ້ນຄົງ. ແຕ່ນີ້ຍັງແມ່ນເຂດທີ່ດ້ອຍພັດທະນາ, ອັດຕາປະຊາຊົນອຶດຫິວທຸກຫຍາກຍັງສູງຢູ່, ຄວາມໝັ້ນຄົງດ້ານການເມືອງ, ສະພາບຊົນເຜົ່າ, ສາສະໜາມີຄວາມສັບສົນຫຼາຍຢ່າງ,ເງື່ອນໄຂພັດທະນາບໍ່ສະດວກ, ພື້ນຖານໂຄງລ່າງດ້ານເສດຖະກິດສັງຄົມຕໍ່າຢູ່. ທີ່ກອງປະຊຸມຄັ້ງນີ້, ຄະນະຊີ້ນຳເຂດຕາເວັນຕົກສຽງເໜືອຈະສຸມໃສ່ປຶກສາຫາລືມາດຕະການແກ້ໄຂຂໍ້ຈຳກັດທີ່ຍັງຄົງຄ້າງ, ຍູ້ແຮງການປະຕິບັດການພັດທະນາທາງໂຄມມະນາຄົມຢູ່ເຂດຊົນນະບົດເຂດພູດອຍທາງພາກເໜືອ, ປູກ ແລະ ປົກປັກຮັກສາປ່າ, ເລື່ອງຂຸດຂົ້ນຊັບພະຍາກອນແຮ່ທາດໄປຄຽງຄູ່ກັບການປົກປັກຮັກສາສິ່ງແວດລ້ອມ…