ພິທີຍ້ອງຍໍສັນລະເສີນເລຂາຫນ່ວຍພັກ
ພາບ:chinhphu.vn
|
(vovword)- ຕອນເຊົ້າວັນທີ 10/4 ຢູ່ ຮ່າໂນ້ຍ, ຄະນະພັກກຸຸ່ມອົງການສູນກາງ ໄດ້ຈັດຕັ້ງພິທີຍ້ອງຍໍສັນລະເສີນເລຂາຫນ່ວຍພັກດີເດັ່ນ 500 ທ່ານ ເນື່ອງໃນໂອກາດລະນຶກ 64 ປີ ແຫ່ງວັນມູນເຊື້ອອົງຄະນະພັກອຳນາດການປົກຄອງ, ອົງການຈັດຕັ້ງມະຫາຊົນ ແລະ ອົງການພັກ ສູນກາງ (1948 - 2012), 5 ປີ ແຫ່ງວັນສ້າງຕັ້ງອົງຄະນະພັກກຸ່ມບັນດາອົງການສູນກາງ (11/4/2007 - 11/4/2012). ເລຂາຫນ່ວຍພັກດີເດັ່ນ 500 ທ່ານທີ່ໄດ້ຮັບການຍ້ອງຍໍສັນລະເສີນ ແມ່ນຜູ້ທີ່ມີຄຸນສົມບັດ, ວິຖີການດຳລົງຊີວິດປອດໄສ, ຍາມໃດກໍສຳເລັດຫນ້າທີ່ທີ່ໄດ້ຮັບການມອບໝາຍເປັນຢ່າງດີ, ເປັນແບບຢ່າງໃນການຮຳ່ຮຽນ ແລະ ປະຕິບັດຕາມແບບຢ່າງຄຸນສົມບັດປະທານ ໂຮ່ຈິມີນ. ກ່ຽວກັບຫນ້າທີ່ສືບຕໍ່ສ້າງຫນ່ວຍພັກຢູ່ ບັນດາອົງການສູນກາງໃຫ້ປອດໄສ, ເຂັ້ມແຂງ, ທ່ານ Dao Ngoc Dung ເລຂາຄະນະພັກກຸ່ມບັນດາອົງການສູນກາງຊີ້ແຈງວ່າ:
“ປະຕິບັດມະຕິກອງປະຊຸມຄະນະບໍລິຫານງານສູນກາງພັກຄັ້ງທີ 4 ກ່ຽວກັບບາງບັນຫາຮີບດ່ວນໃນການກໍ່ສ້າງພັກປະຈຸບັນ, ໃນປີ 2012, ບັນດາຄະນະພັກທີ່ຂຶ້ນກັບຄະນະພັກກຸ່ມອົງການສູນກາງ ຄວນສຸມໃສ່ເປັນເສນາທິການໃນການສ້າງ ແລະ ປະຕິບັດກົດລະບຽບການສົມທົບກັນລະຫວ່າງຄະນະພັກກັບຄະນະຊາວຫນຸ່ມ, ຄະນະກຳມະການ, ການນຳອົງການ, ຫົວຫນ່ວຍ, ເປັນເຈົ້າການໃນການສ້າງບັນດາກົດລະບຽບ, ຂໍ້ກຳນົດ ແລະ ເງື່ອນໄຂທີ່ຈຳເປັນເພື່ອຍົກສູງຄຸນນະພາບການເຄື່ອນໄຫວຂອງອົງການພັກຂັ້ນຕ່າງໆນັບແຕ່ຂັ້ນຫນ່ວຍພັກເພື່ອສຸມໃສ່ຊີ້ນຳນຳພາ, ສ້າງອົງການຫົວຫນ່ວຍໃຫ້ເຂັ້ມແຂງ, ກຳນົດຢ່າງຈະແຈ້ງສາຍພົວພັນຂອງຄະນະບໍລິຫານງານຫນ່ວຍພັກ ແລະ ຫົວຫນ້າອົງການ, ຫົວຫນ່ວຍ, ປະຕິບັດກົນໄກປະຊາທິປະໄຕຢູ່ຂັ້ນຮາກຖານ.”