ຄະນະພົວພັນຕ່າງປະເທດສູນກາງພັກສືບຕໍ່ຜັນຂະຫຍາຍການເຄື່ອນໄຫວພົວພັນຕ່າງປະທດໃຫ້ຄົບຊຸດ,ຮອບດ້ານ
(ກອງປະຊຸມຜັນຂະຫຍາຍທິດທາງວຽກງານປີ 2016
ຂອງຄະນະພົວພັນຕ່າງປະເທດສູນກາງ)
(vovworld) – ຄະນະພົວພັນຕ່າງປະເທດສູນກາງພັກ ຕ້ອງສືບຕໍ່ຜັນຂະຫຍາຍການເຄື່ອນໄຫວພົວພັນຕ່າງປະເທດຢ່າງຄົບຊຸດ, ຮອບດ້ານ, ສົມທົບກັນຢ່າງແໜ້ນແຟ້ນລະຫວ່າງການພົວພັນຕ່າງປະເທດຂອງພັກ, ການທູດຂອງລັດ, ການຕ່າງປະເທດປະຊາຊົນ. ນີ້ແມ່ນຄຳຊີ້ນຳຂອງທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງ ທີ່ກອງປະຊຸມຜັນຂະຫຍາຍທິດທາງວຽກງານປີ 2016 ຂອງຄະນະພົວພັນຕ່າງປະເທດສູນກາງ. ກອງປະຊຸມດຳເນີນໃນຕອນເຊົ້າວັນທີ 14/01, ຢູ່ຮ່າໂນ້ຍ. ທ່ານເລຮົ່ງແອງ ເນັ້ນໜັກວ່າ, ປີ 2016 ແມ່ນປີມີເຫດການໃຫຍ່ສຳຄັນຫຼາຍຢ່າງສຳລັບປະເທດຊາດ. ສະນັ້ນ, ຄະນະພົວພັນຕ່າງປະເທດສູນກາງ ຕ້ອງປະຕິບັດວຽກງານການຕ່າງປະເທດຂອງກອງປະຊຸມໃຫຍ່ຄັ້ງທີ 12 ຂອງພັກ, ນີ້ແມ່ນໂອກາດເພື່ອໂຄສະນາປະສິດທິຜົນກ່ຽວກັບກິດຈະການປ່ຽນໃໝ່ຂອງປະເທດຊາດ, ກ່ຽວກັບບົດບາດຊີ້ນຳນຳພາຂອງພັກ. ທ່ານເລຮົ່ງແອງ ສະເໜີວ່າ.
“ຕ້ອງເອົາໃຈໃສ່ຍົກສູງຄຸນນະພາບ, ປະສິດທິຜົນວຽກງານຄົ້ນຄວ້າ, ເສນາທິການ, ຄາດຄະເນຍຸດທະສາດ, ເປັນເຈົ້າການກຳແໜ້ນສະພາບການ, ບໍ່ປະໃຫ້ຕົກໃນທ່າຮັບດ້ານຂໍ້ມູນ, ຍົກສູງຄຸນນະພາບບົດລາຍງານ, ສະເໜີແນະ, ຄຳສະເໜີເພື່ອຮັບໃຊ້ວຽກງານຊີ້ນຳນຳພາຂອງກົມການເມືອງ, ຄະນະເລຂາໃນຂົງເຂດພົວພັນຕ່າງປະເທດ. ຍົກສູງຄຸນນະພາບປະສິດທິຜົນບັນດາການເຄື່ອນໄຫວພົວພັນຕ່າງປະເທດ, ຕັດສິນໃຈຕໍ່ສູ້ເຮັດໃຫ້ທຸກກົນອຸບາຍ, ການກະທຳແຊກແຊງເຂົ້າວຽກງານພາຍໃນຖືກປະຊາໄຊ, ຮັກສາສະຖຽນລະພາບດ້ານການເມືອງ”