(ພາບປະກອບ)
(vovworld) – ໃນຄວາມມານະພະຍາຍາມເພື່ອແນໃສ່ເຊື່ອມຕໍ່ການເຈລະຈາ 6 ຝ່າຍກ່ຽວກັບໂຄງການນິວເຄຼຍຂອງສປປ.ເກົາຫຼີ ຄືນໃໝ່, ວັນທີ 30 ຕຸລາ, ທ່ານຮອງລັດຖະມົນຕີການຕ່າງປະເທດຈີນ ຈາງເຢຍຊວຍ ແລະ ຜູ້ຮ່ວມຕຳແໜ່ງສປປ.ເກົາຫຼີ Kim Hyong Jun ໄດ້ມີການເຈລະຈາຢູ່ນະຄອນຫຼວງປັກກິງ, ປະເທດຈີນ. ທີ່ການເຈລະຈາ, 2 ຝ່າຍໄດ້ປຶກສາຫາລືທັດສະນະກ່ຽວກັບການພົວພັນ 2 ຝ່າຍ ກໍ່ຄືສະພາບການໃນແຫຼມເກົາຫຼີ. ແຕ່ກະຊວງດັ່ງກ່າວບໍ່ແຈ້ງຂໍ້ມູນລາຍລະອຽດກ່ຽວກັບເນື້ອໃນການເຈລະຈາ. ທ່ານຮອງລັດຖະມົນຕີການຕ່າງປະເທດ ສປປ.ເກົາຫຼີ Kim Hyong Jun ໄດ້ເດີນທາງໄປເຖິງປັກກິງ ໃນວັນທີ 29 ຕຸລາ ແລະ ມີການພົບປະກັບທ່ານຮອງລັດຖະມົນຕີການຕ່າງປະເທດຈີນ ຜູ້ຮັບຜິດຊອບບັນຫາອາຊີ ຫຼິວເຈີນໝີນ. ໃນຂະນະນັ້ນ, ທູດທິເສດຜູ້ຮັບຜິດຊອບການເຈລະຈາ 6 ຝ່າຍຂອງຈີນ ທ່ານ ຫວູຕາຍອວຍ ກໍ່ເດີນທາງໄປ ວໍສິງຕັນ ແລະ ເຂົ້າຮ່ວມການເຈລະຈາເຈລະຈາກັບບັນດາເຈົ້າໜ້າທີ່ອາເມລິກາ, ໃນນັ້ນມີທູດພິເສດອາເມລິກາ ຜູ້ຮັບຜິດຊອບນະໂຍບາຍກ່ຽວກັບສປປ.ເກົາຫຼີ ທ່ານ Glyn Davies.