ການປ່ຽນແປງຂອງດິນຟ້າອາກາດມີຜົນສະທ້ອນຕໍ່ສຸຂະພາບ
(ພາບ:hoahocngaynay.com)
(vovworld) - ເສດຖະກິດຂຽວໃນເງື່ອນໄຂການປ່ຽນແປງຂອງດິນຟ້າອາກາດແມ່ນຫົວຂໍ້ຂອງກອງປະຊຸມສຳມະນາໂດຍພະແນກຊັບພະຍາກອນ ແລະ ສິ່ງແວດລ້ອມຮ່າໂນ້ຍຈັດຕັ້ງຂຶ້ນໃນຕອນເຊົ້າວັນທີ 20/11 ຢູ່ຮ່າໂນ້ຍ. ບັນດາຄຳເຫັນທີ່ກອງປະຊຸມສຳມະນາຢືນຢັນວ່າ: ຮູບແບບເສດຖະກິດເຕີບໂຕຂຽວໄດ້ນຳມາເຊິ່ງປະສິດທິຜົນດ້ານເສດຖະກິດ, ປະຢັດຊັບພະຍາກອນທຳມະຊາດ ເຫມາະສົມກັບບັນດາປະເທດພວມພັດທະນາ. ບັນດາຄຳເຫັນກໍ່ເນັ້ນໜັກເຖິງເລື່ອງຍູ້ແຮງວຽກງານໂຄສະນາ, ຍົກສູງສະຕິຄວາມຮັບຮູ້ຂອງວົງຄະນາຍາດກ່ຽວກັບຜົນຮ້າຍຈາກການປ່ຽນແປງຂອງດິນຟ້າອາກາດ, ນ້ຳທະເລຂຶ້ນສູງ ຈາກນັ້ນຈະມີມາດຕະການຮັບມືກັບການປ່ຽນແປງຂອງດິນຟ້າອາກາດຢ່າງມີປະສິດທິຜົນໂດຍມີການເຂົ້າຮ່ວມຂອງທົ່ວສັງຄົມ. ໃນໄລຍະ 2013-2025, ຫວຽດນາມ ສູ້ຊົນກາຍເປັນປະເທດອຸດສາຫະກຳພັດທະນາຕາມທິດທັນສະໄໝໂດຍພື້ນຖານ, ຮັບມືກັບການການປ່ຽນແປງຂອງດິນຟ້າອາກາດ ແລະ ຫລຸດຜ່ອນມົນລະພິດ ແລະ ການປ່ອຍອາຍແກດເຮືອນແກ້ວ.