(vovworld) - ຕອນບ່າຍວັນທີ 15/05, ຢູ່ຮ່າໂນ້ຍ, ທ່ານນາງຮອງປະທານສະພາແຫ່ງຊາດຫວຽດນາມ ຕ່ອງທິຟ໋ອງ ໄດ້ມີການພົບປະສັງສັນກັບຄະນະຜູ້ແທນທີ່ມີອິດທິພົນຊື່ສຽງໃນໝູ່ປະຊາຊົນບັນດາເຜົ່າສ່ວນໜ້ອຍແຂວງເຫງະອານ, ເນື່ອງໃນໂອກາດຄະນະມາຢ້ຽມຢາມນະຄອນຫຼວງຮ່າໂນ້ຍ ແລະ ເຂົ້າສຸສານໄຫວ້ອາໄລປະທານໂຮ່ຈິມິນ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຖືວ່າ ການຢ້ຽມຢາມນະຄອນຫຼວງຄັ້ງນີ້ຂອງຄະນະ ແມ່ນມີຄວາມໝາຍທີ່ສຸດ, ກົງກັບໂອກາດບັນດາອົງການພັກ, ລັດ, ລັດຖະບານ, ສະພາແຫ່ງຊາດ ແລະ ປະຊາຊົນໃນທົ່ວປະເທດ ພວມມີການເຄື່ອນໄຫວແທ້ຈິງຫຼາຍຢ່າງເພື່ອສະເຫຼີມສະຫຼອງ 123 ປີແຫ່ງວັນຄ້າຍວັນເກີດຂອງທ່ານປະທານໂຮ່ຈິມິນ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຢືນຢັນວ່າ ຍາມໃດພັກ ແລະ ລັດ ກໍ່ເອົາໃຈໃສ່ສ້າງເງື່ອນໄຂເບິ່ງແຍງດູແລປະຊາຊົນບັນດາເຜົ່າ. ທ່ານນາງ ຕ່ອງທິຟ໋ອງ ຫວັງວ່າບັນດາຜູ້ທີ່ມີອິດທິພົນຊື່ສຽງແຂວງເຫງະອານ ຈະສືບຕໍ່ເສີມຂະຫຍາຍມູນເຊື້ອເປັນແບບຢ່າງ, ຂົນຂວາຍປະຊາຊົນບັນດາເຜົ່າພາຍໃນແຂວງສາມັກຄີກັນ, ມານະພະຍາຍາມຜ່ານຜ່າຄວາມຫຍຸ້ງຍາກ, ເຂົ້າຮ່ວມການພັດທະນາເສດຖະກິດສັງຄົມ, ຮັບປະກັນການປ້ອງກັນຄວາມສະຫງົບຢ່າງຕັ້ງໜ້າ.