(ພາບປະກອບ: congthuong.vn)

ສະຫະສະມາຄົມວິສາຫະກິດເອີຣົບ ປະຈຳ ຫວຽດນາມ (EuroCham Viet Nam), ວັນທີ 08 ມັງກອນ ໄດ້ປະກາດດັດຊະນີຄວາມເຊື່ອໝັ້ນດຳເນີນທຸລະກິດ ຢູ່ ຫວຽດນາມ (BCI). ຕາມນັ້ນແລ້ວ, BCI ບັນລຸລະດັບສູງສຸດໃນກວ່າ 2 ປີຜ່ານມາ, ເພີ່ມຂຶ້ນແຕ່ 46,3 ໃນໄຕມາດທີ IV/2023 ຂຶ້ນເປັນ 61,8 ໃນໄຕມາດທີ IV 2024. ຕາມ Eurocham  ແລ້ວ, ໝາກຜົນດັ່ງກ່າວ ເປັນການພິສູດໃຫ້ເຫັນຄວາມສາມາດຟື້ນຟູທີ່ໜ້າປະເອີບໃຈຂອງ ຫວຽດນາມ ຕໍ່ໜ້າການຜັນແປຂອງທົ່ວໂລກ, ພ້ອມທັງຢັ້ງຢືນທີ່ຕັ້ງທີ່ນັບມື້ນັບພົ້ນເດັ່ນຂອງປະເທດ ຄືດັ່ງເປັນສູນການຄ້າ ແລະ ການລົງທຶນຂອງພາກພື້ນ.

        ໝາກຜົນການສຳຫຼວດໄດ້ສະແດງໃຫ້ເຫັນວ່າ 42% ຜູ້ຕາງໜ້າວິສາຫະກິດ ເອີຣົບ ຢູ່ ຫວຽດນາມ ໃຫ້ຮູ້ວ່າ ເຂົາເຈົ້າຮູ້ສຶກໄດ້ເຖິງຄວາມຕັ້ງໜ້າກ່ຽວກັບສະພາບການດຳເນີນທຸລະກິດໃນປັດຈຸບັນ, ໃນຂະນະທີ່ 47% ມີຄວາມຫວັງວ່າ ເງື່ອນໄຂດຳເນີນທຸລະກິດຈະສືບຕໍ່ສະດວກໃນໄຕມາດຕໍ່ໄປ. ໄປຄຽງຄູ່ກັນນັ້ນ, 56% ຄາດຄະເນວ່າ ຄວາມຫວັງຕໍ່ເສດຖະກິດມະຫາພາກຂອງ ຫວຽດນາມ ໃນໄຕມາດທຳອິດຂອງປີ 2025 ໄດ້ຮັບການປົວແປງ.

        ຈຸດພົ້ນເດັ່ນທີ່ສຸດໃນບົດລາຍງານແມ່ນ 75% ການນຳວິສາຫະກິດເຂົ້າຮ່ວມການສຳຫຼວດໃຫ້ຮູ້ວ່າ ເຂົາເຈົ້າຈະແນະນຳ ຫວຽດນາມ ຄືດັ່ງສະຖານທີ່ລົງທຶນທີ່ໜ້າຈັບໃຈ. ສິ່ງດັ່ງກ່າວ ໄດ້ເນັ້ນໜັກຄວາມຮັບຮອງກ່ຽວກັບຄວາມສຳຄັນຍຸດທະສາດຂອງ ຫວຽດນາມ ທີ່ນັບມື້ນັບເພີ່ມຂຶ້ນ ຄືດັ່ງເປັນສູນລົງທຶນໃນພາກພື້ນ ອາຊີຕາເວັນອອກສ່ຽງໃຕ້.