(vovworld) – ດັດຊະນີຄວາມເຊື່ອໝັ້ນດຳເນີນທຸລະກິດໃນໄຕມາດທີ I/2013 ໂດຍບໍລິສັດ WVB ຫວຽດນາມ ປະຕິບັດ, ຫາກໍ່ໄດ້ຮັບການປະກາດບັນລຸ 114 ຄະແນນ, ເພີ່ມຂຶ້ນ 31 ຄະແນນເມື່ອທຽບໃສ່ໄຕມາດທີ IV / 2012. ສິ່ງດັ່ງກ່າວໄດ້ສະແດງໃຫ້ເຫັນຄວາມປະເອີບໃຈຂອງວິສາຫະກິດ ຫວຽດນາມ ຕໍ່ການເຕີບໂຕເສດຖະກິດ ປີ 2013. ໝາກຜົນຂອງການສຳຫຼວດແຕ່ທ້າຍເດືອນ 3 ຫາກາງເດືອນ 4 ຂອງ 129 ວິສາຫະກິດທີ່ຂຶ້ນກັບບັນດາຂົງເຂດຂະແໜງອາຊີບຫຼັກແຫຼ່ງຂອງຫວຽດນາມ ໄດ້ສະແດງໃຫ້ເຫັນວ່າ: ວິສາຫະກິດ ເກືອບທັງໝົດລ້ວນແຕ່ຖືວ່າ ປະຈຸບັນພື້ນຖານເສດຖະກິດ ຫວຽດນາມ ດີກ່ວາເມື່ອທຽບໃສ່ 12 ເດືອນກ່ອນ ແລະ ໃນໄລຍະຈະມາເຖິງ ມີແງ່ຫວັງພັດທະນາດີກ່ວາອີກ. ເມື່ອຄາດຄະເນສະພາບເສດຖະກິດ ຫວຽດນາມ ນັ້ນ, 71% ຈຳນວນວິສາຫະກິດເຊື່ອໝັ້ນວ່າ ໃນຮອບເວລາ 12 ເດືອນຈະມາເຖິງ, ພື້ນຖານເສດຖະກິດ ຫວຽດນາມ ຈະດີກ່ວາອີກ.
ຕາມບໍລິສັດ WVB ຫວຽດນາມ ແລ້ວ, ວິສາຫະກິດສ່ວນຫຼາຍລ້ວນແຕ່ເຊື່ອໝັ້ນຕໍ່ຄຳໝັ້ນສັນຍາຂອງລັດຖະບານ ກ່ຽວກັບການຄວບຄຸມໄພເງິນເຟີ້, ກໍ່ຄືເຊື່ອໝັ້ນວ່າ ທະນາຄານຈະໜູນຊ່ວຍວິສາຫະກິດຫຼາຍກ່ວາອີກໃນປີ 2013.