ພິທີຕ້ອນຮັບທ່ານນາຍົກລັດຖະມົນຕີ ຟ້າມມິງຈິງ ຢູ່ສະໜາມບິນສາກົນ ວັດໄຕ (ພາບ: VGP)

ຕອນເຊົ້າວັນທີ 9 ມັງກອນ, ທ່ານນາຍົກລັດຖະມົນຕີ ຟ້າມມິງຈິງ ແລະ ຄະນະຜູ້ແທນ ຫວຽດນາມ ໄດ້ມາຮອດສະໜາມບິນສາກົນ ວັດໄຕ, ນະຄອນຫຼວງ ວຽງຈັນ ເລີ່ມຕົ້ນກາຢ້ຽມຢາມລາວ ແລະ ເປັນປະທານຮ່ວມກອງປະຊຸມຄັ້ງທີ 47 ຄະນະກຳມະການຮ່ວມມືທະວີພາຄີ ຫວຽດນາມ - ລາວ, ແຕ່ວັນທີ 9 – 10 ມັງກອນຕາມຄຳເຊື້ອເຊີນຂອງທ່ານນາຍົກລັດຖະມົນຕີ ລາວ ສອນໄຊສີພັນດອນ.

ນີ້ແມ່ນການເດີນທາງໄປປະຕິບັດງານຢູ່ຕ່າງປະເທດຂອງການນຳຫຼັກແຫຼ່ງ ຫວຽດນາມ ໃນປີ 2025 ທີ່ໄດ້ດຳເນີນໃນສະພາບການພົວພັນ ຫວຽດນາມ - ລາວ ສືບຕໍ່ໄດ້ປັບປຸງ, ມີຫຼາຍການພັດທະນາຢ່າງຕັ້ງໜ້າ. ການຢ້ຽມຢາມຢັ້ງຢືນແຜນນະໂຍບາຍ, ນະໂຍບາຍສະເໝີຕົ້ນສະເໝີປາຍຂອງ ຫວຽດນາມຖືເປັນສຳຄັນ ແລະ ໃຫ້ບຸລິມະສິດການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ຫວຽດນາມ - ລາວ ເພື່ອແນໃສ່ສືບຕໍ່ເພີ່ມທະວີຄວາມໄວ້ເນື້ອເຊື່ອໃຈ, ສະໜິດຕິດພັນລະຫວ່າງການນຳສອງປະເທດ, ຊຸກຍູ້ການພົວພັນຮ່ວມມືທີ່ດີງາມລະຫວ່າງສອງລັດຖະບານ ຫວຽດນາມ - ລາວ.