ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ໄດ້ໃຫ້ການຕ້ອນຮັບສະມາຊິກສະພາສູງ ອາເມລິກາ
ຕອນບ່າຍວັນທີ 19/1, ຢູ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ ຫງວຽນເຕີນຢູງ ໄດ້ໃຫ້ການຕ້ອນຮັບຄະນະຜູ້ແທນສະມາຊິກສະພາສູງ ອາເມລິກາ ໂດຍທ່ານ Jonh McCain ສະມາຊິກສະພາສູງນຳໜ້າທີ່ພວມຢູ່ຢ້ຽມຢາມຫວຽດນາມ. ທ່ານນາຍົກລັດຖະມົນຕີ ຫງວຽນເຕີນຢູງ ຢືນຢັນວ່າ: ໃນການຜັນຂະຫຍາຍນະໂຍບາຍ ການຕ່າງປະເທດເປີດກ້ວາງ, ຫັນເປັນຫຼາຍຝ່າຍ, ຫຼາຍຮູບຫຼາຍແບບ, ຕັ້ງໜ້າເປັນເຈົ້າການເຊື່ອມໂຍງເຂົ້າກັບສາກົນ, ຍາມໃດຫວຽດນາມກໍ່ຖືເປັນສຳຄັນການເພີ່ມທະວີການພົວພັນຮ່ວມມືມິດຕະພາບກັບບັນດາປະເທດໃນໂລກ ບົນພື້ນຖານຫຼັກການເຄົາລົບນັບຖືອະທິປະໄຕແຫ່ງຊາດ, ສະເໝີພາບ, ທັງ 2 ຝ່າຍຕ່າງມີຜົນປະໂຫຍດ, ເໝາະສົມກັບກົດໝາຍສາກົນ ແລະ ກົດໝາຍຂອງແຕ່ລະປະເທດ. ຫວຽດນາມສືບຕໍ່ຖື ອາເມລິກາ ແມ່ນໜຶ່ງ ໃນບັນດາຄູ່ຮ່ວມມືອັນດັບໜຶ່ງ, ຫວັງວ່າ 2 ປະເທດຈະຍົກສູງການພົວພັນຂຶ້ນສູ່ລະດັບສູງໃໝ່. ທ່ານນາຍົກລັດຖະມົນຕີ ເນັ້ນໜັກວ່າ: ໃນໄລຍະທີ່ຈະມາເຖິງ, 2 ຝ່າຍຄວນຊຸກຍູ້ການຮ່ວມມືໃນບັນດາຂົງເຂດເສດຖະກິດ, ການຄ້າ ແລະ ການລົງທຶນກ່ວາອີກ ແລະ ສະເໜີໃຫ້ບັນດາສະມາຊິກສະພາສູງມີການກະທົບເພື່ອໃຫ້ລັດຖະບານ ອາເມລິກາ ຮັບຮູ້ພື້ນຖານເສດຖະກິດການຕະຫຼາດ ແລະ ມອບຂໍ້ກຳນົດບຸລິມະສິດດ້ານພາສີ (GSP) ໃຫ້ແກ່ຫວຽດນາມໂດຍໄວ.
ທ່ານ Jonh McCain ໄດ້ຢືນຢັນຈະສະໜັບສະໜູນ 2 ປະເທດຍົກລະດັບການພົວພັນຕາມທິດຄູ່ຮ່ວມມືຍຸດທະສາດ, ເພີ່ມທະວີການຮ່ວມມືລະຫວ່າງ 2 ປະເທດໃນບັນດາຂົງເຂດ: ເສດຖະກິດ, ການຄ້າ, ການສຶກສາບຳລຸງສ້າງ, ຮ່ວມມືດ້ານມະນຸດສະທຳ… ແລະ ຈະຊຸກຍູ້ການຂົນຂວາຍລັດຖະບານອາເມລິກາຮັບຮູ້ພື້ນຖານເສດຖະກິດການຕະຫຼາດ ແລະ ມອບຂໍ້ກຳນົດບຸລິມະສິດດ້ານພາສີ (GSP) ໃຫ້ແກ່ຫວຽດນາມ ກໍ່ຄືເພີ່ມທະວີການໜູນຊ່ວຍຫວຽດນາມແກ້ໄຂຜົນຮ້າຍຢ້ອນຫຼັງຈາກສົງຄາມ.
ກ່ອນໜ້ານັ້ນ, ຢູ່ທີ່ສຳນັກງານສະພາແຫ່ງຊາດ, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮູ່ງ ໄດ້ໃຫ້ການຕ້ອນຮັບທ່ານ Jonh McCain ສະມາຊິກສະພາສູງ ອາເມລິກາ. ທ່ານປະທານສະພາແຫ່ງຊາດ ຫງວຽນຊິງຮູ່ງ ຖືວ່າ: ນັບແຕ່ເມື່ອ ສ້າງການພົວພັນ, ຮ່ວມມືລະຫວ່າງຫວຽດນາມ ແລະ ອາເມລິການ ເປັນປົກກະຕິ ໄດ້ມີການພັດທະນາອັນດີງາມໃນທຸກໆຂົງເຂດ ແລະ ນັບມື້ນັບກ້າວເຂົ້າສູ່ລວງເລິກ, ນຳມາເຊິ່ງມະສິດທິຜົນຢ່າງແທດຈິງໃຫ້ແກ່ທັງ 2 ຝ່າຍ. ຫວຽດນາມຢືດໝັ້ນແນວທາງການຕ່າງປະເທດແມ່ນເປີດກ້ວາງ, ຮ່ວມມືກັບທຸກໆປະເທດໃນໂລກ ເພື່ອສັນຕິພາບ ແລະ ການພັດທະນາ.
ທ່ານປະທານສະພາແຫ່ງຊາດ ຫງວຽນຊິງຮູ່ງ ຢືນຢັນວ່າ: ສະພາແຫ່ງຊາດຫວຽດນາມພ້ອມແລ້ວທີ່ຈະຮ່ວມມືກັບສະພາແຫ່ງຊາດ ອາເມລິກາ ເພື່ອແນໃສ່ຊຸກຍູ້ບັນດາໂຄງການຮ່ວມມືລະຫວ່າງ 2 ປະເທດ.
2 ຝ່າຍກໍຕ້ອງຍູ້ແຮງການເຄື່ອນໄຫວພົບປະແລກປ່ຽນສະມາຊິກສະພາແຫ່ງຊາດ, ຮ່ວມມືໃນບັນດາເວທີປາໄສລັດຖະສະພາຢູ່ພາກພື້ນ ແລະ ຢູ່ໃນໂລກ. ທ່ານ Jonh McCain ສະມາຊິກສະພາສູງ ປາດຖະໜາວ່າອົງການນິຕິບັນຍັດ 2 ປະເທດ ເພີ່ມທະວີການພົວພັນຮ່ວມມື, ແລກປ່ຽນບົດຮຽນໃນການສ້າງກົດໝາຍ, ຕິດຕາມກວດກາບັນດາກິດຈະກຳຂອງປະເທດຊາດກ່ວາອີກ.