ທ່ານນາຍົກລັດຖະມົນຕີຫງວຽນເຕີນຢຸງ ແລະ
ທ່ານນາຍົກລັດຖະມົນຕີ Haiti
(ພາບ:nguyentandung.org)
(VOV)- ພິທີຕ້ອນຮັບທ່ານນາຍົກລັດຖະມົນຕີປະເທດສາທາລະນະລັດ Haiti Laurent Salvador Lamothe ມາຢ້ຽມຢາມຫວຽດນາມ ຢ່າງເປັນທາງການຕາມຄຳເຊີນຂອງທ່ານນາຍົກລັດຖະມົນຕີຫງວຽນເຕີນຢຸງ ໄດ້ດຳເນີນໃນຕອນເຊົ້າວັນທີ 17/12 ຢູ່ຮ່າໂນ້ຍ. ທີ່ການພົບປະເຈລະຈາຫຼັງພິທີຕ້ອນຮັບ, ການນຳສອງທ່ານໄດ້ໃຫ້ຄຳໝັ້ນສັນຍາຈະສືບຕໍ່ປຶກສາຫາລືເພື່ອສ້າງຕັ້ງການພົວພັນຄູ່ຮ່ວມມືຍຸດທະສາດ, ຍາວນານໃນດ້ານປ້ອງກັນຄວາມສະຫງົບ, ທັນຍາຫານ. ສອງຝ່າຍເຫັນດີເປັນເອກສັນນຳກັນຈະຊຸກຍູ້ການສ້າງຕັ້ງບັນດາກົນໄກ ແລະ ກອບກົດໝາຍສະດວກໃຫ້ແກ່ການພົວພັນຮ່ວມມື, ເປີດການເຈລະຈາບັນດາສັນຍາກ່ຽວກັບການຮ່ວມມື, ສົ່ງເສີມ ແລະ ອາລັກຂາການລົງທຶນ, ການຮ່ວມມືດ້ານຄ້ຳປະກັນສະບຽງອາຫານ, ການຮ່ວມມືດ້ານກະສິກຳ, ວັດທະນະທຳ-ກິລາ-ການທ່ອງທ່ຽວ…ກ່າວຄຳເຫັນທີ່ການປະຊຸມຂ່າວຫຼັງການພົບປະເຈລະຈາ, ທ່ານນາຍົກລັດຖະມົນຕີຫງວຽນເຕີນຢຸງ ໃຫ້ຮູ້ວ່າ:
“ພວກຂ້າພະເຈົ້າໄດ້ແລກປ່ຽນກ່ຽວກັບສະພາບຂອງແຕ່ລະປະເທດ, ວາງອອກບັນດາທິດທາງ ແລະ ມາດຕະການເພື່ອແນໃສ່ເພີ່ມທະວີການພົວພັນຮ່ວມມືສອງຝ່າຍ, ກຳນົດບັນດາຂົງເຂດຮ່ວມມືໃຫ້ບຸລິມະສິດ, ເປີດການເຈລະຈາສັນຍາສຳຄັນ 6 ສະບັບກ່ຽວກັບດ້ານເສດຖະກິດ, ກົງສູນ, ການລົງທຶນ, ກະສິກຳ. ສອງຝ່າຍໄດ້ໃຫ້ຄຳໝັ້ນສັນຍາຈະໜູນຊ່ວຍບັນດາໂຄງການການຄ້າ-ການລົງທຶນ“.
ພາຍລັງການພົບປະເຈລະຈາ, ທ່ານນາຍົກລັດຖະມົນຕີຫງວຽນເຕີນຢຸງ ແລະ ທ່ານນາຍົກລັດຖະມົນຕີປະເທດສາທາລະນະລັດ Haiti Laurent Salvador Lamothe ໄດ້ລົງນາມໃນແຈ້ງການຮ່ວມຫວຽດນາມ-Haiti, ເປັນສັກຂີພິຍານພິທີລົງນາມບົດບັນທຶກຊ່ວຍຈຳສ້າງຕັ້ງການພົວພັນຄູ່ຮ່ວມມືລົງທຶນຍຸດທະສາດລະຫວ່າງກຸ່ມບໍລິສັດໂທລະຄົມກອງທັບຫວຽດນາມ ແລະ ລັດຖະບານ Haiti.
ໃນຕອນບາຍຂອງວັນດຽວກັນ, ໃນການຕ້ອນຮັບທ່ານນາຍົກລັດຖະມົນຕີ Haiti, ທ່ານປະທານປະເທດເຈືອງເຕີນຊາງ ໄດ້ເນັ້ນໜັກວ່າ: ໃນແນວທາງການຕ່າງປະເທດຂອງຕົນ, ຍາມໃດຫວຽດນາມ ກໍ່ເປີດກ້ວາງ ແລະ ຊຸກຍູ້ການພົວພັນຮ່ວມມືຮອບດ້ານກັບເພື່ອນມິດມູນເຊື້ອກ່ວາອີກ, ໃນນັ້ນມີ Haiti. ທ່ານນາຍົກລັດຖະມົນຕີ Haiti ຢືນຢັນວ່າ: ການມາຢ້ຽມຢາມຫວຽດນາມ ຄັ້ງນີ້ຂອງທ່ານດ້ວຍຈຸດປະສົງເພີ່ມທະວີການຮ່ວມມືລະຫວ່າງຫວຽດນາມ-Haiti ໃນຫຼາຍຂົງເຂດຄື: ການເມືອງ, ເສດຖະກິດ, ວັດທະນະທຳ….
ສ່ວນໃນການຕ້ອນຮັບທ່ານນາຍົກລັດຖະມົນຕີ Haiti, ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ໄດ້ຕີລາຄາສູງໝາກຜົນການພົບປະເຈລະຈາລະຫວ່າງທ່ານນາຍົກລັດຖະມົນຕີຫງວຽນເຕີນຢຸງ ແລະ ທ່ານນາຍົກລັດຖະມົນຕີ Haiti ແລະ ຖືວ່າ: ຜົນສຳເລັດດັ່ງກ່າວໄດ້ສ້າງບາດຫ້າວຫັນປ່ຽນຢ່າງແຮງ, ຍົກການພົວພັນລະຫວ່າງຫວຽດນາມ-Haiti ຂຶ້ນສູ່ລະດັບສູງໃໝ່. ທ່ານປະທານສະພາແຫ່ງຊາດຫວຽດນາມ ຫງວຽນຊິງຮຸ່ງ ສະເໜີໃຫ້ສອງປະເທດຕ້ອງຕັ້ງໜ້າຂຸດຄົ້ນ, ສົມທົບກັນໃນທຸກຂົງເຂດ, ໂດຍສະເພາະແມ່ນຂົງເຂດເປັນທ່າແຮງຂອງແຕ່ລະຝ່າຍເພື່ອສັນຕິພາບ ແລະ ການພັດທະນາໃນໂລກ.