ທ່ານປະທານປະເທດ ເຈືອງເຕີນຊາງຢ້ຽມຢາມ
ສະມາຄົມອະດີດຊາວຫນຸ່ມຕະລຸມບອນ
ພາບ:chinhphu.vn
|
(vovworld)- ຕອນບ່າຍວັນທີ 6/1, ໃນການເຮັດກັບສະມາຄົມອະດີດຊາວຫນຸ່ມຕະລຸມບອນຫວຽດນາມ, ທ່ານປະທານປະເທດ ເຈືອງເຕີນຊາງ ໄດ້ຢືນຢັນວ່າ: ຮູບພາບຂອງບັນດາຊາວຫນຸ່ມຕະລຸມບອນຢູ່ສະຫນາມຮົບຕ່າງໆ ໄດ້ກາຍເປັນສັນຍາລັກອັນດີງາມຂອງລັດທິວິລະຊົນປະຕິວັດ ຊື່ງໄດ້ຝັງເລິກໃນດວງໃຈຂອງປະຊາຊົນຫວຽດນາມ ແລະ ໄດ້ບັນທຶກໄວ້ໃນປື້ມປະຫວັດສາດ. ທ່ານປະທານປະເທດ ເຈືອງເຕີນຊາງ ຍ້ອງຍໍສັນລະເສີນສະມາຄົມອະດີດຊາວຫນຸ່ມຕະລຸມບອນ ໄດ້ມີຂໍ້ລິເລີ່ມຫລາຍຢ່າງ, ມີຫລາຍລາຍການເຊື່ອມຕໍ່ຖັນແຖວພະນັກງານ, ສະມາຊິກສະມາຄົມນັບໝື່ນໆຄົນ, ພັດທະນາເສດຖະກິດ, ຮັບປະກັນຊີວິດສັງຄົມ, ເປັນແບບຢ່າງໃຫ້ແກ່ລຸ້ນຫນຸ່ມປະຈຸບັນປະຕິບັດຕາມ. ທ່ານປະທານປະເທດ ເຈືອງເຕີນຊາງ ສະເຫນີສະມາຄົມທຸກຂັ້ນ ສືບຕໍ່ຜັນຂະຫຍາຍບັ້ນຂົນຂວາຍ “ອະດີດຊາວຫນຸ່ມຕະລຸມບອນໝັ້ນໝາຍປະຕິບັດຕາມຄຳສັ່ງສອນຂອງລຸງໂຮ່” ຢ່າງເລິກເຊິ່ງ ແລະ ກ້ວາງຂວາງ, ຕັ້ງຫນ້າຂົນຂວາຍລູກຫລານເຂົ້າຮ່ວມຂະບວນການແຂ່ງຂັນຮັກຊາດ, ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ພ້ອມທັງສືບຕໍ່ໃກ້ຊິດຕິດແທດສະມາຊິກສະມາຄົມ, ເພື່ອກຳແຫນ້ນຄວາມມຸ່ງມາດປາດຖະຫນາຂອງສະມາຊິກສະມາຄົມ, ເປັນເສນາທິການໃຫ້ແກ່ພັກ, ລັດ ປັບປຸງນະໂຍບາຍຢ່າງທັນການ.