ທ່ານຮອງນາຍົກລັດຖະມົນຕີ ເລແທັ່ງລອງ ຕ້ອນຮັບທ່ານເອກອັກຄະລັດຖະທູດ ຈີນ ປະຈຳ ຫວຽດນາມ ເຄີືອອວຍ (ພາບ: VOV)

ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຫວຽດນາມ ຟ້າມແທັ່ງລອງ ສະເໜີໃຫ້ເອກອັກຄະລັດຖະທູດ ເຄືຍອວຍ ແລະ ສະຖານທູດ ຈີນ ປະຈຳ ຫວຽດນາມ ຊຸກຍູ້ບັນດາອົງການທີ່ກ່ຽວຂ້ອງຂອງ ຈີນ ສົມທົບກັບບັນດາກະຊວງ, ຂະແໜງການ, ທ້ອງຖິ່ນຂອງ ຫວຽດນາມ ຢ່າງແໜ້ນແຟ້ນ ໃນການຜັນຂະຫຍາຍປະຕິບັດຂໍ້ຕົກລົງ ແລະ ຄວາມຮັບຮູ້ລວມຂັ້ນສູງໃຫ້ມີປະສິດທິຜົນ, ຮັກສາ ແລະ ເສີມຂະຫຍາຍມູນເຊື້ອອັນດີງາມ, ພົບປະ, ແລກປ່ຽນລະຫວ່າງການນຳຂັ້ນສູງ ແລະ ທຸກຂັ້ນຂອງສອງພັກ, ສອງລັດ; ຊຸກຍູ້ບັນດາຂົງເຂດການຮ່ວມມືທີ່ແທດຈິງ ບັນລຸໄດ້ຫຼາຍໝາກຜົນກວ່າອີກ.

        ສ່ວນທ່ານເອກອັກຄະລັດຖະທູດ ເຄືອອວຍ ຢັ້ງຢືນວ່າ ພ້ອມແລ້ວທີ່ຈະສົມທົບກັບບັນດາກະຊວງ, ຂະແໜງການ, ທ້ອງຖິ່ນຂອງ ຫວຽດນາມ ຊຸກຍູ້ການຜັນຂະຫຍາຍບັນດາຂໍ້ຕົກລົງ ແລະ ຄວາມຮັບຮູ້ລວມຂັ້ນສູງຢ່າງມີປະສິດທິຜົນ, ຈຸດສຸມແມ່ນສົມທົບກັນຈັດຕັ້ງປີພົບປະແລກປ່ຽນວັດທະນະທຳມະນຸດ ຫວຽດນາມ - ຈີນ ປີ 2025 ເນື່ອງໃນໂອກາດສະເຫຼີມສະຫຼອງ 75 ປີ ແຫ່ງວັນສ້າງຕັ້ງສາຍພົວພັນທາງການທູດ, ເພີ່ມທະວີການແລກປ່ຽນພົບປະຂັ້ນສູງ, ຍູ້ແຮງການເຊື່ອມຕໍ່ຄົມມະນາຄົມ, ການຮ່ວມມືດ້ານເສດຖະກິດ - ການຄ້າ, ວັດທະນະທຳ - ການສຶກສາ ແລະ ພົບປະແລກປ່ຽນມິດຕະພາບປະຊາຊົນ.

ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ຕ້ອນຮັບທ່ານ Riad Malki, ທີ່ປຶກສາການພົວພັນຕ່າງປະເທດ, ທູດພິເສດຂອງທ່ານເລຂາທິການໃຫຍ່ ປາແລັດສະຕິນ (ພາບ: ກະຊວງການຕ່າງປະເທດ)

ໃນວັນດຽວກັນ,  ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ແລະ ທ່ານເລຮວ່າຍຈູງ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດ ຫວຽດນາມ ໄດ້ໃຫ້ການຕ້ອນຮັບທ່ານ Riad Malki, ທີ່ປຶກສາການພົວພັນຕ່າງປະເທດ, ທູດພິເສດຂອງທ່ານເລຂາທິການໃຫຍ່ ປາແລັດສະຕິນ ທີ່ພວມຢ້ຽມຢາມ ຢູ່ ຫວຽດນາມ.