(ພາບປະກອບvietnamexodus.info)
( vovworld ) – ວັນທີ 26/5, ຕອບຄຳຖາມຂອງນັກຂ່າວກ່ຽວກັບປະຕິກິລິຍາຂອງ ຫວຽດນາມ ທີ່ມີຕໍ່ເລື່ອງອາເມລິກາ ອອກບົດລາຍງານສິດທິມະນຸດປະຈຳປີ 2011, ໃນນັ້ນມີສ່ວນຕີລາຄາກ່ຽວກັບສະພາບສິດທິມະນຸດຢູ່ ຫວຽດນາມ, ທ່ານ Luong Thanh Nghi ໂຄສົກກະຊວງການຕ່າງປະເທດ ຫວຽດນາມ ຊີ້ແຈ້ງວ່າ: ເຖິງວ່າ ບົດລາຍງານຮັບຮູ້ບັນດາຜົນງານສຳຄັນຂອງ ຫວຽດນາມ ໃນການຮັບປະກັນສິດທິມະນຸດກໍ່ຕາມ ແຕ່ໜ້າເສຍດາຍຍັງສືບຕໍ່ໄດ້ຍົກອອກບາງຂໍ້ໃຫ້ສັງເກດຂາດພາວະວິໄສ ອີງຕາມບັນດາຂໍ້ມູນຂ່າວທີ່ຜິດເຂວ ກ່ຽວກັບສະພາບການປະຕິບັດສິດທິມະນຸດຢູ່ ຫວຽດນາມ. ທ່ານ Luong Thanh Nghi ກໍ່ໃຫ້ຮູວ່າ, ໃນໄລຍະທີ່ຜ່ານມາ, ການພົວພັນລະຫ່ວາງຫວຽດນາມ-ອາເມລິກາ ໄດ້ມີຄວາມຄຶບໜ້າໃນຫຼາຍດ້ານ. ສອງປະເທດສືບຕໍ່ແລກປ່ຽນບັນດາບັນຫາທີ່ຕ່າງຝ່າຍຕ່າງມີຄວາມສົນໃຈເປັນປະຈຳ, ໃນນັ້ນມີບັນຫາສິດທິມະນຸດ. ເລື່ອງຮັກສາການເຈລະຈາບົນຈິດໃຈກົງໄປກົງມາ, ສ້າງສັນ ແລະ ເຄົາລົບນັບຖືຊື່ງກັນ ແລະ ກັນ ໄດ້ປະກອບສ່ວນເພີ່ມທະວີຄວາມເຂົ້າອົກເຂົ້າໃຈ ແລະ ຊຸກຍູ້ພົວພັນລະຫວ່າງສອງປະເທດສືບຕໍ່ພັດທະນາເພື່ອຜົນປະໂຫຍດຂອງປະຊາຊົນສອງປະເທດ.