ບັນດາອົງການດຳເນີນທຸລະກິດ ຮຽກຮ້ອງລັດຖະບານ ອາເມລິກາ ລົບລ້າງຄຳສັ່ງຂວ້ຳບາດຕໍ່ມ້ຽນມາ
Minh Hien, ນັກຂ່າວ VOV ປະຈຳ ອາເມລິກາ -
ພາບປະກອບ
(vovworld) – ວັນທີ 23/4, ສະພາດຳເນີນທຸລະກິດອາເມລິກາ - ອາຊຽນ, ຫ້ອງການການຄ້າອາເມລິກາ ແລະ ສະພາການຄ້າຕ່າງປະເທດແຫ່ງຊາດ ອາເມລິກາ ໄດ້ພ້ອມກັນອອກຖະແຫຼງການ ເພື່ອຕອບສະໜອງແຜນການລົບລ້າງຄຳສັ່ງຂວ້ຳບາດທີ່ມີຕໍມ້ຽນມາ ຂອງສະຫະພາບເອີລົບ. ນອກນັ້ນ, ສະພາດຳເນີນທຸລະກິດ ອາເມລິກາ - ອາຊຽນ, ຫ້ອງການການຄ້າອາເມລິກາ ແລະ ສະພາການຄ້າຕ່າງປະເທດແຫ່ງຊາດ ອາເມລິກາ ກໍໄດ້ຮຽກຮ້ອງລັດຖະບານ ອາເມລິກາໂຍະຍານ ແລະ ຢຸດຕິຄຳສັ່ງລົງໂທດທີ່ມີຕໍ່ມ້ຽນມາ, ພິເສດແມ່ນໃນບັນດາຂົງເຂດການບໍລິການການເງິນ, ການລົງທຶນ ແລະ ຖືວ່ານີ້ແມ່ນບັນດາຮົ້ວກີດຂວາງຕໍ່ລະດັບເຕີບໂຕ ແລະ ພັດທະນາເສດຖະກິດ ຢູ່ມ້ຽນມາ. ອົງການຂອງ ອາເມລິກາ 3 ແຫ່ງນີ້ ກໍຮັບຮູ້ວ່າ: ບັນດາບໍລິສັດຂອງ ອາເມລິກາ ແມ່ນ ບັນດາຄູ່ຮ່ວມມືສຳຄັນ ປະກອບສ່ວນໃຫ້ແກ່ການພັດທະນາເສດຖະກິດຂອງ ມ້ຽນມາ, ເລື່ອງ ສະຫະພາບເອີລົບ ປະກາດ ລົບລ້າງຄຳສັ່ງຂວ້ຳບາດຕໍ່ມ້ຽນມາ ສະແດງໃຫ້ເຫັນຄວາມຈຳເປັນ ແລະ ຖ້າຫາກລັດຖະບານ ອາເມລິກາ ບໍ່ປະຕິບັດບັນດາບາດກ້າວທີ່ຄ້າຍຄືດັ່ງກ່າວ ຈະເຮັດໃຫ້ບັນດາບໍລິສັດຂອງ ອາເມລິກາ ຖືກເສຍປຽບເມື່ອທຽບໃສ່ຄູ່ແຂ່ງກັນອື່ນ, ພ້ອມທັງກໍຈະສົ່ງຜົນສະທ້ອນເຖິງວິວັດທະນາການປະຕິຮູບທີ່ພວມດຳເນີນຢ່າງຂັນແຂງຢູ່ມ້ຽນມາ.
Minh Hien, ນັກຂ່າວ VOV ປະຈຳ ອາເມລິກາ