ປະທານປະເທດເຈືອງເຕີ໋ນຊາງຕ້ອນຮັບຄະນະຜູ້ແທນເຍົາວະຊົນພາກໃຕ້
(ທ່ານປ ເຈືອງເຕີ໋ນຊາງ ຕ້ອນຮັບຄະນະຜູ້ແທນອະດີດ
ນັກຮົບເຍົາວະຊົນຕໍ່ສູ້ຕ້ານ ອາເມລິກາ ພາກໃຕ້)
(vovworld) - ຕອນບ່າຍວັນທີ 25/02, ຢູ່ສຳນັກງານປະທານປະເທດ, ທ່ານປະທານປະເທດ ຫວຽດນາມ ເຈືອງເຕີ໋ນຊາງ ໄດ້ໃຫ້ການຕ້ອນຮັບຄະນະຜູ້ແທນອະດີດນັກຮົບເຍົາວະຊົນຕໍ່ສູ້ຕ້ານ ອາເມລິກາ ພາກໃຕ້ ເຄີຍໄດ້ພົບປະກັບປະທານ ໂຮ່ຈີມິນ ໄລຍະປີ 1967 – 1969. ທີ່ການພົບປະ, ທ່ານປະທານປະເທດຢືນຢັນວ່າ: ພັກ, ລັດຍາມໃດກໍ່ຈົດຈຳບັນດາວິລະກຳຂອງບັນດາຜູ້ມີຄຸນງາມຄວາມດີຕໍ່ລັດ. ທ່ານປະທານປະເທດ ເຈືອງເຕີ໋ນຊາງ ຖືວ່າ: ພາຍຫລັງ 30 ປີແຫ່ງວັນປ່ຽນໃໝ່, ປະເທດຊາດບັນລຸໄດ້ບັນດາຜົນງານອັນໃຫຍ່ຫລວງ, ຜົນສຳເລັດຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 12 ຂອງພັກຜ່ານມາ ແມ່ນການປະກອບສ່ວນຂອງທົ່ວພັກ, ທົ່ວປວງຊົນ ແລະ ທົ່ວກອງທັບ ໃນນັ້ນ ມີການປະກອບສ່ວນຂອງແຕ່ລະບຸກຄົນຜູ້ແທນທີ່ມີໜ້າໃນການພົບປະນີ້. ທ່ານປະທານປະເທດ ສະເໜີບັນດາຜູ້ແທນ ສືບຕໍ່ປະກອບສ່ວນເຂົ້າໃນພາລະກິດສ້າງສາປະເທດຊາດ ແລະ ຍາມໃດກໍ່ເປັນແບບຢ່າງໃຫ້ລຸ່ນໜຸ່ມຮ່ຳຮຽນຕາມ ໃນພາລະກິດສ້າງສາ ແລະ ປົກປັກຮັກສາປະເທດຊາດໃນທຸກວັນນີ້.