ທ່ານປະທານສະພາແຫ່ງຊາດ ສ. ອາກເມເນຍ Alen Simonyan ແລະ ຄະນະຜູ້ແທນ ເຂົ້າຄຳນັບສຸສານປະທານ ໂຮ່ຈີມິນ (ພາບ: quochoi.vn)

ຫຼັງຈາກນັ້ນ, ທ່ານປະທານສະພາແຫ່ງຊາດ ສ. ອາກເມເນຍ Alen Simonyan ແລະ ຄະນະຜູ້ແທນ ໄດ້ມາຢ້ຽມຢາມ ເຂດປູຊະນີຍະສະຖານປະຫວັດສາດລະດັບຊາດພິເສດ ວັນໝຽວ - ກວັກຕື໋ຢາມ ເຊິ່ງເປັນມະຫາວິທະຍາໄລແຫ່ງທຳອິດຂອງ ຫວຽດນາມ. ນະທີ່ນີ້, ທ່ານປະທານສະພາແຫ່ງຊາດ ອາກເມເນຍ ພ້ອມດ້ວຍຄະນະໄດ້ຮັບຟັງການແນະນຳກ່ຽວກັບປະຫວັດສາດແຫ່ງການສ້າງຕັ້ງ ແລະ ພັດທະນາຂອງມະຫາວິທະຍາໄລແຫ່ງທຳອິດຂອງ ຫວຽດນາມ, ບ່ອນຕິດພັນກັບມູນເຊື້ອດຸໝັ່ນຮ່ຳຮຽນຂອງຊາດ ຫວຽດນາມ.

        ການຢ້ຽມຢາມ ຫວຽດນາມ ຢ່າງເປັນທາງການຂອງທ່ານປະທານສະພາແຫ່ງຊາດ ອາກເມເນຍ ແຕ່ວັນທີ 17 – 23 ພະຈິກ, ແມ່ນການຢ້ຽມຢາມທຳອິດຂອງການນຳອົງການນິຕິບັນຍັດ ອາກເມເນຍ ພາຍຫຼັງ 30 ກວ່າປີແຫ່ງການສ້າງຕັ້ງການພົວພັນທາງການທູດລະຫວ່າງສອງປະເທດ; ເປັນການສະແດງໃຫ້ເຫັນວ່າ ອາກເມເນຍ ຖືການພົວພັນທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ ຫວຽດນາມ ໃນທຸກຂົງເຂດເປັນສຳຄັນ.