ປະທານສະພາແຫ່ງຊາດ ເຈິ່ນແທັງເໝິນ ຢ້ຽມຢາມ, ມອບຂອງຂວັນໃຫ້ພໍ່ແມ່ປະຊາຊົນ, ນັກຮົບຢູ່ເມືອງ ເກົ່າງາງ, ແຂວງ ຈ່າວິງ ເນື່ອງໃນໂອກາດປີໃໝ່
(VOVWORLD) - ເນື່ອງໃນໂອກາດຕ້ອນຮັບບຸນປີໃໝ່ປີມະເສັງ, ຕອນເຊົ້າວັນທີ 11 ມັງກອນ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ໄດ້ໄປຢ້ຽມຢາມຄອບຄົວເປົ້າໝາຍນະໂຍບາຍ, ຄອບຄົວທຸກຍາກ, ຄອບຄົວໃກ້ທຸກຍາກ, ພໍ່ແມ່ປະຊາຊົນບັນດາເຜົ່າສ່ວນໜ້ອຍ, ພະນັກງານ, ນັກຮົບຢູ່ປ້ອມປ້ອງກັນຊາຍແດນ ໝີລອງ, ຕາແສງ ໝີລອງ, ເມືອງເກົ່າງາງ, ແຂວງ ຈ່າວິງ.
 ທ່ານປະທານສະພາແຫ່ງຊາດ ເຈິ່ນແທັງເໝິນ ກ່າວຄຳເຫັນທີ່ການພົບປະ (ພາບ: VOV) |
ນະທີ່ນີ້, ທ່ານປະທານສະພາແຫ່ງຊາດ ເຈິ່ນແທັງເໝິນ ສະເໜີໃຫ້ແຂວງ ຈ່າວິງ, ເມືອງເກົ່າງາງ, ຕາແສງ ໝີລອງ ຕັດສິນໃຈສູ້ຊົນອອກແຂ່ງຂັນປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກຄອມມູນິດ ຫວຽດນາມ ຢ່າງມີໄຊ, ປະຕິບັດສຳເລັດບັນດາຄາດໝາຍຂອງແຜນການພັດທະນາເສດຖະກິດ - ສັງຄົມ ໄລຍະ 5 ປີ 2021 – 2025. ທ່ານປະທານສະພາແຫ່ງຊາດ ປາດຖະໜາວ່າ ບັນດາຄອບຄົວເປົ້າໝາຍນະໂຍບາຍ, ຄອບຄົວທຸກຍາກ, ຄົນທຸກຍາກຜ່ານຜ່າຄວາມຫຍຸ້ງຍາກ.
“ບັນດາຄອບຄົວເປົ້າໝາຍນະໂຍບາຍທີ່ທຸກຍາກ ສືບຕໍ່ບືນຕົວຂຶ້ນສູ້ຊົນຫຼຸດພົ້ນອອກຈາກຄວາມທຸກຍາກ, ຕັ້ງໜ້າອອກແຮງງານ, ທຳການຜະລິດດຳເນີນທຸລະກິດ ເພື່ອປົວແປງຊີວິດການເປັນຢູ່ດ້ານວັດຖຸ ແລະ ຈິດໃຈຂອງແຕ່ລະຄອບຄົວ. ປີ 2025 ແມ່ນປີ ຫວຽດນາມ ສູ້ຊົນລົບລ້າງເຮືອນຢູ່ຊົ່ວຄາວຕາມແຜນນະໂຍບາຍຂອງລັດຖະບານ, ຄະນະກຳມະການສູນກາງແນວໂຮມປະເທດຊາດ ຫວຽດນາມ. ລັດຖະບານກໍມີໂຄງການກ່ຽວກັບການພັດທະນາເສດຖະກິດຢູ່ເຂດປະຊາຊົນບັນດາເຜົ່າສ່ວນໜ້ອຍ. ພວກເຮົາຕັ້ງໜ້າຜັນຂະຫຍາຍພ້ອມກັບບັນດາໂຄງການລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ, ໂຄງການຊົນນະບົດໃໝ່ເພື່ອໃຫ້ຊີວິດຂອງບັນດາຄອບຄົວເປົ້າໝາຍນະໂຍບາຍ, ຄອບຄົວທຸກຍາກໄດ້ຮັບການຍົກສູງຂຶ້ນ”.