(ພາບ: Phương Hoa - TTXVN)
|
(vovworld) - ເນື່ອງໃນໂອກາດວັນແມ່ຍິງສາກົນ 8/3 ແລະ ກ້າວໄປເຖິງກອງປະຊຸມໃຫຍ່ສະຫະພັນລັດຖະສະພາສາກົນຄັ້ງທີ 132, (IPU 132), ຕອນເຊົ້າວັນທີ 14/3, ຢູ່ຮ່າໂນ້ຍ, ທ່ານ ປະທານສະພາແຫ່ງຊາດ ຫງວຽນຊິງຮຸ່ງ ໄດ້ພົບປະບັນດາຜູ້ແທນກຳປູເຈຍ, ລາວ, ຫວຽດນາມ, ຫົວໜ້າຜູ້ຕາງໜ້າອົງການສາກົນຢູ່ຫວຽດນາມ ເຊິ່ງເປັນຜູ້ຍິງ. ທ່ານ ປະທານສະພາແຫ່ງຊາດ ຫງວຽນຊິງຮຸ່ງ ໄດ້ສົ່ງພອນໄຊອັນປະເສີດມາຍັງບັນດາແມ່ຍິງທີ່ດີເດັ່ນ, ເຊິ່ງແມ່ນຜູ້ທີ່ໄດ້ປະກອບສ່ວນບໍ່ໜ້ອຍເຂົ້າໃນການພັດທະນາຂອງຫວຽດນາມ ແລະ ໂລກ, ກໍ່ຄືສາຍພົວພັນຮ່ວມມືພັດທະນາລະຫວ່າງຫວຽດນາມ ແລະ ປະຊາຄົມສາກົນ. ທ່ານປະທານສະພາແຫ່ງຊາດຢືນຢັນວ່າ, ນະໂຍບາຍສະເໝີຕົ້ນສະເໝີປາຍຂອງຫວຽດນາມ ແມ່ນສະໜັບສະໜູນຄວາມມານະພະຍາຍາມກໍ່ສ້າງສັງຄົມສະເໝີພາບໃຫ້ແກ່ທຸກຄົນ. ພິເສດກອງປະຊຸມໃຫຍ່ IPU 132 ຖືກຈັດຂຶ້ນຢູ່ຮ່າໂນ້ຍ ໃນທ້າຍເດືອນ 3 ນີ້, ຈະແມ່ນໂອກາດເພື່ອໃຫ້ຫວຽດນາມແນະນຳກ່ຽວກັບປະເທດຊາດ, ມະນຸດ, ວັດທະນະທຳ ກໍ່ຄືຢືນຢັນຈຸດໝາຍຮັບປະກັນສິດສະເໝີພາບ, ກາລະໂອກາດສະເໝີພາບໃຫ້ແກ່ທຸກຄົນ. ຫົວຂໍ້ຂອງ IPU 132 ແມ່ນ “ບັນດາຄາດໝາຍພັດທະນາຢ່າງໝັ້ນຄົງ - ຫັນຄຳເວົ້າເປັນການກະທຳຕົວຈິງ“.
ທ່ານປະທານສະພາແຫ່ງຊາດ ຫງວຽນຊິງຮຸ່ງ ຫວັງວ່າ ບັນດາສະມາຊິກສະພາແຫ່ງຊາດຍິງ ຈະສືບຕໍ່ເສີມຂະຫຍາຍບັນດາຜົນງານທີ່ມີຢູ່ແລ້ວ, ເປັນກຳລັງໜູນໃຫ້ແມ່ຍິງລຸ້ນສືບທອດ, ກ້າວໄປເຖິງຈຸດໝາຍຄວາມສະເໝີພາບ ແລະ ຄວາມກ້າວໜ້າລວມໃຫ້ທຸກຄົນໃນທົ່ວໂລກ.